သီရိမဟာဗောဓိဝိဟာရ
| သီရိမဟာဗောဓိဝိဟာရ | |
|---|---|
 | |
| အချက်အလက်များ | |
| တည်နေရာ | Kandy |
| ကိုဩဒိနိတ် | 7°17′29.6″N 80°37′45.0″E / 7.291556°N 80.629167°Eကိုဩဒိနိတ်: 7°17′29.6″N 80°37′45.0″E / 7.291556°N 80.629167°E |
| ဘာသာရေး နှီးနွယ်မှု | Buddhism |
| စီရင်စု | Central Province |
| နိုင်ငံ | Sri Lanka |
| လှူဒါန်းသည့်နှစ် | 1972 |
| ဗိသုကာ | |
| ဗိသုကာ အမျိုးအစား | Buddha Statue |
| အသေးစိတ် | |
| အမြင့် | 26.83m |
သီရိမဟာဗောဓိဝိဟာရ[၁] သည် သီရိလင်္ကာနိုင်ငံ၊ ကန်ဒီမြို့တွင်တည်ရှိသည့် ထေရဝါဒဗုဒ္ဓဘာသာကျောင်းတော်တစ်ခု ဖြစ်သည်။ ကျောင်းတော်သည် မြို့အလယ်မှ ခန့်မှန်းခြေ ၂ ကီလိုမီတာ (၁.၂ မိုင်) ခန့်ရှိ ဘဟိရဝကန်ဒ (Bahirawakanda ) တွင် တည်ရှိသည်။ ကျောင်းတော်သည် ကြီးမားသည့်ဗုဒ္ဓရုပ်ပွားတော်ကြီးကြောင့် အထူးထင်ရှားသည်။ ရုပ်ပွားတော်ကြီးသည် Dhyana မုဒြာပုံစံဖြစ်သည်။ မြတ်စွာဘုရား ပထမဆုံးအကြိမ်အဖြစ် တရားထူးရခဲ့သည့်အခါက တရားထိုင်တော်မူနေဟန် ဖြစ်သည်။ ထိုရုပ်ပွားတော်ကြီးကို ကန်ဒီမြို့ နေရာအားလုံးနီးပါးမှ မြင်တွေ့နေရသည်။ ရုပ်ပွားတော်ကြီးသည် အမြင့် ၂၆.၈၃ မီတာ (၈၈.၀ ပေ) ရှိပြီး သီရိလင်္ကာရှိ အမြင့်ဆုံးသော ဗုဒ္ဓရုပ်ပွားတော်များထဲမှ တစ်ခုလည်း ဖြစ်သည်။
၁၉၇၀ ခုနှစ်အစောပိုင်းကာလတွင် မြေယာဝန်ကြီး Hector Kobbekaduwa က ရဟန်းတော် Ven. Ampitiye Dammarama Thero သို့ လှူဒါန်းထားသည့် မြေပေါ်တွင် ကျောင်းတော်ကို တည်ဆောက်ထားသည်။ Ven. Ampitiye Dammarama Thero သည် အမရပူရနိကာယဂိုဏ်းမှ ရဟန်းတစ်ပါးဖြစ်သည်။ ကျောင်းတော်တည်ဆောက်ရန်အတွက် အလှူငွေများကောက်ခံနေစဉ်တွင် Dammarama သည် အစပိုင်း၌ ယာယီနေရာ၌ သီတင်းသုံးခဲ့သည်။ ကျောင်းတော်တည်ဆောက်မှုကို Sri Dalada Maligawa (သွားဓာတ်တော်ကျောင်းတော်) ၏ ဝါကြီးသည့် ရဟန်းများက ဆန့်ကျင်ခဲ့ကြသည်။ ၎င်းသည် Siya နိကာယစင်တာကို အရိပ်လွှမ်းမိုးမည် ဖြစ်သည်ဟု အခိုင်အမာ ပြောဆိုခဲ့ကြသည်။ ၁၉၈၀ ခုနှစ်များတွင် အမရပူရနိကာယ၏ ဥက္ကဋ္ဌဖြစ်သည့် ရဟန်းတစ်ပါးဖြစ်သည့် Hinatiyana Dhammaloka သည် အောင်မြင်စွာ သမ္မတ Ranasinghe Premadasa သို့ ဖျန်ဖြေပေးရန်နှင့် ဓမ္မရာမဆောက်လုပ်ရန်အတွက် တရားဝင်ခွင့်ပြုပေးပါရန် တောင်းဆိုခဲ့သည်။
၁၉၈၀ ခုနှစ်များနောက်ပိုင်းတွင် ဓမ္မရာမတွင် ဗုဒ္ဓရုပ်ပွားတော်တစ်ဆူ ဆောက်လုပ်ရန် ဖြစ်လာခဲ့သည်။ ထိုရုပ်ပွားတော် ဆောက်လုပ်မှုသည် ၁၉၉၂ ခုနှစ်တွင် ပြီးစီးခဲ့သည်။ ၁၉၉၃ ခုနှစ် ဇန်နဝါရီလ ၁ ရက်နေ့တွင် သမ္မတ Ranasinghe Premadasa က တရားဝင်ဖွင့်လှစ်ပေးခဲ့သည်။[၂] ၎င်းသည် ယခုအခါ ခရီးသွားများဆွဲဆောင်ရာနေရာတစ်ခု ဖြစ်သည်။
ကိုးကား
[ပြင်ဆင်ရန်]- ↑ Bahirawakanda Temple။ 7 May 2018 တွင် ပြန်စစ်ပြီး။
- ↑ ahirawakanda Vihara Buddha Statue။ 7 May 2018 တွင် ပြန်စစ်ပြီး။