အလန်ကွာတာမိန်း

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
အလန်ကွာတာမိန်း ဝတ္တုမျက်နှာဖုံးပုံ

အလန်ကွာတာမိန်းသည် စာရေးဆရာကြီး ဆာဟင်နရီရိုက်ဒါဟက်ဂက်(Sir H.Ridder Haggard) ၏ ဆော်လမုန်သိုက် ဝတ္တုမှ စိတ်ကူးယဉ်ဇာတ်ကောင်ဖြစ်သည်။ အကြိမ်ကြိမ်ပြန်လည်ထုတ်ဝေရသော အလန်ကွာတာမိန်းပါဝင်သည့် ဇာတ်လမ်းတွဲများကို ဆရာကြီးသည်ဖန်တီးခဲ့သည်။ ဆရာကြီးရေးခဲ့သော အလန်ကွာတာမိန်းပါဝင်သည့်ဇာတ်လမ်းတွဲများအပြင် အခြားဇာတ်လမ်းများအား မြန်မာစာရေးဆရာကြီးများဖြစ်သည့် ဆရာကြီး ရွှေဥဒေါင်း နှင့် ဆရာကြီး ဒဂုန်ရွှေမျှားတို့ကအများဆုံးဘာသာပြန်ပေးခဲ့သည်။

ဘဝဇာတ်လမ်း အကျဉ်း[ပြင်ဆင်ရန်]

အလန်ကွာတာမိန်းသည် အင်္ဂလိပ်လူမျိုး အမဲလိုက်မုဆိုးတစ်ယောက်ဖြစ်သည်။ အာဖရိကတိုက်တောင်ပိုင်းတွင် နေထိုင်၍ ပစ်ခတ် ရရှိသော သားကောင်များဖမ်းဆီးခြင်းဖြင့် အသက်မွေးဝမ်းကျောင်းပြုသည်။ သူသည် အာဖရိကကဲ့သို့မှောင်မိုက်သော တိုက်ကြီးအား ယဉ်ကျေးသောနေရာတစ်ခုဖြစ်စေလိုသည်။ ထို့ပြင်သူသည် အာဖရိကန်များကို နှစ်သက်သလို သူတို့၏ယဉ်ကျေးမှုများကိုလည်း စိတ်ဝင်စားသည်။ ကွာတာမိန်းသည် အင်္ဂလန်မြို့များ၏ ရာသီဥတုကိုလည်း မကြိုက်သောကြောင့် အာဖရိကတွင်သာ တစ်သက်လုံးနေထိုင်သွားခဲ့သည်။ အစောပိုင်းဝတ္တုများတွင် အာဖရိကတိုင်းရင်းသားများသည် အလန်ကွာတာမိန်းအား မာကူမာဇန်(Macumazahn) ဟုတိုင်းရင်းသားဘာသာဖြစ်ခေါ်ကြောင်းဖေါ်ပြထားသည်။ အဓိပ္ပါယ်မှာ ညမှောင်ထဲမှ စောင့်ကြည့်သူ ဟု ဆိုနိုင်ပေသည်။ နောက်ပိုင်းဝတ္တုများတွင်မာကူမာဇာနာ(Macumazana) ဟုခေါ်ပြီး အလွန်တော်သော သူဟု အဓိပ္ပါယ်သက်ရောက်ပေသည်။ အလန်ကွာတာမိန်း၏ တပည့်ကျော်မှာအာဖရိကတိုင်းရင်းသား ဟော့တန်တိုဟတ်စ် Hottentot Hans ဖြစ်ပြီး ဗြိတိသျှမိတ်ဆွေကောင်းနှစ်ယောက်အဖြစ် ဆာဟင်နရီကာတစ်နှင့် တော်ဝင်ရေတပ်မတော်မှ ကပ္ပတိန် ဂွဒ်ဟု တို့အား ဆာဟင်နရီရိုက်ဒါဟက်ဂတ် မှဖန်တီးထားသည်။ အာဖရိကမှ သူငယ်ချင်းအဖြစ် Umslopogass ဟုနာမည်ပေးထားသည့် ဇာတ်ကောင်ကိုဖန်တီးခဲ့သည်။ အလန်ကွာတာမိန်း၏ ဘဝနိဂုံးကို ဆရာကြီး ဒဂုန်ရွှေမျှားဘာသာပြန်သည့် လူဖြူဘုရင်မ ဝတ္တုတွင်ဖတ်ရူ့နိုင်သည်။

အလန်ကွာတာမိန်း ဇာတ်လမ်းတွဲများ[ပြင်ဆင်ရန်]

ဆရာကြီး ဆာဟင်နရီရိုက်ဒါဟက်ဂက်ရေးခဲ့သော အလန်ကွာတာမိန်း ဇာတ်လမ်းတွဲများကို ထုတ်ဝေသည့် သက္ကရာဇ်အလိုက်ဖေါ်ပြရသော် အောက်ပါအတိုင်းဖြစ်သည်။

  1. King Solomon's Mines (1885)
  2. Allan Quatermain (1887)
  3. Allan's Wife (1887)
  4. Maiwa's Revenge: or, The War of the Little Hand (1888)
  5. Marie (1912)
  6. Child of Storm (1913)
  7. The Holy Flower (1915)
  8. Finished (1917)
  9. The Ivory Child (1916)
  10. The Ancient Allan (1920)
  11. She and Allan (1920)
  12. Heu-heu: or The Monster (1924)
  13. The Treasure of the Lake (1926)
  14. Allan and the Ice-gods (1927)
  15. Hunter Quatermain's Story: The Uncollected Adventures of Allan Quatermain