ကြက်ခြေနီအသင်း

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
ကြက်ခြေနီအမှတ်တံဆိပ်

ကြက်ခြေနီဆိုသည်မှာ[ပြင်ဆင်ရန်]

ကြက်ခြေနီဆိုသည်မှာ စေတနာ့ဝန်ထမ်း ဖြစ်သည်။ ထိုအသင်း၏အဓိကရည်ရွယ်ချက်မှာ ရှေးဦးသူနာပြုစုနည်း ဖြင့် လူသားတို့၏ သက်အန္တရာယ်ကိုကာကွယ်စောင့်ရှောက်ရန်ဖြစ်သည်။

ကြက်ခြေနီ အမှတ်အသား ဆိုသည်မှာ အဘယ်နည်း[ပြင်ဆင်ရန်]

အပြည်ပြည်ဆိုင်ရာ ကြက်ခြေနီကော်မတီအမှတ်တံဆိပ်

ကြက်ခြေနီ အမှတ်အသား ဆိုတာ ဘေးအန္တရာယ် ကျရောက်ချိန်မှာ... စစ်မက်ဖြစ်ပွါးချိန်မှာ... ကြက်ခြေနီ လှုပ်ရှားမှုမှာ ပါဝင်တဲ့ အပြည်ပြည်ဆိုင်ရာ ကြက်ခြေနီကော်မတီ (ICRC)၊ အပြည်ပြည်ဆိုင်ရာ ကြက်ခြေနီနှင့် လခြမ်းနီအသင်းများ ဖက်ဒရေးရှင်း (IFRC)နဲ့ အမျိုးသား ကြက်ခြေနီအသင်းတွေက လူပုဂ္ဂိုလ်တွေနဲ့ တပ်မတော် ဆေးဝန်ထမ်းများက လူမှုကရုဏာ လုပ်ငန်းတွေမှာ... အသုံးပြုတဲ့ အမှတ်အသားကို ဆိုလိုတာပါ။ ဒါပေမယ့် ကြက်ခြေနီ အမှတ်အသားဟာ ဆေးဘက်ဆိုင်ရာ ဝန်ထမ်းတွေရဲ့ အမှတ်အသား မဟုတ်ပါဘူး။ ကြက်ခြေနီ အမှတ်အသားကို ဘယ်သူတွေက ဘယ်အချိန်မှာ ဘယ်လိုအသုံးပြုရမယ်..... ဆိုတာကို အပြည်ပြည်ဆိုင်ရာ ဥပဒေနဲ့ နိုင်ငံတော် ဥပဒေတွေမှာ ပြဌာန်းပေးလေ့ရှိပါတယ်။ ကြက်ခြေနီ အမှတ်အသားကို အသုံးပြုဖို့အတွက် ၁၈၆၄ ခုနှစ် ဂျီနီဗာမြို့မှာ ကျင်းပတဲ့ ပထမအကြိမ် သံတမန်များဆိုင်ရာ ညီလာခံက သတ်မှတ်ပေးခဲ့ပါတယ်။

ဘာကြောင့် ကြက်ခြေနီ အမှတ်အသားကို သတ်မှတ်ခဲ့ကြတာလဲ[ပြင်ဆင်ရန်]

အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်ဒရေးရှင်းအမှတ်တံဆိပ်

ဆေးဘက်ဆိုင်ရာ ကယ်ဆယ်ရေး ကော်မီတီနဲ့ တပ်မတော် ဆေးဝန်ထမ်းတွေ ဆိုတာကို သိရှိစေဖို့နဲ့ အဲဒီ အမှတ်အသားသုံးစွဲသူတွေကို အကာအကွယ်ပေးဖို့အတွက် ကြက်ခြေနီအမှတ်အသားကို ကြားနေ အမှတ်အသားအဖြစ် ညီလာခံက သတ်မှတ်ပေးခဲ့ပါတယ်။ ဒဏ်ရာရ စစ်သည်တွေနဲ့ ဘေးဒုက္ခခံရသူတွေကို ကယ်ဆယ်ရေးအဖွဲ့တွေက လိုအပ်တဲ့ အကူအညီတွေ သွားရောက် ပေးနိုင်ဖို့အတွက် အခုလို ပြဌာန်းခဲ့တာပါ။

ဆွစ်ဇလန်နိုင်ငံ အလံကို အရောင် ပြောင်းပြန်လုပ်ပြီး အဖြူရောင် နောက်ခံမှာ အနီရောင် ကြက်ခြေနီကို ကြက်ခြေနီ အမှတ်အသား အဖြစ် သတ်မှတ်ခဲ့ပါတယ်။ အမျိုးသားကယ်ဆယ်ရေး အသင်းများ (အခုတော့ အမျိုးသား ကြက်ခြေနီ အသင်းများ လခြမ်းနီအသင်းများ) ထူထောင်ရေးနဲ့ ပထမအကြိမ် ဂျီနီဗာညီလာခံ ကျင်းပေးရေးမှာ အဓိကအခန်းကနေ ပါဝင်ခဲ့တဲ့ ဆွစ်ဇလန်နိုင်ငံကို ဂုဏ်ပြုခဲ့တာပေါ့ဗျာ။ ကြက်ခြေနီ ဖခင်ကြီး ဟင်နရီဒူးနန့်ကလည်း ဆွစ်ဇာလန်နိုင်ငံသားပဲလေ။

အပြည်ပြည်ဆိုင်ရာ လူသားချင်း စာနာထောက်ထားခြင်းဆိုင်ရာ ဥပဒေရဲ့အခြေခံဖြစ်တဲ့ ၁၉၄၉ ဂျီနီဗာ အများ သဘောတူညီချက် အရ အဲဒီအမှတ်အသားကိုပဲ ဆက်လက်အသုံးပြုဖို့ ဆုံးဖြတ်ခဲ့ကြပြီး နောက်ထပ် အမှတ်အသားများဖြစ်တဲ့ အဖြူရောင် နောက်ခံပါ လခြမ်းနီ၊ ခြင်္သေ့နီနဲ့ နေဝန်းနီ အမှတ်အသားတို့ကိုလည်း အသိအမှတ် ပြုခဲ့ပါတယ်။ ဒါပေမယ့် ခြင်္သေ့နီတို့ နေဝန်းနီတို့က အသုံးပြုမှု အတော်လေး နည်းပါးပါတယ်။ အခုနောက်ပိုင်းမှာ Red Crystal ဆိုပြီး နောက်တစ်ခု ထပ်ပေါ်လာပါတယ် ခင်ဗျာ။

ဆက်စပ် ဖတ်ရှုရန်[ပြင်ဆင်ရန်]

ကိုးကား[ပြင်ဆင်ရန်]