ဆရာများ သားသေ

ဆရာများ သားသေ သည် မြန်မာဆိုရိုးစကား ဖြစ်သည်။ မြန်မာစကားပုံ တစ်ခုလည်း ဖြစ်သည်။

အနက်အဓိပ္ပာယ်

မလိုအပ်ဘဲ ဆေးဆရာအမျိုးမျိုး၏ ကုသမှုကို ခံယူမိသဖြင့် သားလူနာ သေဆုံးရသည်။ အခြားဆိုလိုရင်းတစ်ခုမှာ ဆေးဆရာအမျိုးမျိုး၏ လက်တည့်စမ်း ကုသမှုကို ခံယူမိသဖြင့် သားလူနာ သေဆုံးရသကဲ့သို့ တစ်ယောက်တစ်ပေါက် ဩဇာပေးမှုများသောကြောင့် လုပ်ငန်းပျက်စီးဆုံးရှုံးရသည်။

မူလရင်းမြစ်

• "လူနာတစ်ဦး၏ ရောဂါဝေဒနာကို လူပေါင်းများစွာတို့က ဝိုင်းဝန်း၍ စေတနာပိုကာ တရကြမ်း နှိမ်နင်းကြသည်နှင့် ဆရာများ သားသေရသည်သာ ဖြစ်၏။" [၁၃၁၉] စာဗိမာန်၊ ၆၊ ၆။ ၈၅။
• "နေရာတကာ ဆရာသာလုပ်၍ တပည့်မခံလိုသူ များနေပါက ဆရာများ သားသေဆိုသကဲ့သို့ လမ်းမှန်မရောက်နိုင်။" [၁၃၀၉] လက်ရုံး။ ၉။