ဇူလိုင် ၁၉၈၂

(၁) ရက်

• အာဂျင်တီးနားသမ္မတအဖြစ် အငြိမ်းစားကြည်းတပ်ဗိုလ်ချုပ်ကြီး ရေနာဒိုဘီညောင်သည် ကတိသစ္စာခံယူ၍ ရာထူးစတင်လက်ခံ။

(၂) ရက်

• ဆိုဗီယက်အာကာသယာဉ်မှူးများဖြစ်ကြသော ဗလာဒီမာဇာနီဘီကော့၊ အဲလက်ဇန်းအီဗန်ချင်းကော့နှင့် ပြင်သစ်နိုင်ငံသား ရှရက်ရှင်းတို့ လိုက်ပါသွားသော ဆိုဗီယက်အာကာသယာဉ် ဆိုယုတီ ၆ သည် အာကာသတွင် လေ့လာမှုများ အောင်မြင်စွာ ပြုလုပ်ခဲ့ပြီးသည့်နောက် ကမ္ဘာမြေပြင်သို့ ပြန်လည်ဆင်းသက်ရောက်ရှိ။

(၃) ရက်

• ပြင်သစ်က မြေအောက်ညူကလီယာ စမ်းသပ်ဖောက်ခွဲမှုတခုကို ပစိဖိတ်သမုဒ္ဒရာ တောင်ပိုင်းရှိ မူရိုရူဝါကျွန်းစုတွင် ပြုလုပ်။
• အမေရိကန်က ဒုံးပျံစမ်းသပ်ရန် ငှားရမ်းထားသော ကွာဂျာလိန်းကျွန်းပေါ်တွင် ဒုံးပျံစမ်းသပ်မှုကို ဆန့်ကျင်သော ဆန္ဒပြသူများက ကျွန်းကို သိမ်းပိုက်ထားသဖြင့် ကျွန်းငှားရမ်းခ ဒေါ်လာနှစ်သန်းကို မာရှယ်ကျွန်းစုသမ္မတနိုင်ငံအား မပေးဘဲ ရပ်ဆိုင်းထားလိုက်။

(၄) ရက်

• ဒိုမီနီကန်သမ္မတ အန်တိုနီယိုရုဇ်မန်းအား ရုံးခန်းထဲ၌ ဦးခေါင်းတွင် သေနတ်ဒဏ်ရာဖြင့် သေဆုံးနေသည်ကို တွေ့ရ၊ ယမန်နေ့ည သန်းခေါင်မတိုင်မီလေးတွင် မိမိကိုယ်ကို သတ်သေပုံရသည်ဟု နိုင်ငံရေးရပ်ကွက်ကပြော၊ အစိုးရတရားဝင်ထုတ်ပြန်ချက်တွင်မူ မတော်တဆ ကျည်ထွက်သွားပြီး သေဆုံးရသည်ဆို။

(၆) ရက်

• မော်စကိုမှ အနောက်အာဖရိကသို့ ပျံသန်းသည့် ဆိုဗီယက်ခရီးသည်တင်လေယာဉ် အီဗော်လူးရှင်း ၆၂ သည် မော်စကိုလေဆိပ်မှ ပျံတက်ပြီးစ လေဆိပ်နှင့် ခုနစ်မိုင်ကွာတွင် ပျက်ကျ။

(၁၁) ရက်

• ပင်အမေရိကန်လေကြောင်းကုမ္ပဏီမှ ဘိုးအင်း ၇၂၇ ခရီးသည်တင်လေယာဉ်တစင်းသည် ယမန်နေ့က နယူးအော်လီမန်မြို့ လူနေရပ်ကွက်ပေါ် ပျက်ကျရာ ခရီးသည် ၁၃၈ ဦး၊ လေယာဉ်ဝန်ထမ်း ၇ ဦးနှင့် မြေကြီးပေါ်ရှိ ထိခိုက်မိသူ ၇ ဦးကို ပွဲချင်းပြီးသေဆုံးစေခဲ့သည်သာမက ဒဏ်ရာရသဖြင့် ဆေးရုံတင်ထားရသူ ၆ နှစ်အရွယ်ကလေးငယ်တဦးပါ ယနေ့သေဆုံးရပြန်သဖြင့် သေဆုံးသူ ၁၅၃ ဦးဟု ကြေညာ။

(၂၃) ရက်

• ထိုင်းအရှေ့မြောက်ပိုင်းဒေသတွင် မိုးခေါင်ခြင်းကြောင့် လယ်ယာများပျက်စီးကာ ငတ်မွတ်ခေါင်းပါးဘေး ကြုံတွေ့နေရသော လယ်သမားများမှာ ပိုးမွှားများနှင့် ကင်းလိပ်ချောတို့ကို စားသုံးမှီဝဲရသည့် အခြေဆိုက်နေသည်ဟု ထိုင်းပါလီမန်တွင် ဒေသဆိုင်ရာအမတ်များက ကင်းလိပ်ချောအသေကောင်များကို ဝှေ့ရမ်းပြ၍ တင်ပြဆွေးနွေး၊

(၂၄) ရက်

• ဂျပန်တောင်ပိုင်း အထူးသဖြင့် နာဂါဆကီဒေသတွင် မိုးသည်းထန်စွာ ရွာသွန်း၍ ရေကြီးမြေပြိုခြင်းကြောင့် လူ ၁၃၅ ဦး သေဆုံး၊ ၁၉၄ ဦး ပျောက်ဆုံးဟု ဂျပန်ရဲတပ်ဖွဲ့က အစီရင်ခံ။

(၂၅) ရက်

• အိန္ဒိယသမ္မတသစ်အဖြစ် ရွေးခံရသော ဇေးလ်ဆင်းသည် သမ္မတရာထူးကို ကျမ်းကျိန်လက်ခံ။

ကိုးကား

နိုင်ငံတကာရေးရာသတင်းစဉ် စက်တင်ဘာ၊ ၁၉၈၂ ထုတ်