သိတကော့ဝိဟာရ

သိတကော့ဝိဟာရ
ဒေသခေါ်အမည် တမ်းပလိတ်:Lang-ben
တည်နေရာ	Dinajpur, Bangladesh
တည်ဆောက်	6th century AD

သိတကော့ဝိဟာရ သည် ဘင်္ဂလားဒေ့ရှ်နိုင်ငံ၊ Dinajpur ခရိုင်၊ Nawabganj upazila တွင် တည်ရှိသည့် ရှေးဟောင်းသုတေသနနယ်မြေတစ်ခု ဖြစ်သည်။ ထိုနေရာကို ဒေသခံများက Sita နေထိုင်ခဲ့သည့်နေရာအဖြစ် သိကြသည်။ ပုံမှန်တူးဖော်မှုများကို ၁၉၆၈၊ ၁၉၇၂ - ၁၉၇၃ ခုနှစ်များတွင် လုပ်ဆောင်ခဲ့ပြီး ရှေးခေတ်ဗုဒ္ဓဘာသာကျောင်းတော်တစ်ခုကို တွေ့ရှိခဲ့ကြသည်။ ကျောင်းတော်ကို တည်ဆောက်ခဲ့သည့်အချိန်မှာ အနီးအနားရှိ Somapura Mahavihara နှင့် Halud Vihara တို့နှင့် အတူတူပင် ဖြစ်သည်။

ဗိသုကာ

ကျောင်းတော်ကို စတုရန်းဧရိယာ ၆၅ မီတာ ရှိသည့် မြေပေါ်တွင် တည်ဆောက်ထားသည်။

နယ်နိမိတ်အတွင်းရှိ တောင်ဘက်နှင့် မြောက်ဘက်တို့တွင် ကျယ်ပြန့်သည် နေရာကွက်လပ်ရှိသည်။ တောင်ဘက်တွင် အပြင်ဘက် ဝင်ထွက်ပေါက်ရှိပြီး နယ်နိမိတ်အတွင်းတွင် စောင့်ကြပ်သည့် အခန်းနှစ်ခန်း ရှိသည်။ အတွင်းဘက်ဝင်ထွက်ပေါက်မှတစ်ဆင့် အဝင်ဘက်ခန်းမသို့ ရောက်ရှိသည်။ ခန်းမသည် အခြားသော အခန်းများနှင့် ချိတ်ဆက်ထားသည်။ ထိုအခန်းများသည် ၄၁ ခန်းရှိသည်။ မြောက်ဘက်တွင် ၈ ခန်း၊ အခြားသုံးဘက်တွင် ၁၁ ခန်းစီ ရှိသည်။ အခန်းများသည် အရွယ်အစား (3.66 m by 3.35 m).အတူတူနီးပါး ရှိကြသည်။

အရှေ့ဘက်အခန်း၏ နံရံအထူသည် ၁.၀၇ မီတာ၊ အနောက်ဘက်နံရံသည် ၂.၅၉ မီတာနှင့် ကန့်ထားသည့် နံရံသည် 0.91-1.22 မီတာ ထူကြသည်။ အခန်းတစ်ခုချင်းစီ၏ အရှေ့ဘက်တွင် တံခါးပေါက်ရှိပြီး အခြားနံရံသုံးဘက်တွင် အပေါက်များ ဖောက်ထားကြသည်။

ကျောင်းတော်၏ ပတ်လည်တစ်လျှောက်တွင် ၂.၅၉ မီတာကျယ်သည့် ဝရန်တာ ရှိသည်။ အခန်းများသည် ထိုဝရံတာသို့ အလျား ၁.၆၈ မီတာ၊ အကျယ် ၁.၀၇ မီတာရှိသည့် လမ်းပေါက်မှတဆင့် ဆက်သွယ်ထားသည်။

တွေ့ရှိရသည့် ပစ္စည်းများ

ကြေးဆင်းတုနှစ်ခုကို တွေ့ရသည်။ ဗောဓိသတ္တ Padmapani နှင့် ဗောဓိသတ္တ Manjushri တို့၏ ဆင်းတုများ ဖြစ်သည်။ တူးဖော်မှုပြုလုပ်စဉ် မြေတွင် မြုပ်နေသည့် မင်အိုးများ၊ မြေစေးအရုပ်များ၊ အလှဆင်အုတ်များနှင့် အိုးကွဲများစွာကို တွေ့ရသည်။

ထိန်းသိမ်းကာကွယ်မှု

ဘင်္ဂလားဒေ့ရှ်နိုင်ငံအစိုးရ၏ ရှေးဟောင်းသုတေသနနှင့် ပြတိုက်များဌာနက သိတကော့ဝိဟာရ ကို ထိန်းသိမ်းထားရှိသည်။ သိတကော့ဝိဟာရသည် ပြုပြင်မွမ်းမံမှုများနှင့် ထိန်းသိမ်းမှုများ ကောင်းမွန်စွာ လုပ်ဆောင်ရန် လိုအပ်လျက်ရှိသည်။

ရုပ်ပုံများ

• 
•