ရှင်အဂ္ဂဝံသ

ရှင်အဂ္ဂဝံသ (၅၀၀ ခန့်) သည် ပုဂံခေတ် အလောင်းစည်သူမင်းလက်ထက်တွင် ထင်ရှားသည့် ရဟန်းတစ်ပါး ဖြစ်သည်။ မင်းဆရာတော်လည်း ဖြစ်သည်။

ဦးလေးတော်စပ်သူသည် လောကုပတ္တိပကာသနီကျမ်းဆရာ ရှင်အဂ္ဂပဏ္ဍိတ ဖြစ်သည်။ ဦးလေးသည် ဒုတိယအဂ္ဂပဏ္ဍိတဘွဲ့ကို ရပြီး ရှင်အဂ္ဂဝံသသည် တတိယအဂ္ဂပဏ္ဍိတဘွဲ့ကို ရခဲ့သည်။ ဦးလေးတော်စပ်သူ၏ ဆရာဖြစ်သူမှာ ပထမအဂ္ဂပဏ္ဍိတဘွဲ့ရသူ ဖြစ်သည်။

စာပေဆိုင်ရာ

ရှင်အဂ္ဂဝံသသည် ပိဋကတ်ကို ကျွမ်းကျင်၏။ ထင်ရှားကျော်ကြားသည့် သဒ္ဒနီတိကျမ်းကြီးကို ပြုစုခဲ့သည်။ မြန်မာစာပေသမိုင်းတွင် ထင်ရှားသည့် သဒ္ဒါကျမ်းတတ်ပုဂ္ဂိုလ်ကျော် ၄ ပါးတွင် အပါအဝင် ဖြစ်ခဲ့သည်။

ပြုစုခဲ့သည့် ကျမ်းများ

၁။ သဒ္ဒနီတိပဒမာလာ (၅၁၆)၊

၂။ သဒ္ဒနီတိသုတ္တမာလာ၊

၃။ သဒ္ဒနီတိဓာတုမာလာ။