နော်ဘူဘောဆုတောင်းတောင်
| နော်ဘူဘောဆုတောင်းတောင် | |
|---|---|
_-_panoramio_(4).jpg) | |
| အမြင့်ဆုံးအမှတ် | |
| ကိုဩဒိနိတ် | 19°04′27″N 96°40′52″E / 19.0742891°N 96.6810879°Eကိုဩဒိနိတ်: 19°04′27″N 96°40′52″E / 19.0742891°N 96.6810879°E[၁] |
| ပထဝီဝင် | |
  နော်ဘူဘောဆုတောင်းတောင် မြန်မာနိုင်ငံရှိ တည်နေရာ | |
| တည်နေရာ | ကရင်ပြည်နယ်၊ မြန်မာနိုင်ငံ |
| တောင်တက်ခြင်း | |
| ပထမဆုံး တက်ရောက်ခြင်း | မသိရှိရ |
နော်ဘူဘောဆုတောင်းတောင် သည် ကရင်ပြည်နယ်၏ အထင်ကရနေရာတစ်ခုဖြစ်ပြီး သံတောင်ကြီးမြို့တွင် တည်ရှိသည်။[၂][၃]
အသွင်အပြင်
[ပြင်ဆင်ရန်]နော်ဘူဘောတောင်သည် ကရင်ပြည်နယ်၏ အမြင့်ဆုံးတောင်များထဲတွင် ပါဝင်ပြီး တောင်ပေါ်မှ လတ်ဆတ်သောလေကို ရှူရှိုက်ရင်း သဘာဝပတ်ဝန်းကျင်အလှအပရှုခင်းများကို ခံစားနိုင်သည်။ ပင်လယ်ရေမျက်နှာပြင်အထက် ၄၈၂၄ ပေအမြင့်တွင် တည်ရှိသည်။ တောင်ပေါ်သို့ တက်ရောက်ရာတွင် လှေကားထစ်ပေါင်း ၃၇၄ ထစ်ကို တက်ရသည်။
နော်ဘူဘောင်တောင်သို့ လာရောက်ကြသည့် ခရီးသွားများသည် အမျိုးမျိုးသော တောင်းဆုများကို ပြုကြသည်။[၂][၃]
တောင်၏ အမည်
[ပြင်ဆင်ရန်]တောင်၏ အမည်မှာ ဒဏ္ဍာရီထဲမှ ကရင်တိုင်းရင်းသူ "နော်ဘူဘော" ဟု အမည်ကို အစွဲပြု၍ ခေါ်ရာမှ ဖြစ်ပေါ်လာသည်။ တောင်ပေါ်သို့ တက်သည့် လှေကားထစ်များအနီးတွင် ဆုတောင်းသည့် အခန်းငယ်များ ရှိသည်။
တောင်ထိပ်ပေါ်တွင် ကရင်တိုင်းရင်းသူလေး နော်ဘူဘော၏ ကျောက်ဖြစ်ရုပ်ကြွင်းများ၊ နော်ဘူဘောအား တရားစီရင်ခဲ့သည့်နေရာ၊ နေဘူဘောရေချိုးဆိပ်စသည့် နေရာများကိုလည်း လေ့လာကြည့်ရှုနိုင်သည်။[၂][၃]
လမ်းပန်းဆက်သွယ်ရေး
[ပြင်ဆင်ရန်]တောင်ငူမှ သံတောင်ကြီးမြို့သို့ ၂၈ မိုင်ခရီး သွားရ၏။ ထိုသို့ သွားရောက်ရာတွင် ၁၃ မိုင်မှ စတင်ကာ တောင်တက်ခရီး ဖြစ်သည်။ တောင်ပေါ်သို့ ခြေလျင်ခရီး ၄ မိုင် တက်ရသည်။ တောင်ခြေတွင် ယာဉ်များရပ်နားရန်နေရာ ရှိသည်။[၂][၃]
ဝန်ဆောင်မှုများ
[ပြင်ဆင်ရန်]ခရီးသွားများအတွက် ညအချိန်တည်းခိုရန်အတွက် ၁၅၀၀ ကျပ်သာ ကုန်ကျသည်။ ထမင်းတစ်နပ်အတွက် ၂၀၀၀ ကျပ် ကုန်ကျသည်။ နိုင်ငံခြားခရီးသွားများအနေနှင့်မူ သံတောင်ကြီးမြို့တွင်သာ တည်းခို၍ နော်ဘူဘောတောင်သို့ လာရောက်လည်ပတ်ကြသည်။[၂][၃]