ဆွေးနွေးချက်:ကြယ်စုတန်း

အမည်

Constellation ကို ရှိပြီးသား အသုံးတွင်ကျယ်ပြီးသား မြန်မာ စကားလုံးဖြစ်တဲ့ တာရာ (သို့) ကြယ်တာရာ လို့ပဲ သုံးရင် ကောင်းမယ်ထင်ပါတယ်။ ကြယ်စုတန်း ဆိုတဲ့ စကားလုံးက နားလည်နိုင်ပေမယ့် နက္ခတ္တဗေဒ / နက္ခတ္တသိပ္ပံ နယ်မှာ အသုံးမတွင်သေးတဲ့ အသစ်ပြန်ထွင်ထားတဲ့ စကားလုံးလို ဖြစ်နေပါတယ်။ မြန်မာစကားမှာ ကြယ်စုတန်းတွေအတွက် နက္ခတ် နဲ့ တာရာ ဆိုပြီး နှစ်မျိုး ရှိပါတယ်။ သဘောကတော့ အတူတူပါပဲ။ ဒါပေမယ့် နက္ခတ် ဆိုတာကို ဗေဒင်အသုံး နက္ခတ် ၂၇ လုံးအတွက်သာ သီးသန့်သုံးပြီး တာရာကတော့ အားလုံးနဲ့ အကျုံးဝင်ပါတယ် ။ ဒါကြောင့် Constellation ကို တာရာ (သို့) ကြယ်တာရာ လို့ ပြောင်းဖို့ အကြံပြုပါတယ်။ Yarzaryeni (ဆွေးနွေး) ၁၀:၅၅၊ ၂၃ ဒီဇင်ဘာ ၂၀၂၁ (UTC)

အခေါ်အဝေါ်အမည်မှန်က ကြယ်တာရာ ဆိုရင်လည်း ကန့်ကွက်ရန် မရှိပါ။ သို့သော် ကြယ်စုတန်းနဲ့ လင့်ခ်ချိတ်ထားတဲ့ စာမျက်နှာမှန်သမျှကိုလည်း ပြောင်းလဲရမယ်ထင်တယ်။ ဥပမာ လာစာသာ (ကြယ်စုတန်း)၊ ဒရကို (ကြယ်စုတန်း)၊ စီတပ် (ကြယ်စုတန်း) အစရှိသည်ဖြင့် ကြယ်စုတန်းနဲ့ပတ်သက်တဲ့ဆောင်းပါးအားလုံးနဲ့ သက်ဆိုင်ရာကဏ္ဍတွေကို‌ပေါ့။ နောက်ပြီး ကြယ်စုတန်းတခုမှာ ပါဝင်တဲ့ ကြယ်၊ ဂလက်ဆီအပါဝင် သက်ဆိုင်ရာဆောင်းပါးတွေမှာ နှစ်ဆင့်ပြန်ညွှန်းခြင်း ရှိ/မရှိ စစ်ဆေးသင့်ပါကြောင်း။ Dr Lotus Black (ဆွေးနွေး) ၁၅:၂၉၊ ၂၃ ဒီဇင်ဘာ ၂၀၂၁ (UTC)