သခင်တင်: တည်းဖြတ်မှု မူကွဲများ
အရေးမကြီး ဘော့ - စာသားများကို အလိုအလျောက် အစားထိုးခြင်း (-ဖြန့်ချီ +ဖြန့်ချိ) |
No edit summary |
||
| စာကြောင်း ၈၃ - | စာကြောင်း ၈၃ - | ||
[[Category:တို့ဗမာ အစည်းအရုံးဝင်များ]] |
[[Category:တို့ဗမာ အစည်းအရုံးဝင်များ]] |
||
[[Category:မြန်မာ ရှေ့နေများ]] |
|||
၀၅:၅၂၊ ၆ နိုဝင်ဘာ ၂၀၁၉ ရက်နေ့က မူ
သခင်တင်ကို ၁၉၀၃ ခုနှစ်တွင် ပျော်ဘွယ်မြို့၌ အဘ ရာဇဝတ်ဝန် ဦးမြတ်သာ၊ ဒေါ်အေးမြတို့မှ မွေးဖွားသည်။ မွေးချင်းနှစ်ယောက်အနက် အငယ်ဖြစ်သည်။
ငယ်စဉ်က လက်ပံတန်းမြို့နယ် မဟာပေါင်းရွာ၌ မူလ တန်းပညာ သင်ကြားခဲ့သည်။ ဖြူးမြို့တွင် ကြီးပြင်းလာရပြီး ပေါင်းတည်မြို့ အစိုးရအထက်တန်းကျောင်းမှ ၁၀ တန်း အောင်မြင်ခဲ့သည်။ ထိုနောက် ရှေ့နေစာမေးပွဲအောင်မြင်၍ ၁၉၂ရ ခုနှစ်တွင် သာယာဝတီခရိုင်၌ ရှေ့နေလိုက်ခဲ့သည်။ ၁၉၃၁ ခုနှစ်တွင် ဆရာစံသူပုန်များဘက်မှ ရှေ့နေလိုက်ခဲ့သည်။ သခင်တင်သည် ၁၉၃၂ ခုနှစ်တွင် လက်ပံတန်းမြို့နယ် ခွဲခွာရေးအသင်းသို့ ဝင်ရောက်ခဲ့သည်။ ခွဲခွာရေး အသင်းဆို သည်မှာ မြန်မာနိုင်ငံကို အိန္ဒိယနိုင်ငံမှ ခွဲထွက်ရေးအတွက် တိုက်ပွဲဝင်သော အသင်းဖြစ်သည်။
၁၉၃၅ ခုနှစ်တွင် သုံးဆယ်မြို့၌ တို့ဗမာ အစည်းအရုံး တည်ထောင်သောအခါ သခင်တင်သည် ဥက္ကဋ္ဌ ဖြစ်လာသည်။ ထိုအချိန်မှစ၍ သခင်တင်သည် သခင်အမည်ကို ခံယူ၍ နိုင်ငံ ရေး ဆောင်ရွက်ခဲ့လေသည်။
၁၉၃၈ ခုနှစ်တွင် စစ်ကွင်း၌ တို့ဗမာအစည်းအရုံး ညီ လာခံကြီး ကျင်းပခဲ့ရာ သခင်တင်သည် သာယာဝတီခရိုင် တောင်သူလယ်သမား အစည်းအရုံးဥက္ကဋ္ဌအဖြစ် အရွေးခံရပြီး တို့ဗမာအစည်းအရုံးဥက္ကဋ္ဌအဖြစ် အရွေးခံရပြီး တို့ဗမာအစည်း အရုံး ဌာနချုပ်အမှုဆောင်လည်း ဖြစ်လာသည်။
၁၉၄၀ ပြည့်နှစ် ပဲခူးညီလာခံကြီးတွင် သခင်မြက ဗမာ နိုင်ငံရေးဆိုင်ရာ တို့ဗမာအစည်းအရုံး ဥက္ကဋ္ဌဖြစ်လာ၍ သခင် တင်က ဗမာနိုင်ငံလုံးဆိုင်ရာ တောင်သူလယ်သမားအစည်းအရုံး ဥက္ကဋ္ဌဖြစ်လာသည်။ ဗမာ့လွတ်လပ်ရေးတပ်မတော် (ဘီအိုင် အေ) ခေတ်တွင် သခင်တင်သည် ဗိုလ်မှူးဖြစ်ပြီး မြေအောက် တော်လှန်ရေး အဖွဲ့ချုပ်၏ တာဝန်ခံတစ်ဦး ဖြစ်သည်။ ဂျပန် ခေတ်၌ သခင်တင်သည် အဓိပတိဒေါက်တာဗမော်၏ နိုင်ငံ ရေးရာ အတွင်းဝန်နှင့် တို့ဗမာအစည်းအရုံးဝါဒဖြန့်ချိရေးမှူး အဖြစ် ဆောင်ရွက်ရသည်။ ဖဆပလ (ဖက်ဆစ်ဆန့်ကျင်ရေး နှင့် ပြည့်သူ့လွတ်လပ်ရေး)တပ်ဦး ဖွဲ့စည်းရာတွင် သခင်တင် သည် ဌာနချုပ်အလုပ်အမှုဆောင်အဖြစ် တာဝန်ယူရသည်။ အောင်ဆန်းအက်တလီစာချုပ် မချုပ်ဆိုနိုင်သေးမီ နယ်ချဲ့ အဂင်္လိပ်ကို ဆက်လက်တော်လှန်ရန် စီစဉ်ကြ ရာတွင် သခင်တင်ကို အထက်ဗမာပြည် ဖဆပလတိုင်းမှူးအဖြစ် တာဝန်ပေးခဲ့သည်။
၁၉၄ရ ခုနှစ်တွင် ဟော်လန်နိုင်ငံ၌ ကျင်းပသော ကမ္ဘာ့ တောင်သူလယ်သမားများ ညီလာခံသို့ မြန်မာနိုင်ငံ တောင်သူ လယ်သမား အစည်းအရုံးဥက္ကဋ္ဌအဖြစ် တက်ရောက်ခဲ့သည်။ သခင်တင်သည် တိုင်းပြည်ပြု လွှတ်တော်အမတ်အဖြစ်ဝါးခယ်မ (မြောင်းမြအရှေ့ပိုင်း) မဲဆန္ဒနယ်မှ အရွေးခံခဲ့ရသည်။ ဗိုလ်ချုပ် အောင်ဆန်း နှင့် အာဇာနည်များ ကျဆုံးပြီးနောက် အရေးပေါ် ပြန်လည်ဖွဲ့စည်းသော ဖဆပလအစိုးရလက်ထက်တွင် သခင်တင် သည် လယ်ယာနှင့် သစ်တောဌာနဝန်ကြီးအဖြစ် စတင်ဆောင် ရွက်ရသည်။
၁၉၅၂ ခုနှစ်တွင် ရန်ကုန်မြို့၌ ကျင်းပခဲ့သော အာရှ ဆိုရှယ်လစ် ကွန်ဖရင့်တွင် စီးပွားရေးဆိုင်ရာ ကော်မတီ၏ ဥက္ကဋ္ဌအဖြစ် ဆောင်ရွက်ခဲ့လေသည်။
၁၉၅၆ ခုနှစ်တွင် ဖြူးမဲဆန္ဒနယ်မှလည်းကောင်း၊ ၁၉၆၀ ပြည့်နှစ်တွင် ရန်ကုန်မြို့ သိမ်ဖြူမဲဆန္ဒနယ်မှ လည်းကောင်း ပြည်သူ့လွှတ်တော်အမတ်အဖြစ် အကြိမ်ကြိမ် ရွေးကောက်တင် မြှောက်ခြင်း ခံခဲ့ရပြီး ဘဏ္ဍာရေးနှင့် အမျိုးသားစီမံကိန်းဌာန ဝန်ကြီး၊ ဒုတိယဝန်ကြီးချုပ်(လူမှုရေး) စသည်ဖြင့် တာဝန်ယူ ဆောင်ရွက်ခဲ့သည်။
တော်လှန်ရေးကော်စီ အစိုးရလက်ထက်တွင် ပြည်တွင်း ညီညွတ်ရေးအကြံပေးအဖွဲ့ဝင် ၃၃ ဦး၌ အဖွဲ့ဝင်တစ်ဦးအဖြစ် ပါဝင်ဆောင်ရွက်ခဲ့သည်။
ဒို့လောက၊ ဗမာ့အခြေခံစီးပွားရေး၊ တိုးတက်သော ဆိုရှယ်လစ်စနစ် (ဗုဒ္ဓအဘိဓမ္မာနှင့် လောကဓာတ်ဝိဇ္ဇာ သိပ္ပံ ပညာ) (ဗုဒ္ဓအဘိဓမ္မာနှ့င့် ဟဒယဝတ္ထုပြဿနာ)စာအုပ်များ ရေးသားခဲ့သည်။
သခင်တင်သည် လွတ်လပ်ရေးမော်ကွန်းဝင် ပထမဆင့်နှင့် နိုင်ငံဂုဏ်ရည် ပထမဆင့် ဘွဲ့ထူးများဖြင့် ချီးမြှင့် ဂုဏ်ပြုခံရသူ တစ်ဦး ဖြစ်သည်။
သခင်တင်သည် ၁၉၈၀ ပြည့်နှစ် စက်တင်ဘာလ ၁၈ ရက်နေ့တွင် ရန်ကုန်မြို့၌ ကွယ်လွန်ခဲ့သည်။ သခင်တင်၌ ဇနီး ဒေါ်မြရွှေနှင့် သား၊ သမီးနှစ်ယောက် ကျန်ရစ်ခဲ့သည်။ [၁]
ကိုးကား
- ↑ မြန်မာ့စွယ်စုံကျမ်း အတွဲ(၅)