သိန်းဇော်
 | ဤ ဆောင်းပါးသည် စိစစ်အတည်ပြုနိုင်ရန်အတွက် နောက်ထပ်ကိုးကားချက်များ လိုအပ်နေသည်။ |
မန္တလေးသိန်းဇော် သို့မဟုတ် ကဗျာဆရာ Kဇော် သည် မြန်မာ့ဇာတ်သဘင်လောကတွင် ထင်ပေါ်ကျော်ကြားခဲ့သော ဇာတ်မင်းသား တစ်ဦးဖြစ်သည်။ ထို့ပြင် မြန်မာသံစဉ်တေးသီချင်းများကို သီဆိုသော အဆိုတော် တစ်ဦးလည်းဖြစ်သလို ရုပ်ရှင်နှင့် ဗီဒီယိုသရုပ်ဆောင်တစ်ဦးလည်းဖြစ်ခဲ့သည်။ ကလောင်အမည် Kဇော် ဖြင့်သာမက မောင်သိန်းဇော်အမည်ဖြင့်လည်း ကဗျာများရေးသားထုတ်ဝေခဲ့သည်။
ငယ်ဘဝ
[ပြင်ဆင်ရန်]မောင်သိန်းဇော်ကို မကွေးတိုင်း၊ ပခုက္ကူခရိုင်၊ မြိုင်မြို့တွင် မိဘများဖြစ်ကြသော ဦးဗလနှင့်ဒေါ်မြကျင်တို့မှ မြန်မာသက္ကရာဇ် ၁၃၂၁ ခု၊ ဝါဆိုလဆန်း ၆ ရက် (ခရစ်နှစ် ၁၉၅၉ ခုနှစ်၊ ဇူလိုင်လ ၁၀ရက် ) နေ့တွင် မွေးဖွားသည်။
ကဗျာလောကသို့ ရောက်ရှိခြင်း
[ပြင်ဆင်ရန်]၁၉၈၆ ခုနှစ်က ရုပ်ရှင်အောင်လံမဂ္ဂဇင်းတွင် ဖော်ပြခြင်းခံရသော "မွေးနေ့လက်ဆောင် ကဗျာ" သည် ပထမဆုံး ကဗျာဖြစ်သည်။ ဇာတ်မင်းသား မန္တလေးသိန်းဇော်အဖြစ် အောင်မြင်ကျော်ကြားနေချိန်ဖြစ်သော်လည်း ခေတ်ပေါ်ကဗျာများကို ရေးသားရွတ်ဆိုမှုကို ခုံမင်သည့်အတွက် ဇာတ်ပွဲကရင်း ကဗျာများကို ရွတ်ဆိုပြကာ ကဗျာဆရာဘဝကို ထုဆစ်ခဲ့သူဖြစ်သည်။
ရေးသားထုတ်ဝေခဲ့သော ကဗျာစာအုပ်များ
[ပြင်ဆင်ရန်]| စဉ် | စာအုပ် | ထုတ်ဝေသည့် ခုနှစ် | ထုတ်ဝေသူ | မှတ်ချက် |
|---|---|---|---|---|
| ၁ | ပြုံးနေတဲ့သံဆူးကြိုးကလေး | ၁၉၈၈ (ပထမအကြိမ်) ၂၀၁၇ (ဒုတိယအကြိမ်) |
စာပေလောကစာအုပ်တိုက် စိတ်ကူးချိုချိုစာအုပ်တိုက် |
|
| ၂ | နှင်းရည်စက်လက်+ရှုမျှော်ခင်း၂၁ | ၂၀၀၁ | စာပေလောကစာအုပ်တိုက် | |
| ၃ | တောင်ကုန်းအဟောင်းများ | ၂၀၁၃ (ပထမအကြိမ်) ၂၀၁၇ (ဒုတိယအကြိမ်) |
စိတ်ကူးချိုချိုစာအုပ်တိုက် | အင်္ဂလိပ်ဘာသာပြန် မောင်သာနိုး |
| ၄ | ဉာဏ်ပန်းအိုးလေး | ၂၀၁၆ (ပထမအကြိမ်) ၂၀၁၇ (ဒုတိယအကြိမ်) |
နှစ်ကာလများစာပေ | အင်္ဂလိပ်ဘာသာပြန် ကိုကိုသက် |
| ၅ | ညနေသည်ဖတ်ရှုရန်မျှသာ | ၂၀၁၆ (ပထမအကြိမ်) | စိတ်ကူးချိုချိုစာအုပ်တိုက် | အင်္ဂလိပ်ဘာသာပြန် ကိုကိုသက် |
မိသားစု
[ပြင်ဆင်ရန်]ကဗျာဆရာ Kဇော် (မောင်သိန်းဇော် )သည် ကမ္ဘာအေး၊ မရမ်းကုန်းမြို့နယ်၊ ရန်ကုန်မြို့တွင် မိသားစုနှင့်အတူ နေထိုင်လျက်ရှိသည်။
ကိုးကား
[ပြင်ဆင်ရန်]- ↑ Kဇော် (၂၀၁၆)။ ဉာဏ်ပန်းအိုးလေး။ နှစ်ကာလများစာပေ။