ဝေယံအောင်

ဝေယံအောင်
မွေးဖွား	(1991-07-22) ၂၂ ဇူလိုင်၊ ၁၉၉၁ မင်းဘူး, မြန်မာ
နိုင်ငံလူမျိုး	မြန်မာ
အခြား အမည်များ	သီဟသူ
အလုပ်အကိုင်	အလှမယ်ပြိုင်ပွဲ အမျိုးသားဒါရိုက်တာ ဒီမိုကရေစီတက်ကြွလှုပ်ရှားသူ
အဖွဲ့အစည်း	ရွှေမြေမြန်မာအလှမယ် တည်ထောင်သူ မစ္စတာမြန်မာ တည်ထောင်သူ

ဝေယံအောင် (၁၉၉၁ ခုနှစ်ဇူလိုင်လ ၂၂ ဇူလိုင် ၁၉၉၁ မွေးဖွား) သည် နိုင်ငံ့ဂုဏ်ဆောင်အလှမယ်များအား နိုင်ငံတကာသို့ စေလွှတ်ယှဉ်ပြိုင်စေခဲ့သည့် ရွှေမြေမြန်မာအလှမယ်အား ပူးတွဲတည်ထောင်သူ မြန်မာလူငယ်တစ်ဦး ဖြစ်သည်။၂၀၂၁ မြန်မာနိုင်ငံစစ်အာဏာသိမ်းပြီးနောက် Gen Z အဖွဲ့ဝင်များ နှင့်အတူ ထိုင်း-မြန်မာနယ်စပ်ရှိ တိုင်းရင်းသားလက်နက်ကိုင်နယ်မြေသို့ သွားရောက်ပြီး မြန်မာ့ဒီမိုကရေစီအရေးလှုပ်ရှားခဲ့သူလည်း ဖြစ်သည်။

အစောပိုင်းဘဝနှင့် လုပ်ဆောင်မှုများ

ဝေယံအောင်ကို မကွေးတိုင်းဒေသကြီး၊ မင်းဘူးမြို့၌ မွေးဖွားခဲ့သည်။ သူသည် ရွှေမြေမြန်မာအလှမယ် ကို ၂၀၁၃ တွင် သူ၏သူငယ်ချင်းဖြစ်သူ ဟန်ဇော်လတ် နှင့်အတူ တည်ထောင်ခဲ့ကြသည်။

နိုင်ငံရေးလှုပ်ရှားမှုများ

၂၀၂၁ ခုနှစ် မြန်မာနိုင်ငံအာဏာသိမ်းပွဲအပြီးတွင် သူသည်လူထုစုဝေးပွဲများ နှင့် လူမှုကွန်ရက်များမှတဆင့် အာ ဏာသိမ်းမှုအား ဆန့်ကျင်ခဲ့သည်။သူသည် စစ်တပ်အာဏာသိမ်းမှုကိုရှုတ်ချခဲ့ပြီး ဖေဖော်ဝါရီလမှစတင်ကာဆန္ဒပြမှုများတွင် Gen Z Burma အဖွဲ့ဝင်တစ်ဦးအနေဖြင့် တက်ကြွစွာ ပါဝင်ခဲ့သည်။

စစ်တပ်သည် လူသိများသည့် ၎င်း၏ အာဏာသိမ်းမှုဆန့်ကျင်ခြင်းနှင့်စပ်လျဉ်းပြီး ရာဇသတ်ကြီးပုဒ်မ ၅၀၅ (က) ဖြင့် ဖမ်းဝရမ်းထုတ်ဆင့်ခဲ့သည်။

စစ်ကောင်စီ၏ နိုင်ငံတော် အကြည်ညိုပျက်စေမှုဖြင့် တရားစွဲဆိုခြင်းခံထားရသည့် Gen Z Burma အဖွဲ့ဝင် ဝေယံအောင် သည် အမှုဖွင့်ခံထားရသည့်အခြားသော ရွှေမြေမြန်မာအလှမယ် အား ပူးတွဲတည်ထောင်သူ ဟန်ဇော်လတ် အပြင် Alvin တို့နှင့် လွတ်မြောက်နယ်မြေ ထိုင်း-မြန်မာနယ်စပ်သို့ ထွက်ပြေးခဲ့ကြသည်။

နိုင်ငံတကာဆုရ အလှမယ်များအား မွေးထုတ်ပေးသည့် လုပ်ငန်းကိုလည်း သူက စွန့်လွှတ်ခဲ့ရသည်။

ထိုင်း-မြန်မာနယ်စပ် တောတွင်းနေရာမှနေ၍ သူသည် အခြားသော Gen Z များကဲ့သို့ မြန်မာ့ဒီမိုကရေစီအရေးကို ပါဝင်လှုပ်ရှားခဲ့သည်။ထို့နောက် နယ်စပ်မှတဆင့် အမေရိကန်ပြည်ထောင်စုတွင် ခိုလှုံခဲ့သည်။

၂၀၂၅ ခုနှစ်၊ဖေဖော်ဝါရီ တွင် ဝေယံအောင်သည် အမေရိကန်ပြည်ထောင်စု၊ Johns Hopkins တက္ကသိုလ် မှပေးအပ်သည့် Science in Education Policy ဘွဲ့လွန်တန်းပညာသင်ဆုကို ရရှိခဲ့သည်။