ထွန်းနောင်၊ တက္ကသိုလ်

ဝီကီပီးဒီးယား မှ
Jump to navigation Jump to search

တက္ကသိုလ် ထွန်းနောင် (၁၉?? - ၂၀၀၉) သည် မြန်မာလူမျိုး သွားဆရာဝန်၊ တေးရေးနှင့် အဆိုတော် ဖြစ်သည်။

ကိုယ်ရေးအကျဉ်း[ပြင်ဆင်ရန်]

၁၉၇၁ ခုနှစ်တွင် မြန်မာ့ရိုးရာ တေးဂီတနယ်ပယ်မှ " မာမီရယ် ရှာပေးကွယ် ရည်းစားလိုချင်တယ်" ဟူသော လူတစ်ဦးတစ်ယောက်၏ စိတ်ခံစားမှုကို တိုက်ရိုက်ဖော်ပြသည့် တေးသီချင်း အမျိုးမျိုးကို တက္ကသိုလ်ထွန်းနောင်က ခေတ်ပေါ်တေးဂီတ အသွင်ဖြင့် လူထုကို မိတ်ဆက်ပေးခဲ့သည်။ ပထမဦးဆုံး တေးသီချင်း အခွေတွင် အဆိုတော်၏ အမည်ကို ရေးသားမထားခဲ့ပေ။ နောက်ပိုင်းနှစ်များတွင်မူ အဆိုတော်၏ ဂီတမိတ်ဆွေ အကော်ဒီယံအုန်းကျော်၏ အကူအညီဖြင့် ကံ့ကော်တော တေးသံသွင်း စတူဒီယိုမှ တေးသီချင်းခွေများကို တရားဝင် ဖြန့်ချိခဲ့သည်။ သူ၏ နမူနာအတိုင်း ထိုတေးသံသွင်းနှင့်ပင် တက္ကသိုလ် အေးမောင်(ရယ်ဂျီ ဘဦး)၊ ကံ့ကော်တော မျိုးအောင်ပလေးဘွိုင်း သန်းနိုင်မြန်မာပြည် သိန်းတန်စိန်လွင်(အဆိုတော်)မင်းမင်းလတ်ဗစ်တာခင်ညိုဘိုဘိုဟန် အစရှိသော အခြားသော မျိုးဆက်သစ် နာမည်ကြီး အဆိုတော်များလည်း ထွက်ပေါ်လာခဲ့သည်။

တက္ကသိုလ်ထွန်းနောင်

တက္ကသိုလ်ထွန်းနောင်သည် ဂီတဝေဖန်ရေးနှင့် ပတ်သက်သည့် ဆောင်းပါးအနည်းငယ်လည်း ရေးခဲ့ဖူးသည်။ သူသည် သွားဘက်ဆိုင်ရာ တက္ကသိုလ် ကျောင်းသားဟောင်းလည်း ဖြစ်သည်။

တက္ကသိုလ်ထွန်းနောင် ရေးခဲ့သောဆောင်းပါးတစ်ပုဒ်

၁၉၇၂-ခုနှစ်လောက်တွင် မြန်မာနိုင်ငံ၌ လျှပ်စစ်တေးဂီတကို အခြေခံသည့် စတီရီယိုတေးသမားများ၏ သီချင်းများ ဈေးကွက်တွင် အပြိုင်အဆိုင် ထုတ်လုပ်လာကြသည်။ နာမည်ရပြီး စတီရီယိုခေတ်ဦး အဆိုကျော်များ၊ နောက်ထပ် တိုးဝင်လာကြသည့် အဆိုသမားများ၊ ရုပ်ရှင်မင်းသား အဟောင်း အသစ်များပါ ပါဝင်လာတော့သည်။ ထိုအချိန်က သူ့တေးများသည် အောင်မြင် လက်ခံကြ၍ စတီရီယိုတေး ခေတ်ဦးတွင် နေရာကောင်း တစ်နေရာရခဲ့သည်။ တက္ကသိုလ်ထွန်းနောင်သည် စတူဒီယိုခေတ်၏ လမ်းပြဦးဆောင်သူဟု ပြောလျှင် ရပါသည်။

၁၉၇၃-ခုနှစ်တွင် စတီရီယိုတေး လောကသည် ဂီတဈေးကွက်တွင် တက္ကသိုလ်ထွန်းနောင်ချည်းပဲ နီးပါး နေရာရခဲ့သည်။ ဆန်းသစ်မှုကို ကြိုက်သော ပရိသတ်ကြီး၏ အသိအမှတ်ပြုမှုကို ခံရပါသည်။ သို့သော် လွတ်လပ်ရေး ရပြီးကတည်းက ဈေးကွက်တစ်ခုလုံး နီးပါးကို ရရှိထားသော မြန်မာသံ ဂီတသမားများအတွက် အခက်ကြုံရသည့် ကာလတစ်ခု ဖြစ်ခဲ့သည်။ မြန်မာသံစဉ်များ ပျောက်ကွယ်သွားမလား ထင်ရလောက်အောင် ဖြစ်လာခဲ့သည်။ ထို့ကြောင့်လည်း အရိုးစွဲဝါဒသမားများက ကမ္ဘာကြီးနှင့် တပြေးညီ ဖြစ်ထွန်းခဲ့သော မြန်မာပေါ့ပ်ဂီတသမားများကို “သရုပ်ပျက်ဂီတ”ဟု ကင်ပွန်းတပ်ပြီး ကျယ်ကျယ်လောင်လောင်၊ ပေါ်ပေါ်ထင်ထင် တိုက်ခိုက်လာကြပါ တော့သည်။ တက္ကသိုလ်ထွန်းနောင်သည် အရေးကောင်း၊ အဆိုကောင်း၍ တေးချစ်ပရိသတ်ကြား နာမည်ကြီးရသလို သည်းသည်းမည်းမည်း တိုက်ခိုက်သူတွေကြောင့်လည်း နာမည်ဆိုးနှင့် ကျော်ကြားသလို ဖြစ်ခဲ့ပါသည်။

၁၉၇၃-ခုနှစ်၊ ဒီဇင်ဘာလတွင် ပြုလုပ်မည့် ဆန္ဒခံယူပွဲအတွက် မြန်မာတစ်ပြည်လုံးအနှံ့ စည်းရုံးလှုံ့ဆော်ရာမှစ၍ စတီရီယိုသမားများသည် နေရာတခု ရခဲ့သည်။ သူ့ခေတ်က လူကြီးတော်တော်များက လက်မခံကြပါ။ စာရေးဆရာများ၏ ဝေဖန်မှုကိုလည်း ခံခဲ့ရ၏။ ထိုစဉ်က စတူဒီယိုတေးကို လက်သင့်မခံသေး၍ ပျဉ်းမနားနှစ်ကျိပ်ရှစ်ဆူပွဲတွင် လှည့်လည်သီဆိုခဲ့ရာ၌ ခဲများ၊ ပြောင်းဖူးရိုးများနှင့် ပေါက်ခံရဘူးသည်။ နောက်နှစ်များတွင် ရုပ်ရှင်မင်းသား ကျော်ဟိန်းလည်း သူ့လိုပင် ဖြစ်ခဲ့ဘူးသည်။ (မေယာအမ်တီ)

ထင်ရှားသော သီချင်းများ[ပြင်ဆင်ရန်]

ခေါင်းစဉ် တေးရေး တေးဆို မှတ်ချက်
ရည်းစား လိုချင်တယ် [၁] တက္ကသိုလ် ထွန်းနောင် တက္ကသိုလ် ထွန်းနောင်
ဟိုဘက်ခြံက ကောင်မလေး တက္ကသိုလ် ထွန်းနောင် တက္ကသိုလ် ထွန်းနောင်
ချစ်ချစ် ဒါလင် တက္ကသိုလ် ထွန်းနောင် တက္ကသိုလ် ထွန်းနောင်
ညိုချော တက္ကသိုလ် ထွန်းနောင် တက္ကသိုလ် ထွန်းနောင်
ထဘီစိမ်းစိမ်းလေး တက္ကသိုလ် ထွန်းနောင် တက္ကသိုလ် ထွန်းနောင်
လှည်းဘီးမျက်မှန် တက္ကသိုလ် ထွန်းနောင် တက္ကသိုလ် ထွန်းနောင်
ဆံတိုကလေးထားတာ ညီမလေးတို့ မှန်တယ် တက္ကသိုလ် ထွန်းနောင် တက္ကသိုလ် ထွန်းနောင်

ဘဝနိဂုံး[ပြင်ဆင်ရန်]

အသက် ၆၄ နှစ်အရွယ်၌ နှလုံးရောဂါဖြင့် ရန်ကုန်မြို့၊ သုခကမ္ဘာ အထူးကုဆေးခန်း၌ ၂၀၀၉ ခု၊ အောက်တိုဘာလ (၇)ရက်၊ ည ၈ နာရီတွင် ကွယ်လွန်သည်။ ကွယ်လွန်ချိန်တွင် သမီးတစ်ဦး၊ ကွာရှင်းပြီးဇနီး နာမည်ကြီး အငြိမ့်မင်းသမီးနှင့် ရုပ်ရှင်မင်းသမီးကြီး စံရှားတင် ကျန်ရစ်ခဲ့သည်။

  1. နိုင်ဇော်။ "ဂီတအနုပညာရှင် ဆရာဝန်များ"။ ရုပ်ရှင်တေးကဗျာ ရသစုံမဂ္ဂဇင်း။ အတွဲ ၂၂၊ အမှတ် ၇။ ၂၀၀၈၊ ဇူလိုင်။