မောင်မောင်စိုး
H.E. မောင်မောင်စိုး | |
|---|---|
| ရန်ကုန်မြို့၏ မြို့တော်ဝန်နှင့် ရန်ကုန်မြို့တော် စည်ပင်သာယာရေး ကော်မတီ၏ ဥက္ကဋ္ဌ | |
တာဝန်ထမ်းဆောင်ဆဲ | |
| တာဝန် စတင် ၅ ဧပြီ ၂၀၁၆ | |
| ယခင်လူ | လှမြင့် |
| ကိုယ်ရေး အချက်အလက်များ | |
| မွေးဖွား | မေ ၁၅၊ ၁၉၅၁ |
| အလုပ်အကိုင် | ပါမောက္ခ |
ဦးမောင်မောင်စိုးသည် မြန်မာနိုင်ငံ၏ အကြီးဆုံးမြို့ဖြစ်သော စီးပွားရေးမြို့တော် ရန်ကုန်မြို့တွင် မြို့တော်ဝန်အဖြစ် တာဝန်ထမ်းဆောင်ခဲ့သူဖြစ်သည်။သူသည် ၅ ဧပြီလ ၂၀၁၆ ခုနှစ်မှစ၍ ၂၀၂၁ ဇန်နဝါရီ၃၁ရက်အထိရန်ကုန်မြို့တော်ဝန်ရာထူးနှင့်အတူ ရန်ကုန်မြို့တော် စည်ပင်သာယာရေး ကော်မတီ၏ ဥက္ကဋ္ဌအဖြစ်ပါ တာဝန်ထမ်းဆောင်သည်။ [၁][၂] သူသည် ရန်ကုန် စီးပွားရေး တက္ကသိုလ်မှ အငြိမ်းစားယူခဲ့သော ပါမောက္ခတစ်ဦးလည်းဖြစ်သည်။[၃]
ဦးမောင်မောင်စိုးအား ၁၅ မေ ၁၉၅၁ ခုနှစ်တွင် ဖွားမြင်ခဲ့ပြီး[၄] ၁၉၇၃ ခုနှစ်တွင် ရန်ကုန်စီးပွားရေးတက္ကသိုလ်မှ စီးပွားရေးဘွဲ့(Bachelor of Economics)ကို ရရှိခဲ့သူတစ်ဦးလည်း ဖြစ်သည်။[၅]
၂၀၂၁ ဖေဖော်ဝါရီ၁ရက်နေ့ နောက်ပိုင်းအခြေအနေ
[ပြင်ဆင်ရန်]၂၀၂၁ မြန်မာနိုင်ငံစစ်အာဏာသိမ်းခံရခြင်း တွင် ဦးမောင်မောင်စိုးသည် အခြားသော နိုင်ငံရေးရာထူးရှိသူများနည်းတူ တာဝန်မှရပ်စဲခံခဲ့ရကာ နိုင်ငံတော်စီမံအုပ်ချုပ်ရေးကောင်စီက ရန်ကုန်မြို့တော်ဝန် အသစ်အဖြစ် ဦးဗိုလ်ဌေး အား ခန့်အပ်ခဲ့သည်။[၆]
ထိုအချိန်မှစပြီး ဦးမောင်မောင်စိုး၏ သတင်းသည် မီဒီယာပေါ်တက်မလာတော့ပေ။အဖမ်းခံရသည်ဟုလည်း သတင်းမထွက်ခဲ့ပေ။[၇] ၂၀၂၁ ဖေဖော်ဝါရီ ၁ရက်နေ့ နောက်ပိုင်း တစ်နှစ်နှင့် ၄လခန့်အကြာ ၂၀၂၂ခုနှစ် မေလ ၂၆ရက် တွင် အဂတိလိုက်စားမှုတိုက်ဖျက်ရေးကော်မရှင်က ၎င်းအပါအဝင် ဒုတိယမြို့တော်ဝန်ဟောင်း၊ရန်ကုန်စည်ပင်တာဝန်ရှိသူအချို့နှင့် ရန်ကုန်အစိုးရအဖွဲ့ဝင်ဟောင်းတချို့ ကို အဂတိမှုများကျူးလွန်သည်ဟု စွပ်စွဲကာ အရေးယူထားကြောင်း ထုတ်ပြန်ခဲ့သည်။[၈]
အရေးယူထားမှုထုတ်ပြန်ချက်ထဲ ရန်ကုန်မြို့တော်အတွင်း ဆီဆိုင်များ ဖွင့်လှစ်မှု၊ မြေငှားချထားပေးမှုနှင့် တခြားမြေငှားချထားမှုများတွင် နိုင်ငံဘဏ္ဍာငွေ နစ်နာခဲ့ရသည်က ဦးမောင်မောင်စိုးတွင်တာဝန်ရှိသည် ဟုဖော်ပြခဲ့သည်။[၉] [၁၀]
ကိုးကား
[ပြင်ဆင်ရန်]- ↑ "Rangoon MPs Approve New Regional Government Members" (in en-US)၊ 2016-04-04။
- ↑ Appointment of Mayors (Order No. 22/2016)။ Republic of the Union of Myanmar President’s Office (5 April 2016)။ 22 February 2019 တွင် မူရင်းအား မော်ကွန်းတင်ပြီး။ 25 August 2021 တွင် ပြန်စစ်ပြီး။
- ↑ Ye Mon (5 April 2016)။ Ex-civil servants dominate Yangon cabinet။
- ↑ H.E. U Maung Maung Soe။ 2 February 2017 တွင် မူရင်းအား မော်ကွန်းတင်ပြီး။ 22 April 2017 တွင် ပြန်စစ်ပြီး။
- ↑ To၊ Lee Lai; Othman၊ Zarina (2016)။ Regional Community Building in East Asia: Countries in Focus (အင်္ဂလိပ်ဘာသာစကားဖြင့်)။ Routledge။ ISBN 9781317265559။
- ↑ ရန်ကုန်မြို့တော်စည်ပင်သာယာရေးကော်မတီဝင်များ ခန့်အပ်တာဝန်ပေးခြင်း။
- ↑ ဖေဖော်ဝါရီ ၁ ရက် စစ်အာဏာသိမ်းပွဲ ဖမ်းဆီးခံရသူများစာရင်း။
- ↑ ရန်ကုန်မြို့တော်ဝန် ဦးမောင်မောင်စိုးအပါအဝင် ၆ ဦးကို အဂတိမှုဖြင့်စွပ်စွဲ စစ်ကောင်စီအမှုဖွင့်။
- ↑ ရန်ကုန်မြို့တော်ဝန်အပါအဝင် ၆ ယောက် အဂတိနဲ့ အမှုဖွင့်ခံရ။
- ↑ စက်သုံးဆီဆိုင်ဖွင့်ရန် မြေနေရာများကို ကာလပေါက်စျေးထက် နည်းပါးသည့်နှုန်းထားဖြင့် ချထားပေးခြင်း၊ အပါအဝင် ယခင်ရန်ကုန်အစိုးရအဖွဲ့ဝင် ဝန်ကြီးဟောင်း ဦးဟံထွန်း၊ မြို့တော်ဝန်ဟောင်း ဦးမောင်မောင်စိုး၊ ဒုမြို့တော်ဝန်ဟောင်း၊ စည်ပင်အဖွဲ့မှ အတွင်းရေးမှူးအပါအဝင် လူခြောက်ဦးအား အဂတိလိုက်စားမှုဖြင့် အမှုဖွင့်။
| နိုင်ငံရေးဆိုင်ရာ ရုံးများ | ||
|---|---|---|
| ယခင်က လှမြင့် |
ရန်ကုန်မြို့တော်ဝန် ၂၀၁၆–လက်ရှိ |
တာဝန်ထမ်းဆောင်ဆဲ |