လက်ပ်တစ် မက်ဂနာမြို့

ဝီကီပီးဒီးယား မှ
Jump to navigation Jump to search
လက်ပ်တစ် မက်ဂနာ ရှေးဟောင်းသုတေသန နယ်မြေ*
UNESCO ကမ္ဘာ့အမွေအနှစ်နေရာများ

Leptis Magna Arch of Septimus Severus.jpg
တည်ရှိသည့် နိုင်ငံ  လစ်ဗျား
အမျိုးအစား ယဉ်ကျေးမှု
ရွေးချယ်သည့်စံနှုန်း i,ii,iii
ကိုးကား ၁၈၃
ဒေသ** အာဖရိက
သတ်မှတ်ခြင်း မှတ်တမ်း
စတင်သတ်မှတ်ခြင်း ၁၉၈၂  (ဆဋ္ဌမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည်
** ယူနက်စကို မှခွဲခြားသတ်မှတ်ထားသောဒေသ

လက်ပ်တစ် မက်ဂနာသည် ရောမခေတ် လစ်ဗျားနိုင်ငံတွင် ထင်ရှားသော မြို့တော် တစ်ခု ဖြစ်သည်။ ဘာဘာ နှင့် ပျူးနစ် တို့မှ အစပြုခဲ့သော်လည်း ထိုမြို့ခံဖြစ်သော ဧကရာဇ် ဆက်ပတီးမီးယပ်စ် ဆီးဗီးယပ်စ် (၁၉၃-၂၁၁) လက်အောက်တွင် အလွန် ကျယ်ပြန့်လာခဲ့သည်။

လယ်ဂျီယို ၃ ဩဂတ်စတာသည် ထိုမြို့တွင် နေထိုင်၍ ဘာဘာ တို့၏ ကျူးကျော်မှုမှ ကာကွယ်ခဲ့သော်လည်း ၂၃၈ ခုနှစ် ဂျော်ဒီယန် ၃ လက်အောက်တွင် တပ်မကြီးအား ဖျက်သိမ်းပြီးနောက် ၃ ရာစု နှောင်းပိုင်းတွင် ကျူးကျော်မှုများကို လက်ယပ်ခေါ်သကဲ့သို့ ဖြစ်ခဲ့လေသည်။ ဒိုင်အိုကလက်ရှန်း သည် မြို့တော်အား ခရိုင်မြို့တော် အဖြစ် ပြန်လည်သတ်မှတ်ခဲ့ပြီးနောက် မြို့တော်သည် ပြန်လည် ကြီးပွား တိုးတက်လာခဲ့သည်မှာ ၄၃၉ ခုနှစ် ဗန်ဒယ်တို့၏ လက်အောက်သို့ ကျရောက်သည့် အချိန် အထိပင် ဖြစ်သည်။ ၅၃၃ ခုနှစ်တွင် အရှေ့အင်ပိုင်ယာသို့ ပြန်လည် ထည့်သွင်းခဲ့သော်လည်း ဘာဘာတို့၏ နှောင့်ယှက်ဖျက်စီးမှုများကို ဆက်လက် ခံခဲ့ရပြီး ယခင်ကကဲ့သို့ အရေးပါသော မြို့တော် ပြန်ဖြစ်မလာခဲ့တော့ပေ။ ၆၄၇ ခုနှစ်တွင် မွတ်စလင်တို့၏ ကျူးကျော်မှု ခံခဲ့ရပြီးနောက် စွန့်ပစ်ခဲ့ကြသည်။

လက်ပ်တစ် မက်ဂနာ၏ အပျက်အစီးများသည် လစ်ဗျားနိုင်ငံ ခေါင်န်းဒေသတွင် တည်ရှိပြီး ထရီပိုလီမြို့၏ အရှေ့ဘက် ၈၁မိုင် (၁၃၀ ကီလိုမီတာ အကွာ) ဝါဒီ လက်ဘ်ဒါမှ ပင်လယ်နှင့် တွေ့ဆုံသော ကမ်းရိုးတန်းပေါ်တွင် တည်ရှိသည်။ ထိုနေရာသည် မြေထဲပင်လယ်ဒေသအတွင်း ရောမတို့၏ အပျက်အစီးများကို အကောင်းဆုံး ထိန်းသိမ်းထားနိုင်သော နေရာတစ်ခု ဖြစ်သည်။


ကိုးကား[ပြင်ဆင်ရန်]