ဆွေးနွေးချက်:ရဟန္တာဓာတ်တော်

ရဟန္တာ၏ အရိုးသည် ချိတ်ဆက် ဟုတ်/မဟုတ်

အောက်ဆုံးစာပိုဒ်က စာဖတ်တဲ့သူတွေကို ခိုင်လုံတဲ့ အချက်တွေ မပေးနိုင်ဘူးလို့ ထင်တယ်။ မိုးကုတ်ဆရာတော်ကြီးက ရဟန္တာ ဟုတ်/မဟုတ် ကျွန်တော်ကတော့ မသိပါ။ အောက်ဆုံးစာပိုဒ်ပါ အချက်အလက်ကို အမှန်လို့ အတည်ပြုမယ်ဆို မိုးကုတ်ဆရာတော်ကြီးသည် ရဟန္တာ ဖြစ်တယ်ဆိုတာ မှန်ကန်ဖို့ လိုပါတယ်။ ပြီးတော့ စာထဲမှာ ရေးထားတဲ့အတိုင်း ဓာတ်ပုံကိစ္စတွေပါ အတည်ပြုဖို့ လိုပါလိမ့်မယ်။ အကယ်၍ စာပိုဒ်ပါ မိုးကုတ်ဆရာတော်သည် ရဟန္တာ အမှန်ဖြစ်လျှင်သော်မှ အခြားရဟန္တာတို့သည်လည်း ထိုကဲ့သို့ ချိတ်ဆက်သည်ဟု ကောက်ချက်ချခြင်းသည်လည်း လိုအပ်ချက်များ ရှိနေအုံးမည် ဖြစ်သည်။ မဟာပရိနိဗ္ဗာနသုတ်မှာ

• ဘုရားရှင်၏ အရိုးတော်သည် ကွင်းဆက်
• ပစ္စေကဗုဒ္ဓါ၏ အရိုးတော်သည် ချိတ်ဆက်
• ကျန်ပုဂ္ဂိုလ်တို့၏ အရိုးသည် တေ့ဆက် ဖြစ်သည်ဟု ပါရှိသည်။ စာပိုဒ်ပါအချက်အလက်ကို အထောက်အထားခိုင်လုံအောင် မွမ်းမံပြီး အတည်ပြုပေးရန် လိုအပ်ကြောင်း ဆွေးနွေးလိုက်ပါတယ်။ ခင်မောင်မောင်လွင် (ဆွေးနွေး) ၁၄:၅၀၊ ၂၈ နိုဝင်ဘာ ၂၀၁၇ (UTC)