စိုသောလက် မခြောက်စေနှင့်

ဝီကီပီးဒီးယား မှ

စိုသောလက် မခြောက်စေနှင့် ဟူသည်မှာ မြန်မာစကားပုံတစ်ခု ဖြစ်သည်။

ရှင်းလင်းချက်[ပြင်ဆင်ရန်]

ခံယူသူ၏လက်သို့ ရေသွန်းလောင်း၍ ပေးကမ်းလှူဒါန်းသော အစဉ်အလာ ရှေးက ရှိခဲ့၏။ အလှူရှင်၏ ကျေးဇူးတရားကို မမေ့ခြင်းသည် အလှူခံအဖို့ မိမိ၏ စွတ်သော လက်ကို မခြောက်စေခြင်းတည်း။ ထို့အတူ တစ်စုံတစ်ရာ ကျေးဇူးပြုဖူးသူအား မည်သည့်အခါမျှ ကျေးဇူးမမေ့အပ်ပေ။ အခြားဆိုလိုရင်းတစ်ခုမှာ အလှူရေစက် လက်နှင့်မကွာ ပေးကမ်းလှူဒါန်းခြင်းဖြင့် တစ်ပါးသူ၏လက်ကို စိုစွတ်စေခဲ့ပြီးမှ ဆက်လက်ပေးကမ်းခြင်း မပြုပါက ထိုသူ၏လက်ကို ခြောက်သွေ့စေသည် မည်၏။ ထို့ကြောင့် အလှူရေစက်နှင့် စွတ်စိုသော လက်ကို မခြောက်စေရသကဲ့သို့ မေတ္တာနှင့် စွတ်စိုသော ရင်းနှီးခင်မင်မှုကို မပျက်ပြားစေအပ်။

မူလရင်းမြစ်[ပြင်ဆင်ရန်]

  • "အလ္လဉ္စပါဏိံ ပရိဝဇ္ဇယ ဟူသည်ကား စိုစွတ်သော လက်ကို ခြောက်သွေ့ပူလောင်အောင်မပြုခြင်းတည်း။" [၁၁၄၅] ဝိဇာတ်။ ၆၇။
  • "စိုပြီးသော လက်ကို မခြောက်စေနှင့် ဆိုတာလို ယခုတွေ့ဆုံချစ်ခင်ကြတဲ့ မေတ္တာဓာတ်ကို ခြောက်ကပ်၍ မသွားရအောင်..." [၁၂၇၈] တင်မြ၊ ဒု။ ၁၀၉။

အခြားအသုံးနှုန်း[ပြင်ဆင်ရန်]

  • စွတ်သော လက်ကို မလောင်စေနှင့် ဟူ၍လည်း အသုံးရှိသည်။

ကျမ်းကိုး[ပြင်ဆင်ရန်]

  1. မြန်မာစကားပုံ (စတုတ္ထအကြိမ်တည်းဖြတ်ထုတ်ဝေခြင်း ed.)။ မြန်မာစာအဖွဲ့ဦးစီးဌာန။ ဇွန် ၂၀၀၈။ p. နှာ-၆၁။