ရှိဂျောခဝရမချိ

လမ်းဆုံ၏ အနောက်တောင်ဘက်ရှိ တခရှိမယကုန်တိုက်

ကျိုတိုမရုအိကုန်တိုက်

ရှိဂျောခဝရမချိ (四条河原町) သည် ဂျပန်နိုင်ငံ၊ ကျိုတိုမြို့လယ်၏ အစိတ်အပိုင်းနေရာတစ်ခု ဖြစ်သည်။ ၎င်းနေရာသည် ရှိဂျောလမ်းမနှင့် ခဝရမချိလမ်းမတို့ ဖြတ်သန်းသွားရာနေရာ ဖြစ်သည်။ ခဝရမချိလမ်းမသည် ကျိုတိုမြို့၏ အရှေ့ဘက်ခြမ်းတွင် ခမိုမြစ်နှင့် မျဉ်းပြိုင်တည်ရှိသည်။ ရှိဂျောလမ်းမသည် ကျိုတိုမြို့လယ်ကို အရှေ့-အနောက် ဖြတ်သန်းတည်ရှိသည်။

စတိုးဆိုင်

လမ်းဆုံ၏ အပိုင်းလေးခုတွင် နှစ်ခုသည် ကုန်တိုက်များ တည်ရှိသည်။ လမ်းဆုံ၏ အနောက်တောင်ဘက်တွင် တခရှိမယစတိုးနှင့် အရှေ့တောင်ဘက်တွင် ကျိုတိုမရုအိစတိုး တည်ရှိသည်။ ကျိုတိုမရုအိစတိုးကို ၂၀၁၁ ခုနှစ်၊ ဧပြီလ ၂၇ ရက်နေ့တွင် ဟန်းခယူးကုန်တိုက်ကို အစားထိုးကာ ဖွင့်လှစ်ခဲ့ခြင်း ဖြစ်သည်။ ဟန်းခယူးကုန်တိုက်သည် ၂၀၁၀ ခုနှစ်၊ ဩဂုတ်လ ၂၂ ရက်နေ့တွင် ပိတ်သိမ်းခဲ့သည်။

မီးရထားဘူတာရုံ

ကျိုတို - ခဝရမချိဘူတာ သည် ကျိုတိုမြို့ရှိ ဟန်းခယူးကျိုတိုရထားလိုင်း (ဟန်းခယူးမီးရထား) ၏ ခရီးဆုံးဘူတာ ဖြစ်သည်။ မြေအောက်ရထားဘူတာသည် ရှိဂျောခဝရမချိလမ်းဆုံ၏ မြေအောက်တွင် တည်ရှိသည်။ ခရီးသည်များသည် ကျိုတိုခဝရမချိဘူတာမှ ဂိအွန်း- ရှိဂျောဘူတာသို့ ရထားများပြောင်းလဲကာ စီးနင်းနိုင်သည်။

ကျိုတိုခဝရမချိဘူတာအနီးရှိ အိမ်ခြံမြေများသည် ဂျပန်နိုင်ငံတွင် အဖိုးအထိုက်တန်ဆုံးအိမ်ခြံမြေများတွင် ပါဝင်သည်။

လက်ရှိအချိန်တွင် ဘူတာသည် မြေအောက်မှတဆင့် “တခရှိမယ” ကဲ့သို့သော ကုန်တိုက်များဆီသို့ ဆက်သွယ်ထားသည်။ ဘူတာ၏ မြေအောက်ထပ်တွင် အစားအသောက်ဈေးတစ်ခု တည်ရှိသည်။ ထို့အပြင် ဤဘူတာသည် ခရဆုမဘူတာနှင့်လည်း မြေအောက်မှတဆင့် ချိတ်ဆက်ထားသည်။

ပြင်ပလင့်များ

• Kawamachi Station Archived 13 February 2014 at the Wayback Machine., Hankyu Railway (in ဂျပန်)
• Kyoto Takashimaya (in ဂျပန်)
• Kyoto Marui (in ဂျပန်)