အဘ္ဘဒူ မာလစ်

ဝီကီပီးဒီးယား မှ
Jump to navigation Jump to search

အဘ္ဘဒူ မာလစ် (အာရပ်: عبد الملك) သည် အမေရိကန်နိုင်ငံသား ဆွန်နီမူဆလင် ခေါင်းဆောင်ဖြစ်သည်။ အသံလွှင့်ခြင်း၊ စာရေးခြင်းတို့လည်း လုပ်ပြီး လူမှုရေးအဖွဲ့တခု၏ ဦးဆောင်သူလည်း ဖြစ်သည်။ ကမ္ဘာ့ လွှမ်းမိုးမှုအရှိဆုံး မူဆလင်ပုဂ္ဂိုလ် ၅၀၀ စာရင်းတွင် (၈) ကြိမ်တိုင် ပါဝင်သည်။

ငယ်ဘဝ[ပြင်ဆင်ရန်]

၁၉၅၁ ခုတွင် ပါကစ္စတန်၌ မွေးသည်။ အမေရိကန်ပြည်ထောင်စု ချီကာဂိုမြို့သို့ ပြောင်းနေသည်။

လုပ်ဆောင်ချက်များ[ပြင်ဆင်ရန်]

မျှတအမြင် (Sound Vision) အဖွဲ့ကို ၁၉၈၈ ခုတွင် ချီကာဂို၌ တည်ထောင်သည်။ ထိုအဖွဲ့သည် အစ္စလာမ်ရေးရာ အကြောင်းတို့ကို နိုင်ငံတကာမီဒီယာတို့တွင် ပြန့်ပွားကာ ဘာသာရေးဆိုင်ရာ နားလည်မှု တိုးပွါးရန် ရည်ရွယ်သည်။ ချီကာဂိုရှိ ရေဒီယိုအစ္စလာမ် (Radio Islam) ကိုလည်း ထုတ်လွှင့်သူ ဖြစ်သည်။

အမေရိကန် မူဆလင်အဖွဲ့အစည်း (၁၇) ခု ပေါင်းထားသော အမေရိကန် ဗမာ့အရေးတပ်ဖွဲ့ (Burma Task Force, USA) တွင် ညွန့်ပေါင်းအဖွဲ့ ဥက္ကဋ္ဌအဖြစ် ဆောင်ရွက်သည်။ ထိုအဖွဲ့သည် နိုင်ငံတကာ လူမှုရေးအဖွဲ့များ၊ လူ့အခွင့်အရေး လှုပ်ရှားသူများ၊ အမေရိကန် မူဝါဒဖော်သူများအား မြန်မာနိုင်ငံတွင် ဖြစ်ပေါ်နေသော လူမျိုးတုံး သတ်ဖြတ်မှုနှင့် မတရားညှင်းပန်းမှုတို့ကို အသိပေးလျက် ရှိသည်။ ဖက်ဒရယ်တရားရုံးသို့ နေရပ်မဲ့ ရိုဟင်ဂျာမူဆလင် လူနည်းစုအား လူ့အခွင့်အရေး ချိုးဖောက်မှုနှင့် စပ်လျဉ်း၍ လစ်လျူရှုခြင်းကြောင့် သမ္မတ ဦးသိန်းစိန်နှင့် ဝန်ကြီးအချို့ကို ဗမာ့အရေးတပ်ဖွဲ့မှ တရားစွဲထားသည်။ သို့သော် ရန်ကုန်ရှိ အမေရိကန်သံရုံးကမူ ထိုတရားစွဲမှုကြောင့် မြန်မာအပေါ် အမေရိကန်တို့၏ မူဝါဒ ပြောင်းလဲမည်မဟုတ်ကြောင်း ဖြေရှင်းထားသည်။

၂၀၁၅ ခု အစောပိုင်းတွင် နော်ဝေးနိုင်ငံအော်စလိုမြို့၊ နိုဘယ်ငြိမ်းချမ်းရေးစင်တာ (Nobel Peace Center) ၌ ကျင်းပသော နိုင်ငံတကာဆွေးနွေးပွဲတွင် တွဲဖက်ဥက္ကဋ္ဌအဖြစ် တက်သည်။ ထိုပွဲတွင် နိုဘယ်ဆုရှင် (၇) ဦးက မြန်မာ့မြေရှိ ရိုဟင်ဂျာတို့ အဖြစ်အပျက်မှာ ပြဋ္ဌာန်းစာအုပ်ဝင် လူမျိုးတုံးသတ်ဖြတ်မှုဟု ထုတ်ပြောသည်။

ရေးသားသော စာအုပ်စာတမ်းများ[ပြင်ဆင်ရန်]

နိုင်ငံတကာရေးရာကို ခွဲခြမ်းစိတ်ဖြာပြီး အောက်ပါတို့ကို ရေးသားခဲ့သည် −

  • အကြမ်းဖက်မှုနှင့် မူးယစ်ဆေးတို့အပေါ် မကျော်နိုင်သော စစ်ပွဲများ (The Unwinnable Wars on Drug and Terror)
  • မူဆလင်များသည် အိမ်နီးချင်းတို့ထက် သာ၍ အေးချမ်းစွာ နေလေသည် (Muslims Are More Peaceful than Their Neighbors)
  • အလ္လာ့ဝိနယနှင့် အမေရိကန်မူဆလင်တို့ ဘဝ (Sharia and Lives of Muslim Americans)
  • မျက်နှာမလွှဲနိုင်စရာ မြန်မာ့ သာသနာရေးဝန်ကြီး စကားအဖြာဖြာ (Words of Burma's Religious Affairs Minister Too Serious to Ignore)
  • အာဖဂန်တွေ ဘာကြောင့် ၄၄ နှစ်ပဲ သက်တမ်းရှိရသလဲ (Why Do Afghans Have a Life Expectancy of Only 44 Years?)