ဝပ်ဆင် (ကွန်ပျူတာ)
ဝပ်ဆင် (Watson) သည် အမေရိကန် ကွန်ပျူတာ ကုမ္ပဏီ IBM မှ လူတို့မှ သဘာဝကျကျ မေးမြန်းသော မေးခွန်းများကို ဖြေဆိုနိုင်ရန် တီထွင်ထားသည့် လူသားတို့၏ ဉာဏ်ရည်ကို စီစဉ်တုပထားသော ပရိုဂရမ် တစ်ခုဖြစ်သည်။[၂] IBM အား ထူထောင်ခဲ့သူ ထောမတ်စ် ဝပ်ဆင် (Thomas J. Watson) ကို အစွဲပြုကာ အမည်ပေးထားခြင်း ဖြစ်သည်။[၃] ဝပ်ဆင်ကို IBM ၏ DeepQA လေ့လာရေး ပရောဂျက်၏ တစ်စိတ်တစ်ပိုင်းအဖြစ် တီထွင်ထားသည်။[၄] ယင်း ပရိုဂရမ်သည် POWER7 processor အခြေခံသည့် စနစ်ဖြင့် တွက်ချက်သည်။
ဝပ်ဆင်၏ အစွမ်းအစကို စမ်းသပ်သည့် အနေဖြင့် ၂၀၁၁ ခုနှစ် နှစ်ဦးပိုင်းတွင် အမေရိကန် Jeopardy! ခေါ် ဉာဏ်စမ်း အစီအစဉ်တစ်ခုတွင် ပါဝင် ယှဉ်ပြိုင်စေသည်။[၃] ဝပ်ဆင်နှင့် ယှဉ်ပြိုင်သူများမှာ ယင်းအစီအစဉ်တွင် ဆုကြေးအများဆုံး အနိုင်ရခဲ့ဖူးသူ Brad Rutter နှင့် အချိန်အကြာမြင့်ဆုံး ချန်ပီယံအဖြစ် စံချိန်တင်ထားသူ Ken Jennings တို့ ဖြစ်ကြသည်။ ရုပ်မြင်သံကြားမှ ထုတ်လွှင့်သည့် အစီအစဉ် ၃ ခု အနက် ၂ ခုတွင် ဝပ်ဆင်သည် ၎င်း၏ ပြိုင်ဖက် လူသားများကို အနိုင်ရခဲ့သည်။[၅][၆] ဝပ်ဆင်သည် ပထမဆု အမေရိကန်ဒေါ်လာ ၁ သန်း၊ Ken Jennings နှင့် Brad Rutter တို့က ၃ သိန်းနှင့် ၂ သိန်း အသီးသီး ရရှိခဲ့သည်။ Ken Jennings နှင့် Brad Rutter တို့က ယင်းတို့၏ ဆုကြေးတစ်ဝက်အား လှူဒါန်းမည်ဟု ဆိုပြီး IBM ကမူ ဝပ်ဆင်၏ ဆုငွေများအား ပရဟိတအဖွဲ့အစည်း ၂ ခုထံ ခွဲဝေလှူဒါန်းလိုက်သည်။ ဤပြိုင်ပွဲသည်လည်း Jeopardy! အစီအစဉ် သမိုင်းတလျှောက်တွင် လူသားနှင့် ကွန်ပျူတာ ပထမဦးဆုံးအကြိမ် ဉာဏ်ရည်ပြိုင်ကြခြင်း ဖြစ်သည်။[၇]
ကိုးကား
[ပြင်ဆင်ရန်]- ↑
YouTube ပေါ်ရှိ IBM Watson: The Face of Watson
- ↑ Smartest Machine on Earth Archived 17 February 2011 at the Wayback Machine. Retrieved 14 February 2011.
- ↑ ၃.၀ ၃.၁ Mike Hale။ "Actors and Their Roles for $300, HAL? HAL!"၊ The New York Times၊ February 8, 2011။
- ↑ The DeepQA Project။ Research.ibm.com။ 2011-02-18 တွင် ပြန်စစ်ပြီး။
- ↑ Markoff၊ John။ "Computer Program to Take On 'Jeopardy!'"၊ The New York Times၊ 2009-04-26။ 2009-04-27 တွင် ပြန်စစ်ပြီး။
- ↑ Loftus၊ Jack (2009-04-26)။ IBM Prepping Soul-Crushing 'Watson' Computer to Compete on Jeopardy!။ Gizmodo။ 2009-04-27 တွင် ပြန်စစ်ပြီး။
- ↑ IBM's "Watson" Computing System to Challenge All Time Greatest Jeopardy! Champions (2010-12-14)။ 2010-12-15 တွင် ပြန်စစ်ပြီး။
