လီယိုနာ့ဒ် လော်ဒါ

လီယိုနာ့ဒ် လော်ဒါ
မွေးသက္ကရာဇ်	၁၉၃၃၊ မတ်လ ၁၉ အမေရိကန်ပြည်ထောင်စု
နိုင်ငံသား	အမေရိကန်
အလုပ်အကိုင်	ဥက္ကဋ္ဌ ၊ Estee Lauder
ကြွယ်ဝမှု	အမေရိကန်ဒေါ်လာ ၂၇.၉ ဘီလျံ (၂၀၂၀ ဒီဇင်ဘာ)

လီယိုနာ့ဒ် အလန် လော်ဒါ (၁၉၃၃ မတ်လ ၁၃ရက်မွေး) သည် အမေရိကန်နိုင်ငံသား ဘီလျံနာ၊ ပရဟိတ သမားနှင့် အနုပညာပစ္စည်း စုဆောင်းသူ တစ်ဦးဖြစ်သည်။​သူနှင့် သူ၏ ညီအစ်ကိုတော်စပ်သူ ရော်နယ် လော်ဒါတို့သည် သူတို့၏ မိဘများဖြစ်ကြသော အက်စတီး လော်ဒါ နှင့် ဂျိုးဆက် လော်ဒါတို့မှ ၁၉၄၆ ခုနှစ်တွင် တည်ထောင်ခဲ့သော အလှကုန်ပစ္စည်း ကုမ္ပဏီ အက်စတီးလော်ဒါ ကို အမွေဆက်ခံခဲ့ကြသည်။၁၉၉၉ ခုနှစ်အထိ အမှုဆောင်အရာရှိချုပ် အဖြစ် လုပ်ကိုင်ခဲ့ပြီးနောက် လော်ဒါသည် အက်စတီးလော်ဒါ ကုမ္ပဏီ၏ ဂုဏ်ထူးဆောင် ဥက္ကဋ္ဌ အဖြစ် ဆက်လက် ရှိနေဆဲ ဖြစ်သည်။ သူ စီအီးအို အဖြစ် လုပ်ကိုင်စဉ်ကာလက ၁၉၉၆ ခုနှစ်တွင် ကုမ္ပဏီသည် နယူးယောက် စတော့ခ်အိတ်ချိန်းမှ တဆင့် အများပိုင် ကုမ္ပဏီအဖြစ် ပြောင်းလဲခဲ့ပြီး အဓိက အလှကုန် အမှတ်တံဆိပ်များ ဖြစ်ကြသော အမ်အေစီ ကော့စမက်တစ်၊ အဗေဒါ၊ ဘော်ဘီဘရောင်း နှင့် လာမာ တို့ကို သိမ်းပိုက် ဝယ်ယူခဲ့သည်။

၂၀၁၃ ခုနှစ်တွင် လော်ဒါသည် သူ စုဆောင်းထားသော ကျုဘစ်ဆင် အနုပညာပစ္စည်းများကို မက်ထရိုပိုလစ်တန် အနုပညာ ပြတိုက်သို့ လှူဒါန်းရန် ကတိပေးခဲ့သည်။ ထိုစုဆောင်းမှုသည် ဒေါ်လာ ၁ ဘီလီယံ ကျော် တန်ဖိုး ရှိပြီး ပြတိုက်၏ သမိုင်းတွင် အကြီးမားဆုံး လှူဒါန်းမှု တစ်ခု ဖြစ်သည်။ ဘလွန်းဘတ်ခ် မှ ၂၀၂၀ ဒီဇင်ဘာလတွင် သူ၏ ပိုင်ဆိုင်မှုကို အမေရိကန် ဒေါ်လာ ၂၇.၉ ဘီလီယံ အဖြစ် ဖော်ပြခဲ့ပြီး သူ့အား ကမ္ဘာပေါ်တွင် ၄၉ ယောက်မြောက် အချမ်းသာဆုံး သူဌေး ဖြစ်လာခဲ့သည်။