လလိတခေပမုဒြာ

အချို့ ပညာရှင်များက လလိတမုဒြာ ဟူ၍လည်း ခေါ်ကြသည်။

ရှေးမြန်မာ အနုပညာသဘင်တွင် နတ်သိကြားများ၏ ကကြိုး, ကကွက်တို့၌ လလိတကကွက်ကို တွေ့ရတတ်ပေသည်။ အထူးသဖြင့် အိန္ဒိယနွယ်သော အကများတွင် လလိတ ကကွက်ကို တွေ့ရှိနိုင်ပါသည်။ ယခုအခါ ဤ ဝေါဟာရမှာ ငုပ်ပျောက် တိမ်ကွယ်လျက် ရှိချေပြီ။

ပုံစံအားဖြင့် လောကနာထပုံကို လလိတခေပမုဒြာပုံဖြင့် တွေ့ရတတ်သည်။ အိန္ဒိယပြည် ဒက္ကာ နယ် သာဘာရ်ရာဇာသန္ဓမြို့ဟောင်းအရပ် စေတီကျောင်းပျက်ကြီးများတွင် တွေ့ရှိရပါသည်။

လလိတာသန ထိုင်ပုံဟန်ပန်နှင့် ဆက်သွယ်နှီးနွယ်သော မုဒြာပုံတော်ဖြစ်ပါသည်။ ပုဂံဆေးရေး ပန်းချီများတွင် တွေ့ရှိနိုင်ပါသည်။