ကျော်ဟိန်း

ဝီကီပီးဒီးယား မှ
Jump to navigation Jump to search
ကျော်ဟိန်း
မွေးဖွားကျော်ဌေး
(1947-07-25) ၂၅ ဇူလိုင်၊ ၁၉၄၇ (အသက် ၇၂)
ရန်ကုန်မြို့
အလုပ်အကိုင်သရုပ်ဆောင်
တက်ကြွလှုပ်ရှားနှစ်များ၁၉၆၈–၂၀၀၈

ကျော်ဟိန်းသည် မြန်မာသရုပ်ဆောင်တစ်ဦး ဖြစ်သည်။

ကျော်ဟိန်းသည် ၁၉၄၇-ခုနှစ်၊ ဇူလိုင်လ(၁၄)ရက်၊ တနင်္လာနေ့တွင် ရန်ကုန်မြို့၊ စမ်းချောင်းမြို့နယ်၊ ကျောင်းကုန်းလမ်း၌ အငြိမ်းစား ခရိုင်ရဲဝန် အဖ ဦးဂျွန်မောင်စိန် နှင့် အမိ ဒေါ်ချိုချိုတို့မှ မွေးဖွားခဲ့သည်။ ကရကဋ်ရာသီဖွားဖြစ်ပြီး ငယ်နာမည် ကျော်ကြီး။ အမည်ရင်းမှာ ကျော်ဌေး ဖြစ်သည်။ သားသမီး ခြောက်ယောက်မှာ နံပါတ် လေးယောက်မြောက်ဖြစ်သည်။ ၁၉၅၂ ခုနှစ် - ရန်ကုန်မြို့၊ ကြည့်မြင်တိုင်၊ ABM ကျောင်းမှာ ပထမတန်းကနေ စတုတ္ထတန်းအထိ ကျောင်းစာသင်ကြားခဲ့သည်။(စတုတ္ထတန်း စာမေးပွဲမှာ အောင်မှတ် မပြည့်လို့ နွေရာသီကျောင်းပိတ်ရက် နှစ်လမှာ စာကျက်ပြီး စာမေးပွဲ ပြန်ဖြေရတယ်။) ၁၉၅၆ ခုနှစ် - အလုံမြို့နယ်၊ ဟုမ်းလမ်း ဘူတာရုံနားက ယူနစ်ကရင်ကျောင်းမှာ ပဉ္စမတန်းကို တက်ရောက်သင်ကြား။ ၁၉၅၇ ခုနှစ် -အလုံမြို့နယ်၊ ကူရှင်ကျောင်းမှာ ဆဋ္ဌမတန်း၊ သတ္တမတန်း (နှစ်ကြိမ်)၊ အဋ္ဌမတန်း၊ နဝမတန်း (နှစ်ခါကျလို့ ကျောင်းထွက်လိုက်ရ) ၁၉၆၄ ခုနှစ် -ရန်ကုန်မြို့၊ မြို့နယ်အသီးသီးရှိ အလွတ်ပညာသင်ကျောင်း (ညကျောင်းအပါအဝင်)၊ (၂၃) ကျောင်း ပြောင်းရွှေ့သင်ကြား၊ နောက်ပိုင်း ကျောင်းမနေဖြစ်တော့ဘဲ အိမ်က ၁၆ ကြိမ်ဆင်း။ အိမ်ပြေးဘဝနဲ့ လမ်းပေါ်မှာ လေလွင့်။ ၁၉၆၅ ခုနှစ် - ကမာရွတ်မြို့နယ်၊ ဒေါ်သာထက်ကျောင်းမှာ နဝမတန်း (သုံးကြိမ်မြောက်) သင်ကြားအောင်မြင်။ ၁၉၆၆ ခုနှစ် - ဒဂုံမြို့နယ်၊ ဒေါ်နုနုခင် အလွတ်ပညာသင်ကျောင်းမှာ ဒသမတန်းသင်ကြား၊ သုံးလလောက်တက်ပြီး ရေတပ်ထဲဝင် (ကိုယ်ပိုင်နံပါတ် ၁၂၂၀၅) ၁၉၆၇ ခုနှစ် - ရေတပ်ထဲကထွက်၊


ဒသမတန်း ပြန်ဖြေ၊ ဆယ်တန်း(ခ)နှင့်အောင် (တက္ကသိုလ်ဝင်တန်း)အထိ ပညာသင်ကြားခဲ့သည်။ ငယ်စဉ်က စိန်ဂေါ်လီဂိုဏ်းဝင် တစ်ဦးဖြစ်သည်။ ရုပ်ရှင်လောကထဲရောက်။

၁၉၇၀-ပြည့်နှစ်မှစ၍ ရုပ်ရှင်မင်းသမီး စန္ဒာနှင့်အတူ ဖူးစာလမ်းစုံ ဇာတ်ကားဖြင့် ရုပ်ရှင်လောကထဲသို့ ဝင်ရောက်ခဲ့သည်။ ရုပ်ရှင်သရုပ်ဆောင်အဖြစ် `အကာကအချစ်၊ အနှစ်ကမေတ္တာ´၊ `မွန်းတည့်ချိန်တွင် နေဝင်သည်´၊ `ပန်းမြိုင်လယ်က ဥယျာဉ်မှူး´၊ `ဝေလည်းမွှေး ကြွေလည်းမွှေး´ဇာတ်ကားများဖြင့် အကယ်ဒမီ လေးကြိမ်ရရှိခဲ့သည်။ `မွန်းတည့်ချိန်တွင် နေဝင်သည်´ဇာတ်ကားကို ကိုယ်တိုင် ဒါရိုက်တာအဖြစ် ရိုက်ကူးခဲ့သည်။

၁၉၇၀-ခုနှစ်တွင် ပထမဆုံး ဒါရိုက်တာလုပ်၍ သရုပ်ဆောင် ရိုက်ကူးခဲ့သော ဇာတ်ကားမှာ စိန်သို့မဟုတ်စိန် ဖြစ်သည်။ ထိုဇာတ်ကား၏ ကြော်ငြာဒီဇိုင်း၊ ပိုစတာများအားလုံးကို သူကိုယ်တိုင် နေမင်းထိပ်ခေါင် အမည်ဖြင့် ရေးဆွဲခဲ့ပေသည်။

ဝတ္ထုတို၊ ဝတ္ထုရှည်အချို့ ရေးသားခဲ့ပြီး တေးစီးရီးအချို့ကိုလည်း သီဆိုထုတ်လုပ်ခဲ့သည်။ ရုပ်သံကြော်ငြာများတွင်လည်း သရုပ်ဆောင်ကြေး အများဆုံးရသူဖြစ်သည်။ [၁]

၂၀၀၈-ခုနှစ်၊ နိုဝင်ဘာ (၄)ရက်နေ့မှစ၍ ဦးကျော်ဟိန်းသည် ရုပ်ရှင်လောကက အနားယူကာ ရဟန်းဝတ်ခဲ့လေသည်။ ဘွဲ့တော်မှာ ဦးကိတ္တိသာရ ဖြစ်သည်။ ဦးကျော်ဟိန်း ရဟန်းမဝတ်ခင်ကလည်း ကျော်ဟိန်း၏ နောက်ဆုံးနှုတ်ဆက်ခရီးစဉ်ဟု အမည်ပေးကာ မြန်မာနိုင်ငံ အနှံ့သို့ သွားရောက်ခဲ့သေးသည်။ ရဟန်းဘောင်ဝင်၍ တရားပွဲများ ပြုလုပ်ခြင်းနှင့် ပတ်သက်၍ ဝေဖန်ပြောဆိုမှုများ ရှိခဲ့သည်။ ဘုန်းကြီးဝတ်အနေဖြင့် စာပေများရေးသောအခါ ကလောင်နာမည် ဦးကိတ္တိသာရ(ခေတ္တ ၃၁ ဘုံ) ဟုဖြစ်သည်။ နောက်ဆုံး ရိုက်ကူးခဲ့သော ရုပ်ရှင်ကားမှာ ကြိုးတန်း ဖြစ်သည်။

ဓာတ်ပုံများ[ပြင်ဆင်ရန်]

၂၀၁၃ ခုနှစ်တွင် အသိသတိ ဝက်ဘ်စာမျက်နှာကို လွှင့်တင်သည်။

သီဆို၍ ထုတ်ခဲ့သော စီးရီးများ[ပြင်ဆင်ရန်]

  1. မျက်ရည်ငှက်များ နားစေသတည်း
  2. လူကြီးမင်းများ လက်ခုပ်တီးပါ
  3. ယင်းမာတင်ဆက်မှု (၂)
  4. တစ်ကိုယ်တော်လေလွင့်ခြင်း
  5. စင်ပေါ်က သီချင်းများ
  6. အဓိပ္ပါယ်ရှိသောလူ
  7. ထာဝရရှင်သန်နေမယ်
  8. ဝီရရသ
  9. အသစ်
  10. ဒုတ် ဒုတ် ဒုတ် ဒုတ်
  11. မော်ဒန်အင်းတစ်ခ်
  12. အဓိပ္ပါယ်ရှိသော စင်ပေါ်ကသီချင်းများ
  13. နိုဝင်ဘာ - ၁၁
  14. The Next (နောက်ဆုံးကျော်ဟိန်း ဗီဒီယို ဇာတ်ကားထဲမှာ ဇာတ်ဝင်သီချင်းအဖြစ် ထည့်သုံးလိုက်သည်။) [၂]

ရေးသားသော စာပေ[ပြင်ဆင်ရန်]

  1. ကျွန်တော့်ကိုယ်စားပြောပေးပါ (လုံးချင်းဝတ္ထု) ၁၉၇၅၊(ဒု)၁၉၈၄
  2. ရောင်စုံအပိုင်းအစများ (ဝတ္ထုတိုပေါင်းချုပ်)၂၀၀၂
  3. ပြာ အက်ဆေး
  4. စိတ်ဓားပြ - ကွယ်လွန်သူ ဒွေးရဲ့ အမှတ်တရစာ [၃]
  5. `ကျော်ဟိန်းများ´(ကျော်ဟိန်း၏ နှစ်ပေါင်း ၄ဝ သမိုင်း) စာအုပ်ကို Faces မီဒီယာမှ ၂၀၀၉-ခု၊ နိုဝင်ဘာ ၁၆ ရက်နေ့တွင် ဖြန့်ချိပြီး တစ်အုပ်လျှင် ကျပ် ၁၁၅၀ဝ ဖြင့် ရောင်းချခဲ့သည်။
  6. သရုပ်ဆောင်ကျမ်း (ရေးသားသူ-ကျော်ဟိန်း)
  7. ဝတ္ထုတိုပေါင်းချုပ် (ကျော်ဟိန်းရေးခဲ့သော ဝတ္ထုတိုများ စုစည်းမှု)
  8. “လုံးဝအဖြူ” ရုပ်ပြဇာတ်လမ်းစာအုပ်(ပ+ဒု) ကျော်ဟိန်းအကြောင်း


၁၉၆၇ ခုနှစ်မှ ၂၀၀၈ ခုနှစ်ထိ (နှစ်ပေါင်း ၄၁ နှစ်အတွင်း)ရိုက်ကူးခဲ့သော ရုပ်ရှင် ကားပေါင်း ၂၂၂ကား၊ ဗီဒီယို ကားပေါင်း ၃၆၂ကား ဆိုခဲ့တဲ့ သီချင်းခွေပေါင်း ၁၄ခွေ ဖြစ်သည်။

ကိုးကား[ပြင်ဆင်ရန်]

  1. ကြော်ငြာနှင့် ဈေးဝယ်လမ်းညွှန် မဂ္ဂဇင်း အမှတ်(၆၂)၂၀၀၀-ပြည့်နှစ်၊ ဇူလိုင်လ
  2. ဆိုခဲ့သော သီချင်းခွေပေါင်း ၁၄ ခွေ။ ၁၆ ၊ ၂၀၁၃ တွင် ပြန်စစ်ပြီး။ဖေ ၂၀၁၃ တွင် ပြန်စစ်ပြီး။
  3. ပေဖူးလွှာ ရသစုံမဂ္ဂဇင်း အတွဲ(၁)၊ အမှတ်(၁)၂၀၀၉၊ စက်တင်ဘာလ