ဝန္ဒနီမုဒြာ

ရှိခိုး ဖူးမြော်ဟန် ဖြစ်သည်။

အဉ္ဇလီမုဒြာ, နမက္ကာရမုဒြာတို့နှင့် တူသည်။ ယင်း ပုဒ်များကို ရှင်းလင်းဖော်ပြချက်တို့တွင်

အချို့ ပဋိမာသိပ္ပံ ပညာရှင်များ၏ အဆိုအမိန့်အရ အဉ္ဇလီနှင့် နမက္ကာရတို့မှာ တစုံတရာ မမြွက်ဆိုဘဲ လက်ယှက်ရှိခိုးရုံမျှ ဟန်ဖြစ်၍ ဝန္ဒနီမှာမူ နှုတ်ကလည်း မြွက်ဟရွတ်ဆိုပြီးလျှင် လက်ကလည်းရှိခိုးဟန် ဖြစ်သည်ဟု လေ့လာသိရှိရပါသည်။ မြန်မာဝေါဟာရတွင်လည်းလည်း နမက္ကာရကို ရှိခိုးသည်။ အဉ္ဇလီကို လက်အုပ်ချီသည်။ ဝန္ဒနာကို ဖူးမြော်သည်ဟုလည်း ခွဲခြားကြသေးသည်။

သို့သော် နမက္ကာရ ဘုရားရှိခိုးကျမ်း ဗုဒ္ဓဝန္ဒနာကျမ်းများမှာ ရွတ်ဖတ် သရဇ္ဈာယ်ရမည့် ဘုရားရှိခိုးများကို ရေးသားပြုစုထားခြင်း, အဉ္ဇလိကျမ်းဟူ၌ မယ်မယ်ရရ မတွေ့ရှိရသေးခြင်းများကြောင့် အထက်ပါ ဝိဝါဒကွဲပြားမှုများမှာ လေးလေးနက်နက် မရှိလှဟု ယူမိပါသည်။ သာမညအားဖြင့် အဉ္ဇလိ = နမက္ကာရ = ဝန္ဒနာတို့မှာ သဘောသဘာဝခြင်း တူညီကြသည်ဟု ယူဆလိုပါသည်။