ခိုးရူးဂျိ
ခိုးရူးဂျိ သည် ဂျပန်နိုင်ငံ၊ ကျိုတိုမြို့၊ အုခယောရပ်ကွက်၊ အုဇုမဆအရပ်တွင် တည်ရှိသည့် ရှင်းဂွန်းကျောင်းတော်တစ်ခု ဖြစ်သည်။ ဤကျောင်းတော်ကို အုဇုမဆဒဲရ (太秦寺)၊ ထို့အပြင် ခဒိုနိုဒဲရ (葛野寺) ဟု သိကြသည်။ ဤကျောင်းတော်ကို ယခင်က ဟတနိုခိမိဒဲရ (秦公寺), ဟချိအိုခဒဲရ (蜂岡寺) နှင့် ဟိုးခိုးဂျိ (蜂岡寺) စသဖြင့် သိခဲ့ကြသည်။[၁]
ခိုးရူးဂျိ သည် ကျိုတိုမြို့တွင် ရှေးအကျဆုံးကျောင်းတော်ဖြစ်သည်ဟု ဆိုကြသည်။ ၎င်းကို ၆၀၃ ခုနှစ်တွင် ဟတနိုခဝခဆွတ်က မင်းသားရှောတိုခုထံမှ ဗုဒ္ဓရုပ်တုတော်ကို ရရှိပြီးနောက်တွင် တည်ဆောက်ခဲ့သည်။ ၈၁၈ ခုနှစ်နှင့် ၁၁၅၀ ခုနှစ်များတွင် ကျောင်းတော်ဝင်းတစ်ခုလုံးသည် မီးလောင်မှုဖြင့် ပျက်စီးခဲ့ရသည်။ ထို့နောက်တွင်လည်း ကျောင်းတော်ကို အကြိမ်များစွာ ပြန်လည်တည်ဆောက်မှုများ လုပ်ဆောင်ခဲ့သည်။
သစ်သားဗောဓိသတ္တရုပ်တု
[ပြင်ဆင်ရန်]
ကျောင်းတော်တွင် ယဉ်ကျေးမှုအမွေအနှစ်ပစ္စည်းများစွာ ရှိသည်။ ထိုအထဲမှ နိုင်ငံတော်အဆင့်သတ်မှတ်ထားခြင်းခံရသည့် အရာမှာ သစ်သားဖြင့်ပြုလုပ်ထားသည့် အရိမေတ္တယျဗောဓိသတ္တရုပ်ပွားတော် ဖြစ်သည်။ ၎င်းကို ၁၉၅၁ ခုနှစ်၊ ဇွန်လ ၉ ရက်နေ့တွင် နိုင်ငံတော်၏ အဖိုးထိုက်သည့်ပစ္စည်းတစ်ခုအဖြစ် သတ်မှတ်ခဲ့သည်။ ဤရုပ်ပွားတော်သည် ထိုင်နေသည့်ဟန် ရုပ်ပွားတော်ဖြစ်သည်။ ၎င်းကို "ဟိုးခန်းမိရိုခု" (宝冠弥勒) ဟု ခေါ်ကြသည်။[၂]
ထို့အပြင် ဤကျောင်းတော်သည် အောက်တိုဘာလလယ်တွင် ကျင်းပသည့် နွားပွဲတော် (牛祭, အုရှိမဆွတ်ရိ) ဖြင့် လူသိများကြသည်။ သို့သော်လည်း ယခုအခါတွင် ဤပွဲတော်ကို ရပ်ဆိုင်းထားသည်။[၃]
ပြင်ပလင့်များ
[ပြင်ဆင်ရန်]- images of Hondo (1730)
- image of Nandiamon (1702) Archived 22 September 2020 at the Wayback Machine.
- images of the statuary
ကိုဩဒိနိတ်: 35°0′55.80″N 135°42′26.31″E / 35.0155000°N 135.7073083°E