ရှင်ဂုဏာဘိ

ရှင်ဂုဏာဘိ (မင်းအိုဆရာတော်) သည် စဉ့်ကူးမင်းနှင့် ဘိုးတော်ဘုရား လက်ထက်တွင် ကျော်ကြားခဲ့သည့် ဆရာတော်တစ်ပါး ဖြစ်သည်။ ဆရာတော်သည် ကျမ်းဂန်တတ်မြောက်သော်လည်း ကျမ်းများ ပြုစုခဲ့မှု မရှိပေ။

ဗားကရာဆရာတော် အရှင်ဓမ္မာဘိနန္ဒ၊ မောင်းထောင်ဆရာတော် အရှင်ဉာဏာဘိဝံသ၊ ကတိုးဆရာတော် အရှင်ဓမ္မဓရ၊ ညောင်ကန်ဆရာတော် အရှင်သဒ္ဓမ္မရံသီ စသည့် ဆရာတော်များ၏ ဆရာရင်း ဖြစ်သည်။

ဘဝ

ဆရာတော်ကို ၁၀၇၀ ပြည့်နှစ်တွင် ဖက်တော်ကျေးကန်ရွာတွင် မွေးဖွားခဲ့သည်။ ငယ်မည်မှာ ဦးအောင်ကျော် ဖြစ်သည်။ ရဟန်းဘွဲ့သည် “ရှင်ဂုဏာဘိ” ဖြစ်သည်။ ငယ်စဉ်အခါတွင် ကျော်အောင်စံထားဆရာတော်၏ တပည့်ဖြစ်သူ ချောင်းကောက်ဆရာတော် ရှင်သဒ္ဓမ္မနန္ဒီထံတွင် ပညာသင်ယူခဲ့သည်။

စဉ့်ကူးမင်းလက်ထက်တွင် မင်္ဂလာရွှေဘုံကျောင်းတော်ကို လှူဒါန်းခဲ့သည်။ ၁၀၄၉ ခုနှစ်တွင် အောင်မြေဘုံကျော်ကျောင်းတော်ကို ဘိုးတော်ဘုရားက လှူဒါန်းကာ သာသနာပိုင်အပ်၏။ ဆရာတော်သည် ဓိနည်းဓိုရ်ရဟန်း ဖြစ်သည်။

ဆရာတော်ကြီးကား အရုံဂိုဏ်း တစ်ကျိပ်နှစ်ပါးအဝင်အရှင်မောဂ္ဂလာန်ထေရ်၊ အရှင်ဓမ္မနန္ဒထေရ်တို့၏ အဆက်အနွယ်ဟုဝံသဒီပ၌ဆိုသည်။ သဒ္ဓိဝိဟာရိကတပည့်မဟုတ်၊ စာသင်တပြည့်မျှသာ၊ စင်စစ်ကား ရေမြိန်အရှင် ကလျာဏဓဇ၏သဒ္ဓိဝိဟာရိကတပည့်တည်း။ ယင်းဆရာတော်ကြီး၏အမည်ကို အရှင်ဂုဏသီရိဟူ၍လည်း ရေးမှတ်ကြသည်။ ကျမ်းရိုးအဆိုသူမတူတန်အောင် ကောင်းလှသည်။ ထိုဆရာဖတာ်ကြီးမှ ဗားကရာဆရာတော် အရှင်ဓမ္မာဘိနန္ဒ၊ မောင်းထောင်ဆရာတော်အရှင်ဉာဏာဘိဝံသ၊ ကတိုးဆရာတော်အရှင်ဓမ္မဓရ၊ ညောင်ကန်ဆရာတော် အရှင်သဒ္ဓမရံသီ စသောတပည့်ကြီး များထွန်းကားသည်။ ယင်းတပြည့်ကြီးတို့ကား ဘတောဝိဘင်းပြန် ပုဂ္ဂိုလ်တို့ချည်းတည်း။

ရရှိခဲ့သည့် ဘွဲ့များ

ဂုဏာဘိနန္တသီရိ သဒ္ဒမ္မမဟာဓမ္မရာဇာဓိရာဇဂုရုဘွဲ့တော်နှင့် ဂုဏာဘိနန္တဓဇ မဟာဓမ္မရာဇာဓိရာဇဂုရုဘွဲ့တော်များ ဆပ်ကပ်ခြင်း ခံခဲ့ရသည်။

ပျံလွန်တော်မူခြင်း

ဆရာတော်သည် ၁၁၅၃ ခုနှစ်တွင် မင်းအိုကျောင်းတိုက် အောင်မြေဘုံကျော်ကျောင်း၌ ပျံလွန်တော်မူခဲ့သည်။