ငွေတစ်ပဲနှင့် ငါးကြင်းခေါင်း ကိုင်

ငွေတစ်ပဲနှင့် ငါးကြင်းခေါင်း ကိုင် ဟူသည်မှာ မြန်မာစကားပုံတစ်ခု ဖြစ်သည်။

ရှင်းလင်းချက်

ငွေတစ်ပဲလောက် ရှိကာမျှနှင့် တန်ဖိုးကြီးသော ငါးကြင်းခေါင်းကို ဝယ်ရန် ကြံသူကဲ့သို့ မဖြစ်စလောက် အခြေအနေနှင့် အကြီးအကျယ်ကိုမှ မှန်းသည်။

မူလရင်းမြစ်

• "ငွေ လေးရွေးနဲ့ ငါးကြင်းခေါင်း ကိုင်ဆိုသလို သည်မြို့သူ အဖူးအနုကလေးနဲ့ မင်းလို အရူးတောသားနဲ့တော့ ..." [၁၂၇၉] သူရိယ၊ ၁၊ ၇။ ၃၁။
• "ကိုယ်စွမ်းကိုယ်စမရှိသူ ငွေတစ်ပဲနှင့် ငါးကြင်းခေါင်း ကိုင်လို၍ကား မဖြစ်နိုင်ပေ။ ငါးကြင်းခေါင်းတန်ဖိုးနှင့် ညီမျှသော ငွေကို ရှာဖွေရမည်သာ ဖြစ်ပေသည်။" [၁၃၃၆] ဘဝတိုက်ပွဲ။ ၆၅။

ဆိုလိုရင်းတူညီသောအခြားစကားပုံ

• ငွေတစ်ပဲနှင့် ပုလဲကုံးကိုဆိုင် ဟူ၍လည်း အသုံးရှိသည်။