စလေ ဓာတ်မြေဩဇာစက်ရုံ

ဝီကီပီးဒီးယား မှ
Jump to navigation Jump to search

စလေ ဓာတ်မြေဩဇာစက်ရုံသည် မကွေးတိုင်းဒေသကြီးစလေမြို့တွင် တည်ရှိလေသည်။ ၁၉၆၆-ခုနှစ်၊ ဒီဇင်ဘာလ (၉)ရက်နေ့တွင် မြန်မာနိုင်ငံ စက်မှုလက်မှု တိုးချဲ့လုပ်ကိုင်ရေး ကော်ပိုရေးရှင်းနှင့် ဂျပန်နိုင်ငံ ဟီတာချီကုမ္ပဏီတို့ ပူးပေါင်းတည်ဆောက်ရန် စာချုပ်ချုပ်ဆိုသည်။ လက်တွေ့တည်ဆောက်ရာတွင် ဟီတာချီကုမ္ပဏီ၊ ပြည်သူ့လုပ်ငန်းကော်ပိုရေးရှင်း၊ မြန်မာ့ရေနံကော်ပိုရေးရှင်း နှင့် လျှပ်စစ်ဓာတ်အားပေးရေးအဖွဲ့တို့က ပူးပေါင်းတည်ဆောက်ခဲ့ခြင်း ဖြစ်သည်။ ၁၉၇၀-ခုနှစ်၊ ဇွန်လတွင် ပြီးစီးခဲ့ပြီး ကုန်ကျငွေ စုစုပေါင်းမှာ နိုင်ငံခြားငွေ (၆၅၅)သိန်းအပါအဝင် ကျပ်(၁၀၅၂)သိန်း ဖြစ်သည်။

စလေဓာတ်မြေဩဇာ စက်ရုံမှ အမိုးနီးယား ဓာတ်မြေဩဇာကို တစ်နှစ်လျှင် တန်ချိန် ၄၀၀၀ ခန့် ထုတ်လုပ်နိုင်သည်။ ထိုမှတစ်ဆင့် ယူရီးယား(ခေါ်) ပုလဲဓာတ်မြေဩဇာ နှစ်စဉ် တန်ချိန်(၆၇၀၀၀)ခန့်ကို တစ်နေ့လျှင် တန်ချိန် ၂၀၀ ကျော်နှုန်းဖြင့် ထုတ်လုပ်ပေးနိုင်နေပေသည်။ ဓာတ်မြေဩဇာစက်ရုံ၏ အဓိကကုန်ကြမ်းဖြစ်သော သဘာဝဓာတ်ငွေ့ကို စလေမြို့ မြောက်ဘက် (၈)မိုင်ကျော်ဝေးသည့် မိုလာဒေမှ ပိုက်များဖြင့် ပို့လွှတ်ပေးသည်။ ယခင်က လွင်တီးခေါင်အရပ်တွင် ယခုအခါ တိုက်တာ အဆောက်အဦသစ်များ၊ မိုးထိ မျှော်စင်ကြီးများနှင့် ဓာတ်ငွေ့လှောင် တိုင်ကီလုံးကြီးများ ဖြင့် ထယ်ဝါခန့်ငြား၍ နေပေသည်။[၁]

ကိုးကား[ပြင်ဆင်ရန်]

  1. လွင်မောင်၊ မှတ်တမ်းသမိုင်း ပဲခူး မကွေးတိုင်း၊ ၁၉၇၅-ခု၊ဇူလိုင်လ၊ စာ-၁၅၂/၁၅၃