မီးဘေးအန္တရာယ် ကာကွယ်ရေး အင်ဂျင်နီယာ ဘာသာရပ်

ဝီကီပီးဒီးယား မှ
Jump to navigation Jump to search

မီးဘေးအန္တရာယ်ဆိုင်ရာ အင်ဂျင်နီယာ ဘာသာရပ်သည် သိပ္ပံနှင့် အင်ဂျင်နီယာဘာသာ စည်းမျဉ်းများကို အသုံးချ၍ ပြည်သူများ၊ အိုးအိမ်စည်းစိမ်များ နှင့် ၎င်းတို့နှင့် သက်ဆိုင်သော ပတ်ဝန်းကျင်တို့အား မီး နှင့် မီးခိုးတို့ကြောင့် ဖြစ်ပေါ်လာသော ထိခိုက်ပျက်စီးစေမည့် အကျိုးသက်ရောက်မှုများမှ ကာကွယ်သော ပညာရပ်ဖြစ်သည်။ ထိုပညာရပ်တွင် မီးဘေးအန္တရာယ်ကို စောင့်ကြည့်ခြင်း၊ ငြိမ်းသတ်ခြင်းနှင့် ပျက်စီးဆုံးရှုံးမှုကို နည်းပါးစေခြင်း တို့ကို အလေးထား ဆောင်ရွက်သော မီးဘေးအန္တရာယ် ကာကွယ်ရေးဆိုင်ရာ အင်ဂျင်နီယာ ဘာသာရပ် နှင့် လူတို့၏ အပြုအမူနှင့် မီးဘေးအန္တရာယ်ဖြစ်ပွားပါက အန္တရာယ်ကင်းစွာ ရှောင်တိမ်းထွက်ခွာနိုင်ခြင်းတို့ကို အလေးထား ဆောင်ရွက်သော မီးဘေးအန္တရာယ် လုံခြုံရေး ဆိုင်ရာ အင်ဂျင်နီယာ ဘာသာရပ်တို့ ပါဝင်သည်။ အမေရိကန် ပြည်ထောင်စုတွင် မီးဘေးအန္တရာယ် ကာကွယ်ရေးဆိုင်ရာ အင်ဂျင်နီယာ ဘာသာရပ်ထဲတွင် မီးဘေးလုံခြုံရေး ဆိုင်ရာ အင်ဂျင်နီယာ ဘာသာရပ် ပါဝင်နေသည်။

မီးဘေးအန္တရာယ်ဆိုင်ရာ အင်ဂျင်နီယာ ဘာသာရပ်တွင် အောက်ပါတို့ပါဝင်သည်။

  • မီးဘေးအန္တရာယ်ကို စောင့်ကြည့်ခြင်း - မီးဘေးအန္တရာယ် အချက်ပေးမှုစနစ် နှင့် မီးသတ်ကို ဆင့်ခေါ်သော စနစ်
  • မီးဘေးအန္တရာယ်ကို တိုက်ရိုက် ကာကွယ်ခြင်း - မီးငြိမ်းသတ်မှု စနစ်
  • မီးဘေးအန္တရာယ်ကို သွယ်ဝိုက် ကာကွယ်ခြင်း - မီးနှင့် မီးခိုး အတားအဆီးများ၊ နေရာလွတ်ချန်ထားခြင်း
  • မီးခိုး ထိန်းချုပ်ခြင်းနှင့် စီမံခန့်ခွဲခြင်း
  • လွတ်မြောက်နိုင်သော ပံ့ပိုးမှုများ - အရေးပေါ်ထွက်ပေါက်၊ မီးလောင်နေစဉ် အသုံးပြုသော ဓာတ်လှေကား အစရှိသည်များ
  • အဆောက်အဦး ဒီဇိုင်း၊ ပုံစံနှင့် နေရာ စီမံခြင်း
  • မီးဘေးအန္တရာယ် တားဆီးရေး အစီအစဉ်များ
  • မီးဘေးအန္တရာယ်၏ သဘောတရား နှင့် ပုံစံထုတ်ခြင်း
  • မီးလောင်နေစဉ် လူတို့၏ အပြုအမူ
  • စီးပွားရေး ဆိုင်ရာ ထည့်သွင်းစဉ်းစားမှုများ အပါအဝင် အန္တရာယ်အတွက် ကြိုတင်တွက်ဆမှုများ
  • တောမီးလောင်ခြင်းအား စီမံခန့်ခွဲခြင်း