အိနဲမြို့၊ ကျိုတို

အိနဲမြို့ 伊根町
Town
View of Ine
အလံတော် Emblem
Location of Ine in Kyoto Prefecture
အိနဲမြို့ Location in Japan
ကိုဩဒိနိတ်: 35°41′N 135°17′E
Country	Japan
Region	Kansai
Prefecture	Kyoto
District	Yosa
အစိုးရ
• Mayor	Yoshimoto Hideki
ဧရိယာ
• စုစုပေါင်း	၆၁.၉၅ စတုရန်းကီလိုမီတာ (၂၃.၉၂ စတုရန်းမိုင်)
လူဦးရေ (February 28, 2022)
• စုစုပေါင်း	၁,၉၈၄
• သိပ်သည်းမှု	၃၂/km၂ (၈၃/sq mi)
အချိန်ဇုန်	JST (UTC+09:00)
City hall address	651 Hide, Ine-cho, Yoza-gun, Kyoto-fu 626-0493
ဝဘ်ဆိုက်	တရားဝင် ဝက်ဘ်ဆိုက်တ်

အိနဲမြို့ဆိပ်ကမ်း

အိနဲမြို့ (伊根町, Ine-chō) သည် ဂျပန်နိုင်ငံ၊ ကျိုတိုစီရင်စု၊ ယောဆဒေသတွင်ရှိသည့် မြို့တစ်ခု ဖြစ်သည်။ ၂၀၂၂ ခုနှစ်၊ ဖေဖော်ဝါရီလ ၂၈ ရက်နေ့တွင် မြို့နေခန့်မှန်းလူဦးရေသည် ၁၉၈၄ ဦး၊ အိမ်ထောင်စု ၈၉၉ ခု ရှိသည်။ လူဦးရေသိပ်သည်းဆမှာ တစ်စတုရန်းကီလိုမီတာလျှင် ၃၂ ဦး နေထိုင်ကြသည်။ မြို့၏ စုစုပေါင်းဧရိယာမှာ ၆၁.၉၅ စတုရန်းကီလိုမီတာ (၂၃.၉၂ စတုရန်းမိုင်) ရှိသည်။

ပထဝီသွင်ပြင်

အိနဲမြို့သည် ကျိုတိုစီရင်စု၏ မြောက်ဘက်ပိုင်း၊ တန်းဂေါ့ကျွန်းဆွယ်၏ အရှေ့မြောက်အဆုံးပိုင်းတွင် တည်ရှိသည်။ ဂျပန်ကမ်းရိုးတန်းတွင် တည်ရှိကာ မြို့သည် ဝဆခပင်လယ်အော်ကို အရှ့မြောက်ဘက်မှ အရှေ့တောင်ဘက်သို့ မျက်နှာမူလျက်ရှိသည်။

ဆက်စပ်နေသည့် မြို့ရွာများ

ကျိုတိုစီရင်စု

• ခယောတန်းဂေါ့မြို့
• မိယဇုမြို့

ရာသီဥတု

အိနဲမြို့သည် နွေရာသီတွင် နွေးထွေးသည်။ ဆောင်းရာသီတွင် အေးမြကာ နှင်းကျဆင်းမှုများပြားသည်။ နှစ်ပတ်လည်ပျမ်းမျှအပူချိန်သည် ၁၄.၄ ဒီဂရီစင်တီဂရိတ် ရှိသည်။ နှစ်ပတ်လည်ပျမ်းမျှမိုးရေချိန်သည် ၁၉၁၂ မီလီမီတာ ရှိသည်။ စက်တင်ဘာလသည် အစိုစွတ်ဆုံးလ ဖြစ်သည်။ ဩဂုတ်လသည် အပူချိန်အမြင့်ဆုံးဖြစ်ပြီး ၂၅.၇ ဒီဂရီစင်တီဂရိတ်ပတ်ဝန်းကျင်ရှိသည်။ ဇန်နဝါရီလသည် အပူချိန်အနိမ့်ဆုံးဖြစ်ပြီး ၄.၁ ဒီဂရီစင်တီဂရိတ်ပတ်ဝန်းကျင်ရှိသည်။

လူဦးရေဆိုင်ရာ

ဂျပန်နိုင်ငံ၏ လူဦးရေစာရင်းအရ အိနဲမြို့လူဦးရေသည် လွန်ခဲ့သည့် နှစ် ၇၀ ကာလကျော်မှစတင်ကာ ကျဆင်းလျက်ရှိသည်။

သမိုင်းတစ်လျှောက် လူဦးရေများ
ခုနှစ်	လူဦးရေ	±%
1920	၇၅၇၉	—
1930	၇၅၂၃	−0.7%
1940	၇၁၅၁	−4.9%
1950	၇၇၈၆	+8.9%
1960	၆၉၅၈	−10.6%
1970	၄၇၇၉	−31.3%
1980	၄၀၂၁	−15.9%
1990	၃၅၈၆	−10.8%
2000	၃၁၁၂	−13.2%
2010	၂၄၁၂	−22.5%
2020	၁၉၂၈	−20.1%

သမိုင်းကြောင်း

လက်ရှိကာလ အိနဲမြို့ရှိရာ နေရာသည် ရှေးခေတ်တန်းဂေါ့တိုင်းပြည်အတွင်း တည်ရှိသည်။ ရှေးခေတ်ကာလအချိန်များက အိနဲမြို့တည်နေရာတွင် ရှိခဲ့သည့် ဆိပ်ကမ်းများသည် အာရှတိုက်ပင်မကျွန်းကြီးနှင့် ကုန်သွယ်မှုများ လုပ်ဆောင်ရာတွင် အဓိကကျခဲ့သည်။ အဲဒိုခေတ်ကာလတွင် အိနဲမြို့ရှိရာအရပ်သည် မိယဇုအုပ်ချုပ်မှုဒေသ၏ အစိတ်အပိုင်းတစ်ခု ဖြစ်ခဲ့သည်။ ၁၈၈၉ ခုနှစ်၊ ဧပြီလ ၁ ရက်နေ့တွင် ခေတ်သစ်မြို့ပြစီမံကိန်းများ အကောင်အထည်ဖော်မှုနှင့်အတူ ယောဆဒေသတွင် အိနဲမြို့အဖြစ် တည်ထောင်ခဲ့သည်။ ဒုတိယကမ္ဘာစစ်အတွင်း ကျေးရွာသည် အမေရိကန်ရေတပ်၏ ဗုံးကြဲခြင်း ခံခဲ့ရသည်။ ၁၉၅၄ ခုနှစ်၊ နိုဝင်ဘာလ ၃ ရက်နေ့တွင် အိနဲမြို့ကို အနီးအနားရှိ ရွာများဖြစ်ကြသည့် ဆွတ်ဆွတ်ခဝ၊ အဆဇွတ်မနှင့် ဟွန်းဂျော စသည့်ရွာများနှင့်ပေါင်းစပ်က "မြို့" အဖြစ် အဆင့်မြှင့်တင်သတ်မှတ်ပေးခဲ့သည်။ ၂၀၀၈ ခုနှစ်၊ အောက်တိုဘာလတွင် "ဂျပန်နိုင်ငံရှိ အလှပဆုံးရွာများစာရင်း" တွင် သတ်မှတ်ဖော်ပြခြင်းခံခဲ့ရသည်။

စီးပွားရေး

အိနဲမြို့၏ စီးပွားရေးသည် ကုန်သွယ်မှုနှင့် ခရီးသွားလုပ်ငန်း ဖြစ်သည်။ ဤမြို့သည် သစ်သားဖြင့်ဆောက်လုပ်ထားသည့် တံငါသည်အိမ်များ "ဖုနယ" များ ရှိသည့်အတွက် ထင်ရှားသည်။ ၎င်းအိမ်များကို နိုင်ငံတော်အဆင့် ထိန်းသိမ်းစောင့်ရှောက်ရမည့်အဆောက်အဦများအဖြစ် သတ်မှတ်ထားသည်။

ပညာရေး

အိနဲမြို့တွင် အစိုးရမူလတန်းကျောင်းနှစ်ခု၊ အစိုးရအလယ်တန်းကျောင်းတစ်ခု ရှိသည်။ မြို့ရှိ အထက်တန်းကျောင်းကို ၂၀၂၀ ခုနှစ်တွင် ပိတ်သိမ်းခဲ့သည်။

ပို့ဆောင်ဆက်သွယ်ရေး

ရထားလမ်း

အိနဲမြို့တွင် ရထားဝန်ဆောင်မှု မရှိပေ။ အနီးဆုံးဘူတာမှာ မိယဇုဘူတာ သို့မဟုတ် အမနိုဟရှိဒတဲဘူတာ ဖြစ်သည်။ ထိုရထားဘူတာများသည် ခယောတန်းဂေါ့ရထားလမ်ကြောင်းပေါ် မိယဇုမြို့တွင် ရှိသည်။

ကားလမ်း

• National Route 178

ထင်ရှားသည့် ဖော်ပြမှုများ

• 1982; Hearts and Flowers for Tora-san
• 1993; Eenyobo (ええにょぼ) (Asadora) TV drama was set in a Funaya in Ine.

ပြင်ပလင့်များ

Wikimedia Commons ရှိ အိနဲမြို့၊ ကျိုတို နှင့်ပတ်သက်သော မီဒီယာများ

• Ine official website (in ဂျပန်)