ဝင်းငြိမ်း

ဝင်းငြိမ်း
အမည်ရင်း	ဝင်းငြိမ်း
မွေးဖွား	(1946-05-28)၂၈ မေ၊ ၁၉၄၆ မန္တလေး
ကလောင်အမည်	ဇာနည်ငြိမ်း၊ မိုးကျော်ထွန်း ၊ ဘို ၊ ဝင်းကိုကို
လက်မှတ်

အမည်ရင်း ဦးဝင်းငြိမ်းဖြစ်သည်။ အဘ ဦးကျားဘငြိမ်း နှင့် အမိ ဒေါ်ကြည်ကြည် တို့မှ ၁၉၄၆ ခု၊ မေ ၂၈ ရက်တွင် မွေးဖွား၏။ ဇာတိမှာ မန္တလေးမြို့ဖြစ်ပြီး မွေးချင်း ခုနှစ်ယောက်တွင် အကြီးဆုံးသားဖြစ်သည်။

မန္တလေး သံတဲကျောင်းတွင် ပညာ စတင်သင်ကြားခဲ့သည်။ ထိုကျောင်းမှ ၁၉၄၆ တွင် အထက်တန်း အောင်ခဲ့သည်။ ရန်ကုန် စီးပွားရေးတက္ကသိုလ်သို့ ရောက်ရှိပြီး ၁၉၆၇ ခုတွင် ဘီ၊စီအိုအယ်မ် (အေအေ) ဘွဲ့ ရရှိခဲ့သည်။ ထို့နောက် အာ၊ အေ၊ အာ၊ အိုင်၊ ဒီ၊ အယ်မ်၊ အေ ဒီပလိုမာ သင်တန်းများ တက်ရောက် အောင်မြင်ခဲ့သည်။ ဘဏ္ဍာရေးနှင့် အခွန်ဝန်ကြီး ဌာန၊ ရသုံး မှန်းခြေ ငွေစာရင်း ဦးစီးဌာနတွင် လက်ထောက် ညွှန်ကြားရေးမှူး ရာထူးထိ တာဝန်ထမ်းဆောင်ခဲ့ပြီး အငြိမ်းစားယူခဲ့သည်။

၁၉၆ဝ တွင် စုံထောက်မဂ္ဂဇင်း၌ ဘာသာပြန်ဝတ္ထုတို စတင်ရေးသားခြင်းဖြင့် စာပေလောကသို့ ဝင်ရောက်ခဲ့သည်။ ၁၉၈၁ ခုက စတင်ထုတ်ဝေသော ပေဖူးလွှာမဂ္ဂဇင်းတွင် စာဖတ်သူများနှင့် တွေ့ဆုံ မေးမြန်းခြင်း ကဏ္ဍကို တာဝန်ယူခဲ့သည်။ ယင်းမဂ္ဂဇင်းတွင် အခြားကလောင်ခွဲများဖြင့် ပေါ့ပ်ကဏ္ဍများ ရေးသားခဲ့သည်။ ရုပ်ရှင်အမြုတေ၊ စန္ဒာ၊ ရင်ခွင်သစ်၊ အရိန္ဒမာ၊ ရုပ်ရှင်၊ ရွှေစည်းစိမ် မဂ္ဂဇင်းများတွင် အယ်ဒီတာအဖြစ် ဆောင်ရွက်ခဲ့သည်။

၁၉၈၉ ခုနှစ်၊ ဇူလိုင်လ မှစတင်ပြီး ရွှေအမြု‌တေ ရုပ်စုံမဂ္ဂဇင်းကို စီစဉ်တည်းဖြတ်ထုတ်ဝေခဲ့သည်။ ရွှေအမြုတေ ဝတ္ထုတိုတစ်ခေတ်နှင့် မျိုးဆက်သစ်စာရေးဆရာများကို မွေးထုတ်ပေးသော ရွှေအသစ်ကဏ္ဍတို့သည် အထူးထင်ရှားသည်။ ၂၀၀၆ ခုနှစ်၊ မေလ၊ (၂၈) ရက်၊ အသက် (၆၀) နှစ်ပြည့် မွေးနေ့မှ စတင်ပြီး နှစ်တစ်နှစ်၏ ဇွန်လမှ နောက်နှစ် မေလအတွင်း ထုတ်ဝေခဲ့သော မြန်မာမဂ္ဂဇင်းများမှ စာမူများကို ဆုချီးမြှင့်သည့် "ရွှေအမြုတေ စာပေဆု" ကို တီထွင်ချီးမြှင့်ခဲ့သည်။

ရွှေအမြုတေမဂ္ဂဇင်း၊ အလင်းတန်းအနုပညာဂျာနယ်၊ ဖူးငုံဆယ်ကျော်သက် မဂ္ဂဇင်းတို့ကို စီစဉ်တည်းဖြတ်သူအဖြစ်ဆောင်ရွက်ခဲ့ပြီး ဘာသာပြန်စာပေများကိုလည်း ရေးသားထုတ်ဝေခဲ့သည်။ ယခုအခါ ရွှေအမြုတေမဂ္ဂဇင်း ကို စီစဉ်တည်းဖြတ်ရင်း စာပေများ ဆက်လက် ရေးသားနေသည်။

အခြား ကလောင်ခွဲများမှာ ဇာနည်ငြိမ်း၊ မိုးကျော်ထွန်း၊ ဘို၊ ဝင်းကိုကို တို့ဖြစ်ကြသည်။

ရေးသားထုတ်ဝေခဲ့သော စာအုပ်များ

ဝင်းငြိမ်း ရေးသားထုတ်ဝေခဲ့သော စာအုပ်များ

စဉ်	စာအုပ်အမည်	စာအုပ်အမျိုးအစား	ခုနှစ်	မှတ်ချက်
	ဝင်းငြိမ်းနှင့် စာရေးဆရာများ (၁)	စာရေးဆရာများနှင့် စာပေအင်တာဗျူး		စာရေးဆရာစုံ
	ဝင်းငြိမ်းနှင့် စာရေးဆရာများ (၂)	စာရေးဆရာများနှင့် စာပေအင်တာဗျူး		စာရေးဆရာစုံ
	ဝင်းငြိမ်းနှင့် စာရေးဆရာများ (၃)	စာရေးဆရာများနှင့် စာပေအင်တာဗျူး		စာရေးဆရာစုံ
	ဓားတောင်ကို ကျော်၍ မီးပင်လယ်ကို ဖြတ်ခဲ့သူနှင့် စာပေလူကြမ်းမင်းသား	စာပေအင်တာဗျူး		ဆရာ မြသန်းတင့်၊ ဆရာအောင်သင်း
	‌မောင်သာရ၏ မောင်သာရ	စာပေအင်တာဗျူး		ဆရာမောင်သာရ
	အထီးကျန်ည	ဘာသာပြန်ဝတ္ထု		ကမ္ဘာကျော် အဆိုတော် အဲလ်ဗစ် ပရက်စလေ အကြောင်း
	နှစ်ကြောင်းရေးတစ်ကြောင်းခြစ်	ဘာသာပြန်ဆောင်းပါးများ		ဝတ္ထုစာပေရေးသားနည်းဆိုင်ရာ ဆောင်းပါးများ
	အချစ်နှင့်စစ်	ဘာသာပြန်ဝတ္ထု		ဗြိတိန် အိမ်ရှေ့မင်းသားကတော် ဒိုင်ယာနာအကြောင်း
	မင်းမှုထမ်း	ဘာသာပြန်ဝတ္ထု		ဗြိတိန် အိမ်ရှေ့မင်းသားကတော် ဒိုင်ယာနာအကြောင်း
	နန်းကျဘုရင်	ဘာသာပြန်ဝတ္ထု	၂၀၁၂	မြန်မာနိုင်ငံ၏ နောက်ဆုံးရှင်ဘုရင် သီပေါမင်း၏ ပါတော်မူပြီး ဘဝအကြောင်း
	ဆင်စွယ်နန်းတော်‌ပေါ်က မင်းသမီး၊ အင်ဂျလီနားဂျိုလီ	ဘာသာပြန်ဝတ္ထု		ဟောလိဝုဒ် ရုပ်ရှင်မင်းသမီး အင်ဂျလီနားဂျိုလီအကြောင်း
	အချစ်စစ်၊ အချစ်မှန် ဆိုသည်မှာ	ဘာသာပြန်အတ္ထုပ္ပတ္တိ
	ဗမာ့စောင်း	ဘာသာပြန်ဝတ္ထု	၂၀၁၇
	ဗမာ့ဟယ်လင်	ဘာသာပြန်အတ္ထုပ္ပတ္တိ	၂၀၁၉
	အစနဲ့အဆုံး	ဘာသာပြန်ဝတ္ထု	၂၀၁၇
	မယ်ဗမာ		၂၀၁၇
	ဖအေတူသား	ဘာသာပြန်အတ္ထုပ္ပတ္တိ	၂၀၁၇
	ဇာတ်တူသားစားသူများ	ဘာသာပြန်ဝတ္ထု	၂၀၁၈
	မျက်ရည်ရဲ့ နောက်မှာ	ဘာသာပြန်ဝတ္ထု
	မင်းသားလေးပြန်လာပြီ	ဘာသာပြန်ဝတ္ထု
	ဖြစ်တည်ခြင်း	ဘာသာပြန်အတ္ထုပ္ပတ္တိ	၂၀၁၉	အမေရိကန်သမ္မတကတော် မီရှဲလ်အိုဘားမား၏ ကိုယ်ရေးအတ္ထုပ္ပတ္တိ
	ကျွန်တော်	ဘာသာပြန်အတ္ထုပ္ပတ္တိ	၂၀၂၀	ကမ္ဘာကျော်အဆိုတော် အယ်လ်တန်ဂျွန်၏ ကိုယ်ရေးအတ္ထုပ္ပတ္တိ
	လိပ်ပြာကူးထူးခြားသူများ	ရုပ်ရှင်အင်တာဗျူး	၂၀၂၀	မြန်မာရုပ်ရှင်သရုပ်ဆောင်များနှင့် တွေ့ဆုံခြင်း