စူရာဟ်ဘကရာ
စူရာဟ်ဘကရာ (အာရပ်: الْبَقَرَة, ’al-baqarah; lit. "နွားမငယ်" သို့မဟုတ် "နွားမ") သည် ကုရ်အာန်ကျမ်း၏ ဒုတိယမြောက်နှင့် အရှည်ဆုံး အခန်း (စူရဟ်) ဖြစ်သည်။[၁] ၎င်းတွင် "မုကသ်သအသ်" (muqatta'at) အက္ခရာများဖြစ်သော အလစ်ဖ် (ا), လာမ် (ل), နှင့် မီမ် (م) တို့ဖြင့် အစပြုသည့် အာယသ် (āyāt) ပေါင်း ၂၈၆ ခု ပါဝင်သည်။[၂][၃] အရှည်ဆုံး အာယသ်တစ်ခုဖြစ်သော ချေးငွေဆိုင်ရာအာယသ်နှင့် အကြီးမြတ်ဆုံးအာယသ်ဖြစ်သော[၄][၅] ပလ္လင်တော်ဆိုင်ရာအာယသ်တို့သည် ဤအခန်းတွင် ပါဝင်သည်။
ဤစူရဟ်သည် အကြောင်းအရာအမျိုးမျိုးကို လွှမ်းခြုံထားပြီး မွတ်စ်လင်မ်များအတွက် ရမဿွာန်လအတွင်း ယုံကြည်သူအား အစာရှောင်ရန် တိုက်တွန်းခြင်း၊[၆] အတိုးယူခြင်းကို တားမြစ်ခြင်းကဲ့သို့သော အမိန့်တော်များစွာ ပါဝင်သည်။ ထို့အပြင် ပလ္လင်တော်အောက်ရှိ ဘဏ္ဍာတိုက်မှ ဆင်းသက်လာသည်ဟုဆိုသော[၇] နောက်ဆုံးအာယသ်နှစ်ခုနှင့် ဘာသာရေးတွင် အတင်းအကျပ်မပြုရဟူသော အာယသ်ကဲ့သို့သော အခြားကျော်ကြားသည့် အာယသ်များလည်း ပါဝင်သည်။ ဤစူရဟ်သည် ဥပဒေပညတ်ချက်များစွာ အပါအဝင် ကျယ်ပြန့်သော အကြောင်းအရာများကို ဖော်ပြထားပြီး အာဒမ်၊ အီဘရာဟင်မ် (အာဗြဟံ) နှင့် မူဆာ (မိုးဇက်) တို့၏ ဇာတ်လမ်းများကို ပြန်လည်ပြောပြထားသည်။ အဓိကအကြောင်းအရာမှာ လမ်းညွှန်မှုဖြစ်သည်- မဒီနာမြို့ရှိ ဘုရားမရှိသူများ (Al-Mushrikeen) နှင့် ဂျူးလူမျိုးများအား အစ္စလာမ်ဘာသာသို့ ဝင်ရောက်ရန် တိုက်တွန်းခြင်း၊ နှင့် သူတော်ကောင်းယောင်ဆောင်သူများ အပါအဝင် ၎င်းတို့အား ဘုရားသခင်၏ ခေါ်တော်မူခြင်းကို မလိုက်နာခဲ့သူများအပေါ် ယခင်က ကျရောက်ခဲ့သော ကံကြမ္မာကို သတိပေးခြင်း ဖြစ်သည်။ ဤစူရဟ်သည် ဂျင်များ (jinn) ထံမှ အကာအကွယ်ပေးသည့် နည်းလမ်းတစ်ခုဖြစ်သည်ဟုလည်း ယုံကြည်ကြသည်။[၈]
မွတ်စ်လင်မ်တို့၏ ယုံကြည်ချက်အရ အလ်-ဘကရာဟ်စူရဟ်သည် ဟိဂ်ျရသ်အပြီး ၆၂၂ ခုနှစ်မှစ၍ မဒီနာမြို့တွင် ၁၀ နှစ်တာကာလအတွင်း ကျရောက်ခဲ့သည်ဟု ယုံကြည်ကြသည်။ သို့သော် မုဟမ္မဒ်၏ နောက်ဆုံးဟဂ်ျခရီးဖြစ်သော နှုတ်ဆက်ခွဲခွာခြင်းဘုရားဖူးခရီးစဉ်အတွင်း ကျရောက်ခဲ့သည်ဟု မွတ်စ်လင်မ်တို့က ယုံကြည်ကြသည့် riba အာယသ်များမှလွဲ၍ ဖြစ်သည်။[၉][၁၀] အထူးသဖြင့် အာယသ် ၂၈၁ သည် ကုရ်အာန်ကျမ်း၏ နောက်ဆုံးကျရောက်ခဲ့သော အာယသ်ဖြစ်သည်ဟု ယုံကြည်ကြပြီး၊ ၎င်းသည် ဟိဂ်ျရီသက္ကရာဇ် ၁၀ ခုနှစ်၊ ဇူလ်ဟိဂ်ျလ ၁၀ ရက်နေ့တွင် မုဟမ္မဒ်သည် သူ၏နောက်ဆုံးဟဂ်ျခရီးကို ပြုလုပ်နေစဉ်အတွင်း၊ သူကွယ်လွန်ခြင်းမတိုင်မီ ၇ ရက် သို့မဟုတ် ၉ ရက် သို့မဟုတ် ၂၁ ရက်အလိုတွင် ကျရောက်ခဲ့သည်။[၁၁]
အနှစ်ချူပ်
[ပြင်ဆင်ရန်]- ၁-၂၀ မယုံကြည်သူများနှင့် သူတော်ကောင်းယောင်ဆောင်သူများကို ပြစ်တင်ရှုတ်ချခြင်း
- ၂၁-၃၈ စစ်မှန်သောအရှင်မြတ်ကို ဆည်းကပ်ကိုးကွယ်ရန် တိုက်တွန်းခြင်း
- ၃၉-၁၀၂ မိုဟာမက်သည် ဘုရားသခင်၏ တမန်တော်ဖြစ်ကြောင်း လက်ခံကြရန် ဂျူးလူမျိုးများနှင့် ခရစ်ယာန်တို့ တိုက်တွန်းခြင်း
- ၁၀၂-၁၁၂ မိုဟာမက်၏ တမန်တော် ဟန်ဆောင်မှုများအဖြစ် ဂျူးနှင့် ခရစ်ယာန်တို့ အတိုက်အခံပြုခြင်း
- ၁၁၃ ဖျက်သိမ်းခြင်း အယူဝါဒ ပြဋ္ဌာန်းခြင်း
- ၁၁၅ Qibla မလိုအပ်တော့ဟု ကြေညာခြင်း
- ၁၁၆-၁၄၁ ဂျူးများက ရှုတ်ချကြပြီး အာဗြဟံ၏ ဘာသာတရားသည် စစ်မှန်သော အစ္စလမ်ဘာသာဖြစ်ကြောင်း ကြေငြာခြင်း
- ၁၄၂-၁၅၃ The Jews finally abandoned and the Arabs accepted by the adoption of Makkah as the Qibla of Islam
- ၁၅၄-၁၆၃ The Bereaved friends of those slain at the Battle of Badr comforted
- ၁၆၄-၁၇၂ မက္ကာမြို့သားများအား ဘုရားသခင်ကို ယုံကြည်ရန် တိုက်တွန်းနှိုးဆော်ပြီး တားမြစ်ထားသော အသားများနှင့်ပတ်သက်သည့် ဥပဒေကို လိုက်နာရန် ညွှန်ကြားခြင်း
- ၁၇၃-၁၇၆ ခွင့်ပြုထားသော နှင့် တားမြစ်ထားသော အစားအစာများနှင့် ပတ်သက်သည့် ဥပဒေ (မဒီနာမြို့တွင် ကျရောက်ခဲ့သည်)
- ၁၇၇ မွတ်စ်လင်မ်တစ်ဦး၏ တာဝန်ဝတ္တရား အနှစ်ချုပ်
- ၁၇၈-၁၇၉ လက်တုံ့ပြန်ခြင်းတရား
- ၁၈၀-၁၈၂ ဥစ္စာပစ္စည်းနှင့်ဆိုင်သော တရား
- ၁၈၃-၁၈၅ အစာရှောင်ခြင်းဆိုင်ရာ တရား
- ၁၈၆-၁၈၇ ရမ်ဇာန်ဥပုသ်နေ့
- ၁၈၈-၂၀၂ ဟဂ်ျခရီးစဉ်နှင့် ယုံကြည်ချက်အတွက် စစ်ပွဲ
- ၂၀၃-၂၀၆ သူတော်ကောင်းယောင်ဆောင်သူများနှင့် ယုံကြည်သူစစ်မှန်သူများကို နှိုင်းယှဉ်ဖော်ပြခြင်း
- ၂၀၇-၂၀၈ အစ္စလာမ်ဘာသာကို လှိုက်လှိုက်လှဲလှဲ လက်ခံရန် တိုက်တွန်းနှိုးဆော်ခြင်း
- ၂၀၉ မယုံကြည်သူများ၏ ကံကြမ္မာဆိုးကို ကြေညာခြင်း
- ၂၁၀-၂၁၂ ဂျူးဘာသာကို ပြစ်တင်ရှုတ်ချခြင်း
- ၂၁၃ Suffering to be patiently endured
- ၂၁၄-၂၄၂ အလှူဒါနပေးခြင်း၊ စစ်ပွဲ၊ အရက်သေစာ၊ မိဘမဲ့ကလေးများ စသည်တို့နှင့် သက်ဆိုင်သော အထွေထွေ
- ၂၄၃-၂၅၃ ဘာသာတရားကို ကာကွယ်ရန် စစ်တိုက်ခြင်း၏ တာဝန်ကို ပညတ်တော်ဖြင့် အမိန့်ပေးပြီး ရှေးယခင်တမန်တော်များ၏ သမိုင်းဖြင့် သရုပ်ဖော်ခြင်း
- ၂၅၅ The Throne Verse
- ၂၅၄-၂၅၇ Laa ikraha fid deen.
- ၂၅၈-၂၆၀ The doctrine of the resurrection illustrated
- ၂၆၁-၂၇၄ အလှူဒါနပေးခြင်းအတွက် တိုက်တွန်းအားပေးခြင်း
- ၂၇၅-၂၇၇ အတိုးယူခြင်းကို တားမြစ်ခြင်း
- ၂၇၈-၂၈၃ ကုရ်အာန်ကျမ်းတွင် အရှည်ဆုံးအာယသ်အပါအဝင် အစ္စလာမ်ဘာသာတွင် အကြွေးနှင့်ပတ်သက်သည့် ကိစ္စရပ်များ
- ၂၈၄-၂၈၆ The three verses of Paradise. [၁၂]
ကိုးကား
[ပြင်ဆင်ရန်]- ↑ Salwa M. S. El - Awa, Introduction to Textual Relations in Qur'an, pg. 1. Part of the Routledge Studies in the Qur'an series. London: Routledge, 2005. ISBN 9781134227471
- ↑ တမ်းပလိတ်:Qref
- ↑ Sale၊ George (1891)။ The Koran: Commonly Called the Alkoran of Mohammed ...။ New York: John B. Alden။
- ↑ Sahih Muslim 810, V6, The Book of Prayer - Travellers
- ↑ Sunan Abu Dawood။ Book 8, Hadith 1455။
- ↑ Michael Binyon, Fighting is 'allowed' during the holy month of fasting The Times, 18 December 1998
- ↑ An-Nasaa’i in As-Sunan Al-Kubra and Ibn Hibbaan in As-Saheeh
- ↑ Sadr-'ameli Sayyid Abbas (23 January 2014)။ Surah Al-Baqarah, Chapter 2, Introduction။ Al-islam။ 14 May 2015 တွင် ပြန်စစ်ပြီး။
- ↑ Mahmoud Ayoub, The Qurʾan and its interpreters, pg. 55. Albany: State University of New York Press, 1984. ISBN 9780791495469
- ↑ Maariful Quran
- ↑ Translated version of Al-Quran by Ahmad Raza Barelvi & Naeem ud din Muradabadi - Ayat 281
- ↑ Wherry၊ Elwood Morris (1896)။ A Complete Index to Sale's Text, Preliminary Discourse, and Notes။ London: Kegan Paul, Trench, Trubner, and Co။
ကန့်သတ်ချက်မဲ့ လူထုပိုင်ဖြစ်သော ဤအကိုးအကားမှ အကြောင်းအရာအချက်အလက်များကို ဤဆောင်းပါးတွင်ပါဝင်ဖေါ်ပြထားသည်။
