ဝဏ္ဏဓမ္မကျော်ထင်

ဝဏ္ဏဓမ္မကျော်ထင် (၁၁၀၀ ခန့်) သည် ဆင်ဖြူရှင်မင်းလက်ထက်တွင် ထင်ရှားခဲ့သည့် ပုဂ္ဂိုလ်တစ်ဦးဖြစ်သည်။

ဘဝ

ဝဏ္ဏဓမ္မကျော်ထင်ကို ပုခန်းကြီးမြို့စီရင်စု၊ ဖျသီးရွာ၌ ဖွားမြင်ခဲ့သည်။ ငယ်မည်မှာ မောင်မြတ်အောင် ဖြစ်သည်။

ငယ်စဉ်ကပင် ရှင်သာမဏေပြုခဲ့ပြီး ကျမ်းဂန်ဓမ္မသတ်များကို လေ့လာခဲ့၍ ဆင်ဖြူရှင်လက်ထက်တွင် အမရပူရမြို့ မိုးကောင်းတံခါးအတွင်း ဝေယန်သာလွတ်ကျောင်းတိုက်တွင် သီတင်းသုံးခဲ့သည်။

ထို့နောက်တွင် လူထွက်၍ ဆင်ဖြူရှင်ထံ ခစားရာ သားတော်စဉ့်ကူးမင်းထံတွင် ဝဏ္ဏဓမ္မကျော်ထင်ဘွဲ့နှင့် အကြီးတော်အရာ၌ ထမ်းရွက်စေခဲ့သည်။

စဉ့်ကူးမင်းသား အထွတ်အမြတ်ရောက်ရှိလျှင် မဟာဇေယျသူရဘွဲ့ဖြင့် မြောက်ဘက် ၉ သင်း မြင်းဝန် ယင်းတော်မြို့စား အတွင်းဝန် ခန့်တော်မူခဲ့သည်။

အသက်အရွယ်ကြီးရင့်သောအခါ မင်းမျက်သင့်၍ ရဟန်းဝတ်လျက်နေရင်း ရွာသို့ ပြန်လေသည်။

စာပေများ ပြုစုခြင်း

ဝဏ္ဏဓမ္မကျော်ထင် ပြုစုခဲ့သည့် စာပေများမှာ အောက်ပါတို့ ဖြစ်သည်။

၁။ ဝိနိစ္ဆယပကာသနီ ပါဌ်နိသျမိတ်လင်စုံ၊

၂။ မနောသာရရွှေမျဉ်း ပါဌ်နိသျမိတ်လင်စုံ၊

၃။ မနုဝဏ္ဏနာဓမ္မသတ် ပါဌ်နိသျမိတ်လင်စုံ။