လိုင်လာခန်း
 | ဤ ဆောင်းပါးသည် စိစစ်အတည်ပြုနိုင်ရန်အတွက် နောက်ထပ်ကိုးကားချက်များ လိုအပ်နေသည်။ |
| လိုင်လာခန်း (လိုင်လာခမ်း) | |
|---|---|
| မွေးဖွား | မစန္ဒာ(مَتشَنْدَ) စက်တင်ဘာ ၂၊ ၁၉၇၅ ရန်ကုန် |
| မိခင်ကျောင်း | ရန်ကုန်တက္ကသိုလ်၊ မလေးရှား တက္ကသိုလ် |
| အလုပ်အကိုင် | သရုပ်ဆောင် |
| တက်ကြွလှုပ်ရှားနှစ်များ | ၂၀၁၆ |
| အရပ် | ၅ ft ၆ in (၁.၆၈ m) |
| အိမ်ထောင်ဖက်(များ) | Mirza Ahmed |
| မိဘ(များ) | ဒေါ်မြမြဝင်း (ခေါ်) (Amna Khanآمنة خان), ဒေါက်တာနိုင်ဝင်း (ခေါ်) (Salim Khanسليم خان) |
လိုင်လာခန်း (အာရပ်: ساندار وين ليلى خان)သည် အိန္ဒိယနွယ်ဖွား မြန်မာနိုင်ငံသူ သရုပ်ဆောင်တစ်ဦးဖြစ်သည်။ အိန္ဒိယတွင် သရုပ်ဆောင်အဖြစ်သွားရောက်ကျင်လည်ဖူးသူဖြစ်ပြီး မြန်မာပြည်၌လည်း အနုပညာလှုပ်ရှားမှု အတော်အတန် ရှိခဲ့ရှိနေသည်။ မြန်မာပြည်ဖွား ဘောလီးဝုဒ်မင်းသမီး လိုင်လာခန်း၏ မြန်မာအမည်မှာ မစန္ဒာဝင်း ဖြစ်သည်။ ဒါရိုက်တာ မောင်မျိုးမင်း ရိုက်ကူးသည့် တိုက်ဆိုင်မှုရှိလျှင် ဇာတ်ကားတွင် ဗီလိန်ဇာတ်ရုပ်ကို ပိုင်နိုင်စွာ သရုပ်ဆောင်ခဲ့ခြင်းဖြင့် မြန်မာပြည်တွင် လူသိလာခဲ့သည်။[၁][၂][၃]
အနုပညာခရီး
[ပြင်ဆင်ရန်]အစောပိုင်းက ဒူဘိုင်းတွင် အလုပ်လုပ်နေရင်း အဆက်အသွယ်ရပြီး အိန္ဒိယတွင် အနုပညာအလုပ် လုပ်ခဲ့သည်။ မလေးရှားတက္ကသိုလ်တစ်ခုတွင် MBA ပရိုဂရမ်ကို ၃ နှစ်ကြာလေ့လာပြီးနောက် ဒူဘိုင်းသို့ သွားရောက်ကာ ကြော်ငြာကုမ္ပဏီတစ်ခုတွင် အလုပ်လုပ်ခဲ့သည်။ ကြော်ငြာကုမ္ပဏီတွင် အထွေထွေမန်နေဂျာအဖြစ်လုပ်နေစဉ် ကြော်ငြာအပ်သူ ဘောလီးဝုဒ် ဒါရိုက်တာများ၊ ထုတ်လုပ်သူများက သတိထားမိပြီး ဘောလီးဝုဒ်တွင် သရုပ်ဆောင်လာလုပ်ရန် တိုက်တွန်းအားပေးကြရာမှ ဘောလီးဝုဒ်တွင် သရုပ်ဆောင်ခွင့်ရမည့် အိပ်မက်ကို အကောင်အထည်ဖော်ရန် မွန်ဘိုင်းသို့ သွားရောက်ခဲ့သည်။ မွန်ဘိုင်းတွင် ကမ္ဘာတစ်ဝန်းမှ ဆွဲဆောင်မှုရှိသူ အမျိုးသမီး သရုပ်ဆောင်အရွေးခံသူများနှင့်အပြိုင် အရွေးခံသည့်အဆင့်အောင်မြင်ပြီး တစ်လအကြာ၌ Kool Nahi Hot Hai Hum ဇာတ်ကားအတွက် သရုပ်ဆောင်ခွင့် စတင်ရရှိခဲ့သည်။ မွန်ဘိုင်းတွင် သရုပ်ဆောင်လုပ်နေစဉ် အနုပညာအမည်အတွက် သူမ၏ မူလအမည် Laila တွင် Khan ထပ်ဖြည့်ပြီး မှည့်ခေါ်ပေးကြရာမှ လိုင်လာခန်း (Laila Khan) ဖြစ်လာခဲ့သည်။ ၂၀၁၇ ခုနှစ်၌ ရုံတင်သော ရာဇဝင် ရိုင်းသူများ ရုပ်ရှင်ဇာတ်ကားတွင် ပြေတီဦး၊ မြင့်မြတ်တို့နှင့်အတူ ခေါင်းဆောင်မင်းသမီးအဖြစ် ပါဝင်သရုပ်ဆောင်ခဲ့သည်။[၄][၅]
ပါဝင်သော ဇာတ်ကားများ
[ပြင်ဆင်ရန်]| ရုံတင်နှစ် | ဇာတ်ကားအမည် | ဇာတ်ရုပ် | မှတ်ချက် |
|---|---|---|---|
| ၂၀၁၄ | တိုက်ဆိုင်မှုရှိလျှင် | Angela | ဇာတ်ပို့ |
| ၂၀၁၇ | ရာဇဝင်ရိုင်းသူများ | စင်တီယာ | ဇာတ်ဆောင် |
| ၂၀၀၈ | Students | ||
| ၂၀၁၁ | Faraar | Maria | ဇာတ်ဆောင် |
| ၂၀၀၈ | Kool Nahi Hot Hain Hum | Samia | |
| ၂၀၁၀ | ba cahao | Rani | ဇာတ်ဆောင် |
| ၂၀၀၇ | Ghutan | ကက်သရင်း | |
| ၂၀၁၃ | International daroga | Shweta | ဇာတ်ဆောင် |
| ၂၀၁၈ | baiyajee superhit | LoLo | ဧည့်သည်သရုပ်ဆောင် |
ကိုးကား
[ပြင်ဆင်ရန်]- ↑ Actress Laila Khan comes home for love။ 2014-8-19 တွင် ပြန်စစ်ပြီး။
- ↑ လိုင်လာခမ်းရဲ့ ပထမဆုံး ဗီလိန်ဇာတ်ရုပ်။ 2014-10-9 တွင် ပြန်စစ်ပြီး။
- ↑ မိခင်ဖြစ်သူကို အတုခိုးရင်း အမြဲလှချင်သွားတယ်"ဆိုတဲ့ သရုပ်ဆောင် လိုင်လာခမ်း။ 2018-7-6 တွင် ပြန်စစ်ပြီး။
- ↑ ဘောလီးဝုဒ်ရုပ်ရှင်ထဲက မြန်မာ့အလှ။ 2017-8-10 တွင် ပြန်စစ်ပြီး။
- ↑ အကယ်ဒမီဆုရဖို့ ရေပန်းစားနေကြတဲ့ အနုပညာရှင်များ။ 2016-4-1 တွင် ပြန်စစ်ပြီး။
ပြင်ပလင့်ခ်များ
[ပြင်ဆင်ရန်]
ဖေ့စ်ဘွတ်ခ် ပေါ်ရှိ လိုင်လာခန်း
https://arckarer.netlify.app/sandar-win-news.html စာနယ်ဇင်းပေါ်မှလိုင်လာခန်းပုံရိပ်အချို့