လင်းညှို့တာရာ

လင်းညှို့တာရာ
မွေးဖွား	ဟိန်းမင်းအောင် (1995-09-15) စက်တင်ဘာ ၁၅၊ ၁၉၉၅ ပုသိမ်မြို့၊ ဧရာဝတီတိုင်း
နိုင်ငံလူမျိုး	မြန်မာ
အလုပ်အကိုင်	နက္ခတ်ဗေဒင်ဆရာ၊ အကြားအမြင်ဟောသူ၊ စာရေးဆရာ၊ စစ်တပ်ကန့်ကွက်ရေးလှုပ်ရှားသူနှင့် နိုင်ငံရေးအကျဉ်းသား
ရာဇဝတ်မှု	နိုင်ငံတော်ပုန်ကန်မှု
ရာဇဝတ်ပြစ်ဒဏ်	ထောင်ဒဏ် ၂ နှစ်

လင်းညှို့တာရာ (၁၅ စက်တင်ဘာ ၁၉၉၅ မွေးဖွား) ကို ဟိန်းမင်းအောင်ဟုလည်း လူသိများပြီး သူသည် နက္ခတ်ဗေဒင်ဆရာ၊ အကြားအမြင်ဟောသူနှင့် စာရေးဆရာလည်းဖြစ်ကာ သူ၏ယတြာအစီအရင်များနှင့် အနာဂတ်ဟောပြောချက်များကြောင့် နာမည်ကြီးသူဖြစ်သည်။ သူသည် ၂၀၂၁ တွင် အာဏာသိမ်းခဲ့သော စစ်တပ်ခေါင်းဆောင် မင်းအောင်လှိုင်အားဖြုတ်ချရန် ဆုတောင်းယတြာတစ်ခုပြုလုပ်ပြီး ဗီဒီယိုအား အွန်လိုင်းတွင်တင်ခဲ့သောကြောင့် နိုင်ငံတော်ပုန်ကန်မှုဖြင့် အဖမ်းအဆီးခံခဲ့ရသည်။

အသက်မွေးမှုလုပ်ငန်း

ဧရာဝတီတိုင်းဒေသကြီး ပုသိမ်မြို့နယ်မှ မိဘမဲ့တစ်ဦးဖြစ်ပြီး ဆယ်ကျော်သက်ဘဝတွင် ရန်ကုန်သို့ရောက်လာခဲ့ကာ အင်ဂျင်နီယာပညာကိုသင်ကြားခဲ့ပြီး နက္ခတ်ဗေဒင်ဆရာဖြစ်လာရန်အတွက် ကျောင်းထွက်ခဲ့သည်။

သူ့အသက် ၅နှစ်ခန့်ကတည်းက မှော်ပညာကို စတင်လေ့လာခဲ့ပြီး တဲရော့ကတ်ဟောခြင်းဖြင့် အွန်လိုင်းဖေ့စ်ဘုတ်စာမျက်နှာအား စတင်ထူထောင်ခဲ့သည်။ သူသည်နှစ်စဉ်ကြိုတင်ဟောပြောချက်များ ပြုလုပ်ပြီး လူအများဒုက္ခမ​ရောက်စေရန်ကူညီခဲ့သည်။ The Voice Daily နှင့်ပြုလုပ်ခဲ့သော အင်တာဗျူးတစ်ခုတွင် ဗူဒူးပညာရပ်အား ယုံကြည်သောနိုင်ငံရေးသမားတချို့ ရှိကြောင်း ဖြေကြားခဲ့ပြီး ၂၀၁၅ ရွေးကောက်ပွဲမတိုင်ခင် နာမည်ကြီးနိုင်ငံရေးသမားတချို့နှင့် စီးပွားရေးလုပ်ငန်းရှင်များမှ ၎င်းထံသို့နက္ခတ်ဗေဒင်ဆိုင်ရာ အကြံဉာဏ်များ လာရောက်တောင်းခံခဲ့ကြောင်းလည်း ထုတ်ဖော်ပြောကြားခဲ့သည်။