ဝိပဿနာတရားအဖွဲ့

ဝီကီပီးဒီးယား မှ
မက်ဆာချူးဆက်ပြည်နယ်၊ ဘာရီရှိ ဝိပဿနာတရားအဖွဲ့နေရာကို ပွင့်နေသည့်ပန်းများနှင့်အတူ တွေ့ရပုံ

ဝိပဿနာတရားအဖွဲ့ (Insight Mediation Society, IMS) သည် မက်ဆာချူးဆက်ပြည်နယ်၊ ဘာရီ (Barre) တွင်ရှိသည့် ဗုဒ္ဓဘာသာအား လေ့လာသူများအတွက် တည်ထောင်ထားသည့် အကျိုးအမြတ်မယူသည့် အဖွဲ့အစည်းတစ်ခု ဖြစ်သည်။[၁] ၁၉၇၅ ခုနှစ်တွင် ရှာရွန်ဆာ့ဘတ်၊ ဂျက်ကွန်ဖီးနှင့် ဂျိုးဆက်ဂိုးစတိန်းတို့က တည်ထောင်ခဲ့သည်။[၂][၃] အဖွဲ့သည် ထေရဝါဒ၏ အဆုံးအမကို အခြေခံထားသည်။ ပထမဆုံးတရားအားထုတ်သည့်စင်တာကို ၁၉၇၆ ခုနှစ်၊ ဖေဖော်ဝါရီလ ၁၄ ရက်နေ့တွင် မက်ဆာချူးဆက်ပြည်နယ်၊ ဘာရီရှိ စံအိမ်ဟောင်းကြီးတစ်ခုတွင် ဖွင့်လှစ်ခဲ့သည်။[၄]

အကြောင်းအရာ[ပြင်ဆင်ရန်]

IMS တွင် ဗုဒ္ဓဘာသာတရားအားထုတ်မှုများကို နေရာနှစ်ခုဖြစ်သည့် တရားစင်တာနှင့် မက်ဆာချူးဆက်ပြည်နယ်အလယ် ကျေးလက်ဒေသတွင် တည်ရှိသည့် တောရရိပ်သာတို့တွင် ဝန်ဆောင်မှုပေးလျက်ရှိသည်။ တရားစင်တာသည် အမေရိကန်နိုင်ငံတွင် ရှိသည့် IMS စင်တာနှစ်ခုထဲမှ တစ်ခုလည်း ဖြစ်သည်။ စင်တာအားလုံးသည် ဝိပဿနာတရားကို သင်ကြားပြသပေးသည်။

၁၉၉၆ ခုနှစ်မှ ၂၀၀၆ ခုနှစ်တွင် တည်ထောင်သူများဖြစ်သည့် ဂျိုးဆက်ဂိုးစတိန်းနှင့် ရှာရွန်ဆာ့ဘက်တို့သည် Insight Mediation ဟု အမည်ပေးထားသော အသံဖိုင်ပါဝင်သည့် ကတ်ဆက် ၁၂ ခုနှင့် လေ့ကျင့်ခန်းစာအုပ်တစ်ခု ပါဝင်သည့် စာပေးစာယူသင်တန်းတစ်ခုကို မိတ်ဆက်ခဲ့သည်။[၅] ဤသင်တန်းသည် နောက်ပိုင်း၌ Insight Meditation: An In-Depth Correspondence Course အဖြစ် ပြောင်းလဲသွားခဲ့ပြီး အသံဖိုင်စိဒီ ၁၂ ခုနှင့် စာမျက်နှာ ၈၈ မျက်နှာပါဝင်သည့် လေ့ကျင့်ခန်းစာအုပ်တစ်အုပ်တို့ ပါဝင်သည်။[၆]

Vassa သည် သည် ဗုဒ္ဓဘာသာရဟန်းများအတွက် အခြေခံ လေ့ကျင့်မှုဖြစ်သည်။ ထိုသုံးလကြာတရားအားထုတ်မှုတွင် ရဟန်းများသည် တရားဘာဝနာများ လေ့လာမှု၊ အချိန်ဇယားကို ကိုယ်တိုင်ဆွဲကာ တရားအားထုတ်မှုနှင့်ပတ်သက်၍ အစားအစာကို စားသုံးခြင်း စသည်တို့ကို လိုက်နာကြသည်။ နှစ်စဉ်နှစ်တိုင်းပင် စင်တာတွင် သုံးလကြာသင်တန်းကို ပြလုပ်လေ့ရှိသည်။ ထိုသင်တန်းကို ရက်ရှည်တရားအားထုတ်ခြင်း ("marathon of meditation") ဟု ခေါ်ဆိုသည်။ ညစဉ် တရားသင်ခန်းစာများနှင့် သုံးပတ်မြောက်အပတ်စဉ်တိုင်းတွင် တရားပြသသူများနှင့် အင်တာဗျူးပြုလုပ်လေ့ရှိသည်။ ထိုအချိန်တွင် တရားအားထုတ်သူတို့သည် ငြိမ်သက်မှုအပြည့်ဖြင့် နားထောင်ကြရသည်။ ထေရဝါဒအဆုံးအမတွင် နေ့လယ်စာ စားသောက်ပြီးနောက်တွင် အစာစားခြင်းကို ရှောင်ကြဉ်ရသည်။ သို့သော်လည်းစင်တာတွင် အဆာပြေစာ အစားအစာနှင့် လက်ဖက်ရည်ကိုမူ စားသောက်ရန် ခွင့်ပြုထားသည်။[၇] စင်တာ၏ သင်တန်းများတွင် မေတ္တာပွားခြင်းနှင့် ဝိပဿနာတရား လေ့ကျင့်မှုနှင့် သင်ကြားမှုများကို လုပ်ဆောင်ပေးသည်။

သင်ကြားပေးခြင်း[ပြင်ဆင်ရန်]

တရားစင်တာတွင် တရားအားထုတ်ဖူးခြင်း မရှိသေးသည့်သူ မည်သူ့ကိုမဆို တရားစင်တာ၏ ညနေခင်းပိုင်းတွင် ပြုလုပ်လေ့ရှိသည့် ဓမ္မစကားဝိုင်း (Dhamma Talks) တွင် ပါဝင်နိုင်သည်။ တရားအားထုတ်သည့် အတွေ့အကြံရှိသူများလည်း ထိုစကားဝိုင်းသို့ တက်ရောက်နိုင်သည်။[၈] ဓမ္မစကားဝိုင်းမှ ဆွေးနွေးဟောပြောမှုများကို အခမဲ့ ဒေါင်းလုတ်ရယူနိုင်သည်။ ၎င်းကို ဓမ္မမျိုးစေ့ (Dhamma Seed) မှ ဝန်ဆောင်မှု ပေးထားသည်။

ကိုးကား[ပြင်ဆင်ရန်]

  1. Jayakrishna၊ Nandini။ "Being young, here, now"၊ 2009-09-08။ 
  2. Latin၊ Don။ "Bridging Eastern and Western Buddhism"၊ 2005-01-23။ 
  3. Fronsdal, Gil (1998). "Insight Meditation in the United States: Life, Liberty, and the Pursuit of Happiness," Archived 2014-03-27 at the Wayback Machine. in C.S. Prebish & K.K. Tanaka (1998), The Faces of Buddhism in America, University of California Press.
  4. FAQ about IMS။ Insight Meditation Society။ December 22, 2015 တွင် ပြန်စစ်ပြီး။
  5. Goldstein၊ Joseph (1996)။ Insight Meditation။ Boulder, CO: Sounds True။ ISBN 9781564559067
  6. Salzberg၊ Sharon (2004)။ Insight Meditation: An In-Depth Correspondence Course။ Boulder, CO: Sounds True။ ISBN 1591790727
  7. Goleman၊ Daniel။ "A Slow, Methodical Calming of the Mind"၊ 1993-03-21။ 
  8. IMS Retreat Center General InformationInsight Meditation Society's Official Website။ Insight Meditation Society။ 25 February 2012 တွင် ပြန်စစ်ပြီး။

ပြင်ပလင့်ခ်များ[ပြင်ဆင်ရန်]