တို့ရွာအလိုက်
တို့ရွာအလိုက် ကို ဦးဆောင်း ရေးသားခဲ့သည်။ လွမ်းချင်း ကဗျာအမျိုးအစား ဖြစ်သည်။
တို့ရွာအလိုက်[ပြင်ဆင်ရန်]
မိုးမသောက်ခင်က
ခလောက်ကယ် ဂျောင်ဂျင်
လုပ်ငန်းငယ်ပြင်သည်
ချောင်းရေယဉ် သွင်သွင်စီးပါလို့
ကောက်ကြီးစပါးနှံက
သန်လှတယ်လေး။
သို့အရာမူ
တို့ရွာအလိုက်၊ ချွေးပြိုက်ပြိုက်ကယ်နှင့်
ကောက်စိုက်မူဟန်၊ သူအပြန်ကို
ထမင်းခံမြေလုပ်၊ အင်စောင်ထုပ်နှင့်
ဆူးပုပ်ကယ်ရွက်ညို
ဆီမခတ်သော်လည်း၊ တလတ်ကယ်ချိုလှတယ်
မင်းပျိုတို့ ခုချိန်ခါကို
စားစရာဝါမပြောပါဘု
ပေါလှတယ်လေး။
ခက်ဆစ်[ပြင်ဆင်ရန်]
၁။ ဂျောင်ဂျင် = ခလောက်မြည်သံ။
၂။ ကောက်ကြီး = စိုက်သည့်ရက်မှ ရက်ပေါင်း ၁၇၀ − ၂၀၀ အတွင်းမှည့်သော သက်ကြီးစပါးတစ်မျိုး။
၃။ ထမင်းခံ = ထမင်းထည့်စရာခွက်။
၄။ အင်စောင်တုတ် = ဟင်းရံထည့်ထားသော အနားထူထဲသည့် မြေအင်တုံ။
ကိုးကား[ပြင်ဆင်ရန်]
- ↑ မြန်မာကဗျာလက်ရွေးစင် − သတ္တမတန်း။
၁)ဖိုးဝဇီရ အတ္ထုပ္ပတ္တိ စာမျက်နှာ ၂၆၉