ရှင်ပရမ

မဲထီးဆရာတော် (ရှင်ပရမ) (၁၁၀၄ − ၁၁၅၉) အမရပူရမြို့ကို တည်ထောင်ခဲ့သည့် မင်းတရားကြီး၏ သားတော် တောင်ငူမင်း ကိုးကွယ်သည့် ရဟန်းဖြစ်သည်။

ဘဝ

ဆရာတော်ကို ၁၁၀၄ ခုနှစ်တွင် တောင်ငူမြို့၊ မဲထီးရွာတွင် ဖွားမြင်ခဲ့သည်။ အရွယ်ရောက်သည့်အခါ “ရှင်ပရမ” ဟူသည့် ဘွဲ့ဖြင့် ရဟန်းပြုခဲ့သည်။ တောင်ငူမင်းက ကိုးကွယ်ခဲ့သည်။

အမရပူရမြို့ အရှေ့တောင်ထောင့်မဲထီးတိုက်တွင် သီတင်းသုံးခဲ့သည်။ ဆရာတော်သည် ပရမသီရိဝံသဓဇ မဟာဓမ္မရာဇဂုရု တံဆိပ်တော်ကို ခံယူခဲ့ရသည်။

ပျံလွန်တော်မူခြင်း

ဆရာတော်သည် ၁၁၅၉ ခုနှစ်တွင် တောင်ငူမြို့၌ ပျံလွန်တော်မူခဲ့သည်။

အခြားသော မဲထီးအမည်ရှိသည့် ဆရာတော်များ

မဲထီးဆရာတော်အဖြစ် ရှင်ကဝိ (၁၁၀၉ − ၁၁၉၆) နှင့် ရှင်ဉာဏသီရိဓဇ (၁၁၅၈ − ၁၂၁*) တို့လည်း ရှိသေးသည်။

ဘိုးတော်ဘုရားလက်ထက်က ရှင်မုနိန္ဒသည်လည်း မဲထီးဆရာတော်အဖြစ် ထင်ရှားခဲ့သည်။ ဤဆရာတော်သည် မုနိန္ဒာဘိဓဇမဟာဓမ္မရာဇဂုရုတံဆိပ်တော်ရ၍ တိကနိပါတ်အဋ္ဌကထာနိသျကို စီရင်ခဲ့သည်။