ဒေးဒရဲတံတား

ဒေးဒရဲတံတား
ကိုဩဒိနိတ်	16°24′48″N 95°53′25″E
သယ်ဆောင်မှု	နှစ်လမ်းသွားကားလမ်း၊ လူသွားလမ်း
ဖြတ်သန်းမှု	ဧရာဝတီမြစ်
တည်နေရာ	ရန်ကုန်တိုင်းဒေသကြီး ကွမ်းခြံကုန်းမြို့နယ်နှင့် ဧရာဝတီတိုင်းဒေသကြီး ဒေးဒရဲမြို့နယ်
အမည်	ဒေးဒရဲတံတား
ပြုပြင်ထိန်းသိမ်းသူ	ဆောက်လုပ်ရေး ဝန်ကြီးဌာန
အချက်အလက်များ
တံတားဒီဇိုင်း	သံမဏိသံပေါင်
စုစုပေါင်းအရှည်	၄၀၈၈.၃ ပေ (၁၂၄၆.၁ မီတာ)
အကျယ်	ကားလမ်း ၂၈ ပေ
အမြင့်	၃၆ ပေ (၁၁ မီတာ)
ခံနိုင်ဝန်အား	ယာဉ်တစ်စီးချင်းခွင့်ပြုအလေးချိန် တန် ၆၀
သမိုင်းကြောင်း
စတင်ဆောက်လုပ်ချိန်	၁၀ ဇွန် ၂၀၀၀
လုပ်ငန်းပြီးဆုံးချိန်	၂၃ မတ် ၂၀၀၃
ဖွင့်လှစ်သည့်နေ့	၂၃ မတ် ၂၀၀၃

ဒေးဒရဲတံတား သည် ရန်ကုန်တိုင်းဒေသကြီး ကွမ်းခြံကုန်းမြို့နယ်နှင့် ဧရာဝတီတိုင်းဒေသကြီး ဒေးဒရဲမြို့နယ် တို့ကို ဆယ်သွယ်ပေးထားသော ဧရာဝတီမြစ်ကူးတံတား တစ်စင်းဖြစ်သည်။ ဆောက်လုပ်ရေး ဝန်ကြီးဌာန၊ ပြည်သူ့ဆောက်လုပ်ရေးလုပ်ငန်းမှ ၂၀၀၀ ခုနှစ် ဇွန်လတွင် စတင်ဆောက်ခဲ့ပြီး ၂၀၀၃ ခုနှစ် မတ်လ ၂၃ ရက်နေ့တွင် ဖွင့်လှစ်ခဲ့သည်။

တံတားအချက်အလက်များ

ပင်မတံတားအုတ်မြစ်မှာ ဘိုးပိုင်သံကူကွန်ကရစ် အမျိုးအစား၊ တံတားတိုင်များမှာ သံကူကွန်ကရစ် အမျိုးအစားနှင့် တံတားအပေါ်ထည်မှာ သံမဏိသံပေါင် အမျိုးအစား ဖြစ်သည်။ တံတားအရှည်မှာ ၄၀၈၈.၃ ပေ ဖြစ်ပြီး ၂၈ ပေ အကျယ်ရှိ နှစ်လမ်းသွားကားလမ်းနှင့် ၆ ပေစီကျယ်သော လူသွားလမ်းနှစ်ခု ပါရှိသည်။ ရေလမ်းကင်းလွတ်အကျယ် ၃၅၀ ပေ၊ ရေလမ်း ကင်းလွတ်အမြင့် ၃၆ ပေရှိသည်။ ယာဉ်တစ်စီးချင်းခွင့်ပြုအလေးချိန်မှာ ၆၀ တန် ဖြစ်သည်။ စုစုပေါင်းကုန်ကျစရိတ်မှာ ကျပ်သန်းပေါင်း ၃၅၅၀ နှင့် အမေရိကန်ဒေါ်လာ ၁.၆ သန်း ဖြစ်သည်။