ဝင့်ကျော်၊ ဦး(စာရေးဆရာ)
ဝင့်ကျော်၊ ဦး (၁၉၄၇-၂၀၁၀)
[ပြင်ဆင်ရန်]စာရေးဆရာ၊ ဘဏ်လုပ်ငန်းပညာရှင်ဦးဝင့်ကျော်ကို ဦးကျင်ဝမ်၊ ဒေါ်စိန်ကြည်တို့က ကျောက်တန်းမြို့နယ်၊ ကဒပ္ပန ကျေးရွာ၌ ၁၉၄၇ ခုနှစ် ဇူလိုင်လ ၃၀ ရက်နေ့တွင် မွေးဖွားသည်။ မွေးချင်းသုံးဦးအနက် အကြီးဆုံးဖြစ် သည်။ အမည်ရင်းမှာ ဦးဝင့်ကျော်ဖြစ်သည်။ ဝင့်ကျော်၊ ဦး ရွှေဘိုမိမိကြီး ဦးဝင့်ကျော်သည် ၁၉၆၇ ခုနှစ်တွင် စီးပွားရေး တက္ကသိုလ်မှ ဝါဏိဇ္ဇဗေဒဘွဲ့ (ဘဏ်၊ ဘဏ္ဍာရေး၊ အာမခံ အထူးပြု) (B.Com-B.F.I) ကိုထူးချွန်စွာ အောင် မြင်သည်။ ၁၉၆၇-၆၈ ခုနှစ်တွင် ဘဏ္ဍာရေးနှင့် အခွန်ဝန်ကြီးဌာန၌ အလုပ်သင်အရာရှိအဖြစ် လုပ်ကိုင် သည်။ ၁၉၆၈-၇၀ ပြည့်နှစ်တွင် စီးပွားရေး တက္ကသိုလ် ဝါဏိဇ္ဇဗေဒဌာန၌ နည်းပြဆရာတာဝန်ထမ်းဆောင် ရင်း လုပ်သားများကောလိပ် (ရန်ကုန်)၌ အချိန်ပိုင်း နည်းပြဆရာအဖြစ် ဆောင်ရွက်သည်။ ၁၉၇၁-၇၇ ခုနှစ် တွင် မြန်မာ့စီးပွားရေးဘဏ်၌ လက်ထောက်မန်နေဂျာ တာဝန်ကို ထမ်းဆောင်သည်။ ၁၉၇၇-၇၉ခုနှစ်တွင် ညောင်ပင်လေးဈေး၌ ဈေးရောင်းခြင်းလုပ်ငန်းဖြင့် ကောင်း၊ ၁၉၇၉-၉၆ ခုနှစ်တွင် အလွတ်ပညာသင် ဆရာအဖြစ်လည်းကောင်း လုပ်ကိုင်သည်။ ၁၉၈၄ ခုနှစ်တွင် မှတ်ပုံတင်ရှေ့နေ (RL) စာမေးပွဲအောင်မြင်သည်။ ၁၉၉၂ ခုနှစ်တွင် ပထမပုဂ္ဂလိက ဘဏ်ဒါရိုက်တာ အဖွဲ့ဝင်၊ ဒါရိုက်တာအဖွဲ့ အတွင်းရေးမှူးတာဝန်များကို ထမ်းဆောင်သည်။ ၁၉၉၃-၉၇ ခုနှစ်တွင် ဘဏ် လုပ်ငန်းသင်တန်းကျောင်း တည်ထောင်ပြီး ဘဏ် လုပ်ငန်းပညာသင်ကြားပို့ချသည်။ ပုဂ္ဂလိကဘဏ်အချို့ တို့၌လည်း ဘဏ်လုပ်ငန်းပညာများ သင်ကြားပို့ချသည်။ ၁၉၉၇-၂၀၀၅ ခုနှစ်တွင် မြန်မာယူနီဗာဆယ်ဘဏ်၌ ဥက္ကဋ္ဌအကြံပေး၊ အမှုဆောင် ဒါရိုက်တာအဖြစ် ဆောင် ရွက်သည်။ ၂၀၀၇ ခုနှစ်တွင် AFXB မြန်မာ၌ Finance Coordinator အဖြစ် လည်းကောင်း၊ Myanmar Egress Capacity Developing Centre ၌ အချိန်ပိုင်းဆရာအဖြစ် လည်းကောင်း လုပ်ကိုင်သည်။ ၂၀၁၀ ပြည့်နှစ်တွင် ဧရာဝတီဘဏ်၌ အုပ်ချုပ်မှု ဒါရိုက်တာအဖြစ် ကွယ်လွန် ချိန်အထိ ဆောင်ရွက်ခဲ့သည်။ ဦးဝင့်ကျော်သည် ၁၉၆၈-၇၁ ခုနှစ်တွင် နဝင်း ကျော်ကလောင်နာမည်ဖြင့် လုပ်သားပြည်သူ့နေ့စဉ် သတင်းစာနှင့် အိုးေဝဂျာနယ်တို့၌ ဆောင်းပါးများရေး သားသည်။ ဦးဝင့်ကျော်ကလောင်နာမည်ဖြင့် ပညာ ပဒေသာစာစောင်၊ ပညာလောကစာစောင်တို့၌ ပညာရပ် ဆိုင်ရာ ဆောင်းပါးများ၊ မြန်မာ့အသံလုပ်သားပညာပေး အစီအစဉ်၌ အသံလွှင့်ဆောင်းပါးများရေးသားသည်။
စီးပွားရေးတက္ကသိုလ်နှစ်လည်စာစောင်၌ လူရည်ချွန် တစ်ဦးကလောင်နာမည်ဖြင့် လူရည်ချွန်တစ်ဦးအဖြစ်သို့ ဆောင်းပါးနှင့်စခန်းနွေမွန်လူရည်ချွန်ဆောင်းပါးများ ရေးသားသည်။ ၁၉၉၂ ခုနှစ်မှစ၍ ဓနစီးပွားရေးမဂ္ဂဇင်း ၌ ပင်တိုင်ဆောင်းပါးရှင်အဖြစ် ဘဏ်အကြောင်းငွေ အကြောင်း ဆောင်းပါးစဉ်နှင့် မစံပယ်နှင့်အမောင်ပြော ကြရအောင်ဆောင်းပါးစဉ်များ၊ Living Color မဂ္ဂဇင်း၌ ပင်တိုင်ဆောင်းပါးရှင်အဖြစ် အာမခံလုပ်ငန်းဆောင်း ပါးများ၊ ကုန်စည်ဈေးလှိုင်းစီးခြင်း ဆောင်းပါးများ၊ မော်ဒန်ဂျာနယ်၌ ဆုံးရှုံးနစ်နာနိုင်ခြေကိုစီမံခန့်ခွဲခြင်း အခန်း ဆက်ဆောင်းပါး၊ The Voice Weekly ဂျာနယ်၌ ဆင်းရဲခြင်းလွတ်ကင်းအောင် အခန်းဆက်ဆောင်းပါး များ၊ HR ဂျာနယ်၌ မိမိကိုယ်ကိုကောင်းအောင် အခန်း ဆက် ဆောင်းပါးများ၊ အခွင့်အလမ်းဂျာနယ်၌ အမြတ် ရရှိနိုင်ရေးအခွင့်အလမ်းများဆောင်းပါးများ၊ အမောင် ကလောင်နာမည်ဖြင့် မြန်မာတိုင်းမ်ဂျာနယ်၌ လူမှုရေး မေတ္တာဖွဲ့ဆောင်းပါးများနှင့် အခြားဂျာနယ်၊ မဂ္ဂဇင်း များ၌လည်း ဆောင်းပါးများရေးသားသည်။ ထို့အပြင် 'ဘဏ်အကြောင်း၊ ငွေအကြောင်း' စာအုပ်၊ အရင်းအနှီး ဈေးကွက်နှင့် စတော့ရှယ်ယာစာအုပ်၊ စီးပွားရေးကပ် အန္တရာယ်နှင့် စီမံခန့်ခွဲကာကွယ်ခြင်းစာအုပ်တို့ကို ရေးသားထုတေ်ဝ ပြီးဖြစ်သည်။
စာရေးဆရာ၊ ဘဏ်လုပ်ငန်းပညာရှင် ဦးဝင့်ကျော်
သည် ၂၀၁၀ ပြည့်နှစ် စက်တင်ဘာလ ၁၁ ရက်နေ့တွင် ရန်ကုန်မြို့၌ ကွယ်လွန်သည်။ ကွယ်လွန်ချိန်တွင် ဇနီး
ဒေါ်ခင်မာလွင်၊ သားတစ်ယောက်၊ သမီးနှစ်ယောက်
နှင့်မြေးခြောက်ယောက် ကျန်ရစ်သည်။[၁]
ကိုးကား
[ပြင်ဆင်ရန်]- ↑ စွယ်စုံကျမ်းနှစ်ချုပ်(၂၀၁၁)