ရှင်ကဝိန္ဒ

ရှင်ကဝိန္ဒ (၁၁၁၅ − ၁၁၈၃) သည် ညောင်ကန်ဆရာတော်ဟု ထင်ရှားသည့် ကျမ်းပြုဆရာတော်တစ်ပါး ဖြစ်သည်။

ဘဝ

ဆရာတော်ကို ၁၁၁၅ ခုနှစ်တွင် ဗဒုံမြို့နယ်၊ ညောင်ကန်ရွာ၌ ဖွားမြင်ခဲ့သည်။ ငယ်မည်ဦးရောင်ဖြစ်သည်။ ဆရာတော်ကို ဘိုးတော်ဘုရား၏ မြောက်နန်းမိဖုရား (အိမ်ရှေ့ဥပရာမယ်တော်) လှူဒါန်းသည့် မင်္ဂလာဘုံကျော်ကျောင်းတွင် သီတင်သုံးခဲ့သည်။ ဇာတိကို အစွဲပြု၍ ညောင်ကန်ဆရာတော်ဟု ထင်ရှားသည်။ ဆရာတော်သည် ကျမ်းဂန်တတ်သဖြင့် ထင်ရှားသေည်။

ဆရာတော်သည် ကဝိန္ဒာဘိဝံသ သီရိသဒ္ဓမ္မဓဇမဟာဓမ္မရာဇဂုရု တံဆိပ်တော် ရခဲ့သည်။

ပျံလွန်တော်မူခြင်း

ဆရာတော်သည် ၁၁၈၃ ခုနှစ်တွင် ပျံလွန်တော်မူခဲ့သည်။

ပြုစုခဲ့သည့် ကျမ်းများ

ဆရာတော် ပြုစုခဲ့သည့် ကျမ်များမှာ အောက်ပါတို့ ဖြစ်သည် −

၁။ ပဏ္ဏာသနိပါတ်ဇာတ်အဋ္ဌကထာ၊

၂။ စတ္တာလီသနိပါတ်ဇာတ်အဋ္ဌကထာနိသျ၊

၃။ မင်္ဂလတ္ထဒီပနီစကားပြေ၊

၄။ ဝံသမာလာကျမ်း၊

၅။ သင်္ချာပကာသက − စာကိုယ်နိသျ၊

၆။ ဗြို့ဟဇ်ကျမ်းရင်းကြီးပါဌ်နိသျ ၇ တွဲ၊

၇။ မဟာဝင်အဋ္ဌကထာနိသျ၊

၈။ ငါးရာ့ငါးဆယ် နိပါတ်ဝတ္ထု စကားပြေကျမ်း၊

၉။ သတိပဋ္ဌါန်နိသျ၊

၁၀။ ရာဇမတ္တဏ်နိသျ။