ငွေတစ်ပဲနှင့် ငါးကြင်းခေါင်း ကိုင်
ငွေတစ်ပဲနှင့် ငါးကြင်းခေါင်း ကိုင် ဟူသည်မှာ မြန်မာစကားပုံတစ်ခု ဖြစ်သည်။
ရှင်းလင်းချက်
[ပြင်ဆင်ရန်]ငွေတစ်ပဲလောက် ရှိကာမျှနှင့် တန်ဖိုးကြီးသော ငါးကြင်းခေါင်းကို ဝယ်ရန် ကြံသူကဲ့သို့ မဖြစ်စလောက် အခြေအနေနှင့် အကြီးအကျယ်ကိုမှ မှန်းသည်။
မူလရင်းမြစ်
[ပြင်ဆင်ရန်]- "ငွေ လေးရွေးနဲ့ ငါးကြင်းခေါင်း ကိုင်ဆိုသလို သည်မြို့သူ အဖူးအနုကလေးနဲ့ မင်းလို အရူးတောသားနဲ့တော့ ..." [၁၂၇၉] သူရိယ၊ ၁၊ ၇။ ၃၁။
- "ကိုယ်စွမ်းကိုယ်စမရှိသူ ငွေတစ်ပဲနှင့် ငါးကြင်းခေါင်း ကိုင်လို၍ကား မဖြစ်နိုင်ပေ။ ငါးကြင်းခေါင်းတန်ဖိုးနှင့် ညီမျှသော ငွေကို ရှာဖွေရမည်သာ ဖြစ်ပေသည်။" [၁၃၃၆] ဘဝတိုက်ပွဲ။ ၆၅။
ဆိုလိုရင်းတူညီသောအခြားစကားပုံ
[ပြင်ဆင်ရန်]- ငွေတစ်ပဲနှင့် ပုလဲကုံးကိုဆိုင် ဟူ၍လည်း အသုံးရှိသည်။