လာဖော်တာလဲဇာ

ပြူရီတိုရီကို ရှိ လာဖော်တာလဲဇာ နှင့် ဆန်ဂွမ်း နိုင်ငံတော်သမိုင်းဝင်နယ်မြေ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	အမေရိကန်
အမျိုးအစား	ယဉ်ကျေးမှု
ရွေးချယ်သည့်စံနှုန်း	vi
ကိုးကား	၂၆၆
ဒေသ**	ဥရောပ နှင့် မြောက်အမေရိက
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၃  (သတ္တမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

လာဖော်တာလဲဇာ သည် ပြူရီတိုရီကို ပြည်နယ်အုပ်ချုပ်ရေးမှူး၏ တရားဝင်နေအိမ်တော် ဖြစ်သည်။ ၎င်းအား ၁၅၃၃ ခုနှစ် နှင့် ၁၅၄၀ ခုနှစ်ကြားတွင် တည်ဆောက်ခဲ့ပြီး ဆန်ဂွမ်းသင်္ဘောဆိပ်အား ကာကွယ်ရန် ဖြစ်သည်။ ထိုအဆောက်အဦးအား "ပလာစီယို ဒီ ဆန်တာ ကက်တလီးနား" (ဆန်တာ ကက်တလီးနား နန်းတော်) ဟုလည်း ခေါ်ကြသည်။ ၎င်းသည် ကမ္ဘာသစ်၌ ဆက်တိုက်အသုံးပြုလျက်ရှိသော ရှေးအကျဆုံး အရာရှိစံအိမ် ဖြစ်သည်။ ၎င်းအား ၁၉၈၃ ခုနှစ်တွင် ယူနက်စကိုမှ "ပြူရီတိုရီကို ရှိ လာဖော်တာလဲဇာ နှင့် ဆန်ဂွမ်း နိုင်ငံတော်သမိုင်းဝင်နယ်မြေ" ၏ တစ်စိတ်တစ်ဒေသ အဖြစ် ကမ္ဘာ့အမွေအနှစ်နေရာ စာရင်းတွင် ထည့်သွင်းခဲ့သည်။

၁၆၄၀ ခုနှစ် တွင် ပြန်လည်တည်ဆောက်ရာ၌ နဂိုမူလက တံတိုင်းအပြင်ဘက်တွင်ရှိသော ဆန်တာ ကက်တလီးနား ဝတ်ပြုဆောင်အား ဖြိုချ၍ အဆောက်အဦး၏ နံရံများအတွင်း ထည့်သွင်း တည်ဆောက်ခဲ့သဖြင့် ဆန်တာ ကက်တလီးနား နန်းတော် ဟူသော အမည်ကို ရရှိခဲ့ခြင်း ဖြစ်သည်။