စီအင်န်ဂျီ

ဝီကီပီးဒီးယား မှ
စီအန်ဂျီရသော ဆိုင်တစ်ဆိုင်

စီအန်ဂျီ (CNG) (Compressed Natural Gas) သည် လောင်စာဓာတ်ဆီ သို့မဟုတ် ဒီဇယ်ဆီ၏ နေရာကို အစားထိုးနိုင်စေမည့် လောင်စာအမျိုးအစားဖြစ်သည်။ စီအန်ဂျီ၏ ဓာတုဗေဒအရ မော်လီကျူး ဖွဲ့စည်းပုံ ဓာတုသင်္ကေတမှာ CH5 ဖြစ်သည်။ ၎င်းသည် ပတ်ဝန်းကျင်လေထု ညစ်ညမ်းမှုကိုလည်း မဖြစ်ပေါ်စေသောကြောင့် အများလက်ခံနေသည့် လောင်စာစွမ်းအင်လည်းဖြစ်သည်။ ၎င်းကို သန့်စင်သောသဘာဝဓာတ်ငွေ့မှတစ်ဆင့် ဖိသိပ်ခြင်းဖြင့် ထုတ်လုပ်ကြပြီး လုံခြုံခိုင်ခံ့သော စည်များတွင် ထည့်သွင်းထားသည်။ စီအန်ဂျီသည် မြင့်တက်လာသော လောင်စာဆီဈေးနှုန်းကို တုံ့ပြန်ရန်နှင့် ပတ်ဝန်းကျင်လေထု ညစ်ညမ်းမှုကိုလျှော့ချရန် ရည်ရွယ် သုံးစွဲကြခြင်းဖြစ်သည်။

လက်ရှိအားဖြင့်အဆိုပါ သဘာဝဓာတ်ငွေ့ကို ခရီးသည်တင်ယာဉ်များ၊ ထရပ်ကားငယ်များနှင့် ခရီးတိုသွား ယာဉ်ငယ်များတွင် အသုံးပြုနေကြ သည်။ စီအန်ဂျီ လောင်စာစနစ်ကို အိန္ဒိယနှင့် ပါကစ္စတန်နိုင်ငံတို့တွင် သယ်ယူပို့ဆောင်ရေး လုပ်ငန်းများ၌ အပြည့်အဝ သုံးရန်အစီအမံများ ချမှတ်နေကြသည်။ အထူးသဖြင့် အိန္ဒိယနိုင်ငံ မြို့တော် ဒေလီနှင့် ပါကစ္စတန်နိုင်ငံ၊ ပန်ဂျပ်ပြည်နယ်များရှိ မြို့များတွင် အသုံးပြုနေကြသည်။ ၂ဝဝ၇ ခုနှစ်အကုန်တွင် သယ်ယူပို့ဆောင်ရေးလုပ်ငန်း အားလုံးတွင် အစားထိုး သုံးစွဲမည် ဖြစ်သည်။ ပါကစ္စတန်နိုင်ငံသည် International Association for Natural Gas Vehicles၏ လေ့လာချက်အရ သဘာဝဓာတ်ငွေ့ လောင်စာစွမ်းအင်သုံး မော်တော်ယာဉ်စီးရေ တတိယအများဆုံးနိုင်ငံ ဖြစ်သည်။


၁၉၇ဝ နှင့် ၁၉၈ဝ ပြည့်နှစ်များအတွင်း လောင်စာဆီ အခက်အခဲ ပေါ်ပေါက်စဉ်က နိုင်ငံအတော်များများတွင် စီအန်ဂျီ လောင်စာစွမ်းအင်ကို အသုံးပြု ခဲ့ကြသော်လည်း လောင်စာဆီ ဈေးနှုန်းများ ပြန်လည်ကျဆင်း သွားသောအခါ အသုံးပြုမှု လျော့ပါးခဲ့ပြန်ပါသည်။ ယ ခု အ ခါလောင်စာဆီအခက်အခဲကြောင့် ဓာတ်ငွေ့လောင်စာ အသုံးပြုမှုကို တိုင်းပြည်အများစုက ပြန်လည်အာရုံစိုက်လာရပြန်ပါသည်။ ဥပမာအားဖြင့် ဩစတေးလျနိုင်ငံသည် အနာဂတ်တွင် စီအန်ဂျီ ဓာတ်ငွေ့သုံး ဘတ်စ် ကားများကိုသာ ဝယ်ယူတင်သွင်းရန် ဆုံးဖြတ်ခဲ့သည်။ စီအန်ဂျီ ဓာတ်ငွေ့ကို နိုင်ငံ အချို့က လောင်စာဓာတ်ဆီနှင့် နှိုင်း ယှဉ် နိုင် ရန် Gasoline Gallon Equivalent (GGE) စနစ်ဖြင့် တိုင်းတာ ရောင်းချကြသည်။ စီအန်ဂျီဓာတ်ငွေ့သုံး မော်တော်ယာဉ်များ အဖြစ် ကမ္ဘာ တစ်ဝန်း အစင်းရေ တစ်သန်း ကျော်သည်။ ၎င်းတို့တွင် အာ ဂျင်တီးနားတွင် အများဆုံးဖြစ်၍ အစင်းရေ လေးသိန်း ဖြစ်သည်။ ရုရှားနိုင်ငံတွင် သုံးသိန်းနှင့် အမေရိကန်ပြည်ထောင်စုတွင် ၈၅၁ဝဝ၊ ဗင်နီဇွဲလားနိုင်ငံတွင် ၅ဝဝဝဝ၊ နယူးဇီလန်တွင် ၄၅ဝဝဝ၊ ကနေဒါနိုင်ငံတွင် ၃၂ဝဝဝ၊ အီဂျစ်၊ ဂျာမနီ၊ အိန္ဒိယ၊ ဂျပန်၊ မလေးရှား၊ ပြင်သစ်နှင့် ဗြိတိန်နိုင်ငံတို့တွင်လည်း ထောင် ဂဏန်းအရေအတွက်ရှိ စီအန်ဂျီ ဓာတ်ငွေ့သုံး မော်တော်ယာဉ်များ ကို သုံးစွဲနေကြပြီ ဖြစ်သည်။ အိန္ဒိယနိုင်ငံသည် လောင်စာဆီ စနစ်သုံးစွဲမှု၏ ၂၅ ရာခိုင်နှုန်းကို အဆိုပါ သဘာဝဓာတ်ငွေ့သုံး စနစ်ဖြင့် အစားထိုးမည်ဟု ကြေ ညာထားသည်။ မလေးရှားနှင့် ဂျပန်နိုင်ငံတို့သည်လည်းသဘာဝ ဓာတ်ငွေ့သုံး မော်တော်ယာဉ်များ ကို အမြောက်အမြား သုံးစွဲကြ မည် ဟု ဆိုသည်။ လက်ရှိအား ဖြင့် ဓာတ်ငွေ့လောင်စာစွမ်းအင် သုံး မော်တော်ယာဉ်များသည် မူလက လောင်စာဆီသုံးယာဉ် များ ဖြစ်ကြပြီး ၎င်းတို့ကို အသွင် ပြောင်းထားခြင်းဖြစ်သည်။ Bifuel (ဓာတ်ဆီ သို့မဟုတ် ဒီဇယ် လောင်စာနှင့် သဘာဝ ဓာတ်ငွေ့) ယာဉ်များဟု ခေါ် နိုင် သည်။ အမျိုးအစား တစ်ခုခုသို့ ပြောင်း နိုင်၍ဖြစ်သည်။ ၎င်းအတွက် စီအန်ဂျီ ကို ဖိနှိပ်၍ သိုလှောင်နိုင် သည့် ဆလင်ဒါအိုး သို့မဟုတ် ကန်၊ ဓာတ်ငွေ့လောင်စာပိုက် များ၊ လောင်စာ ရောစပ်သည့် ကိရိယာနှင့် အင်ဂျင်ကို ထိန်းညှိ ပေး သည့် ကိရိယာများကို ပြောင်းလဲရန် လို အပ် သည်။ သို့ဖြစ်၍ ပြောင်းလဲမှုများ အတွက် ကုန်ကျစရိတ်များ ရှိနေ သည်။ စက်ရုံများမှ အဆိုပါ ယာဉ်မျိုးကို တိုက်ရိုက် ထုတ် လုပ်ရန် ပိုမို လိုအပ်နေသည်။ လက်ရှိအားဖြင့် အမေရိကန်ပြည် ထောင်စုတွင် ထုတ်လုပ်နေသည်။

အခြားလောင်စာဆီများနှင့် နှိုင်းယှဉ်ချက်[ပြင်ဆင်ရန်]

လောင်စာဓာတ်ဆီနှင့် နှိုင်းယှဉ်လျှင် ၎င်းတွင် ဟိုက်ဒရို ကာဗွန်၊ ကာဗွန်ဒိုင်အောက်ဆိုက်နှင့်အခြားဘေးထွက်ပစ္စည်း ထုတ်လွှင့်မှု များစွာနည်းသည်။ Octane တန်ဖိုး အလွန်မြင့်၍ စက်နှိုးရ လွယ်ကူသည်။ ဈေးနှုန်းအရ အနည်းငယ် မြင့်နေသေးသည်။ လောင်စာ ဓာတ်ငွေ့ကို မိမိနေအိမ်တွင် ဖြည့်တင်းနိုင်သည်။ သို့သော်လည်း သိုလှောင်နိုင်မှုပမာဏတွင် ကန့်သတ်မှု ရှိနေသည်။ ဓာတ်ငွေ့၏ သဘာဝကြောင့် စွမ်းအင် အနည်းငယ် နိမ့်သည်။ ဓာတ်ငွေ့၏ အခြေခံ တည်ဆောက်မှုသည် ဓာတ်ဆီနှင့် နှိုင်းယှဉ်လျှင် အားနည်းချက်များ ရှိနေသော်လည်း စရိတ်သက်သာသည်။[၁]

ကိုးကား[ပြင်ဆင်ရန်]

  1. သိပ္ပံနှင့်နည်းပညာဂျာနယ်၊ အမှတ်(၂)၂၀၀၅-ခုနှစ်၊ နိုဝင်ဘာလ