အဘဒူကာဝီ ယူစွတ်
အဘဒူကာဝီ အာမက် ယူစွတ် | |
|---|---|
Cabdulqaawi Axmed Yuusuf | |
| အပြည်ပြည်ဆိုင်ရာတရားရုံး ဥက္ကဋ္ဌ | |
တာဝန်ထမ်းဆောင်ဆဲ | |
| တာဝန် စတင် ၂၀၁၈ ဖေဖော်ဝါရီ ၆ | |
| ဒုတိယ သမ္မတ | ချင်း ဟန့်ကျီ |
| ယခင်လူ | ရွန်နေ အီဗရာဟင် |
| အပြည်ပြည်ဆိုင်ရာတရားရုံး ဒုဥက္ကဋ္ဌ | |
| တာဝန်သက်တမ်း ၂၀၁၅ ဖေဖော်ဝါရီ ၆ – ၂၀၁၈ ဖေဖော်ဝါရီ ၆ | |
| သမ္မတ | ရွန်နေ အီဗရာဟင် |
| ယခင်လူ | ပီတာ တွမ်ကာ |
| ဆက်ခံသူ | ချင်း ဟန့်ကျီ |
| အပြည်ပြည်ဆိုရာတရားရုံး တရားသူကြီး | |
တာဝန်ထမ်းဆောင်ဆဲ | |
| တာဝန် စတင် ၂၀၀၉ ဖေဖော်ဝါရီ ၆ | |
| ယခင်လူ | ရေမွန် ရန်ဂျီဗာ |
| ကိုယ်ရေး အချက်အလက်များ | |
| မွေးဖွား | ၁၂ စက်တင်ဘာ၊ ၁၉၄၈ အေး, အီတလီပိုင် ဆိုမာလီမြေ |
| နိုင်ငံသား | ဆိုမာလီ |
| လူမျိုး | ဆိုမာလီ |
| မိခင်ကျောင်း | Somali National University University of Florence Graduate Institute of International Studies |
| အလုပ်အကိုင် | ဂျူရီလူကြီး |
| ကျွမ်းကျင်မှု | ဥပဒေ |
အဘဒူကာဝီ အာမက် ယူစွတ် (ဆိုမာလီ: Cabdulqaawi Axmed Yuusuf) (၁၉၄၈-) သည် ဆိုမာလီနိုင်ငံသား ရှေ့နေနှင့် တရားသူကြီး ဖြစ်ပြီး လက်ရှိတွင် အပြည်ပြည်ဆိုင်ရာတရားရုံး၏ ဥက္ကဋ္ဌ ဖြစ်သည်။
ငယ်ဘဝ
[ပြင်ဆင်ရန်]ဆိုမာလီနိုင်ငံ၊ အရှေ့မြောက်ရှိ အေးမြို့၌ ၁၉၄၈ ခုတွင် မွေးသည်။
ဆိုမာလီအမျိုးသားတက္ကသိုလ်မှ ဥပဒေဘာသာနှင့် ဘွဲ့ရသည်။ ဘွဲ့လွန်ကို အီတလီရှိ ဖလောရင့်တက္ကသိုလ်၌ နိုင်ငံတကာဥပဒေဖြင့် ယူသည်။ ပါရဂူဘွဲ့ကို ဂျနီဗာ၌ ယူသည်။
ဆိုမာလီ၊ အာရပ်၊ အင်္ဂလိပ်၊ ပြင်သစ်နှင့် အီတလီစကားတို့ကို ကျွမ်းကျွမ်းကျင်ကျင် ပြောနိုင်သည်။
သက်မွေးလမ်းကြောင်း
[ပြင်ဆင်ရန်]ဆိုမာလီအမျိုးသားတက္ကသိုလ်တွင် နည်းပြ (၁၉၇၄-၁၉၈၁) လုပ်စဉ် တတိယအကြိမ် ကုလသမဂ္ဂ ပင်လယ်ပြင်ဆိုင်ရာဥပဒေ ဆွေးနွေးပွဲ (၁၉၇၅-၁၉၈၀) ၌ ဆိုမာလီကိုယ်စားလှယ်အဖြစ်သည်။
ဂျနီဗာတက္ကသိုလ်တွင် နည်းပြ (၁၉၈၁-၁၉၈၃) လုပ်သည်။ ဧည့်ပါမောက္ခအဖြစ် ဆွစ်ဇာလန်၊ အီတလီ၊ ဂရိနှင့် ပြင်သစ်တို့သို့ သွားသင်ဖူးသည်။
နယူးယောက်ရှိ UNCTAD (United Nations Conference on Trade and Development) ၏ တရားဝင်မူဝါဒပံ့ပိုးရေးအဖွဲ့၏ ခေါင်းဆောင် (၁၉၈၇-၁၉၉၂)၊ ထိုအဖွဲ့၏ ကိုယ်စားလှယ် (၁၉၉၂-၁၉၉၄)၊ ဗီယင်နာရှိ UNIDO (United Nations Industrial Development Organization) ၏ အာဖရိကကိစ္စများဆိုင်ရာ ဥပဒေအကြံပေး (၁၉၉၄-၁၉၉၈)၊ ထိုအဖွဲ့၏ လက်ထောက် ညွှန်ကြားရေးမှူးချုပ် (၁၉၉၈-၂၀၀၁)၊ UNESCO ၏ နိုင်ငံတကာစံနှင့်တရားဝင်ကိစ္စရပ်များရုံး၏ ညွှန်ကြားရေးမှူးနှင့် ဥပဒေအကြံပေး (၂၀၀၁-၂၀၀၉) စသဖြင့် အဆင့်ဆင့် ထမ်းဆောင်သည်။
၂၀၀၉ ခု၊ ဖေဖော်ဝါရီ ၆ ရက်တွင် အပြည်ပြည်ဆိုင်ရာတရားရုံး၏ တရားသူကြီး ဖြစ်လာပြီး ၂၀၁၅ ခု၊ ဖေဖော်ဝါရီလ ၆ ရက်တွင် ထိုရုံး၏ ဒုတိယဥက္ကဋ္ဌအရာ ရသည်။ ၂၀၁၈ ခု၊ ဖေဖော်ဝါရီလ ၆ ရက် တွင် ဥက္ကဋ္ဌအရာသို့ တိုးသည်။ ၂၅ ယောက်မြောက် ဥက္ကဋ္ဌ ဖြစ်လာပြီး ပြင်သစ်မှ ရွန်နေ အီဗရာဟင်၏ အရာကို ဆက်ခံခြင်း ဖြစ်သည်။ အပြည်ပြည်ဆိုင်ရာတရားရုံး၏ ဥက္ကဋ္ဌအဖြစ် တတိယမြောက် တာဝန်ယူရသော အာဖရိကသား ဖြစ်လာသည်။