ရှင်ခေမာစာရ

ရှင်ခေမာစာရ (၁၁၁၆ − ၁၁၉၆) သည် ရတနာပူရစတုတ္ထမြို့တည် မင်းတရားကြီး လက်ထက်တော်အခါက ထင်ရှားသည့် ရဟန်းတစ်ပါး ဖြစ်သည်။

ဘဝ

ဆရာတော်ကို သက္ကရာဇ် ၁၁၁၆ ခုနှစ်တွင် ရွှေဘိုမြို့၊ ရှားတောရွာတွင် ဖွားမြင်ခဲ့သည်။ ငယ်မည်မှာ ဦးဘောဂ ဖြစ်သည်။

ရဟန်းဝတ်သည့်အခါ ဘွဲ့အမည်မှာ “ရှင်ခေမာစာရ” ဖြစ်သည်။ ဆရာတော်ကို ရတနာပူရ စတုတ္ထမြို့တည်မင်းတရားကြီးလက်ထက် ဟံသာဝတီမြို့ဝန် ဝန်ကြီးမောင်ခိုင်က ကိုးကွယ်သည်။ ဆရာတော်သည် ဝန်ကြီးနှင့်အတူ ရန်ကုန်သို့ ကြွရောက်ကာ သီတင်းသုံးတော်မူသည်။

ပျံလွန်တော်မူခြင်း

ဆရာတော်သည် ၁၁၉၆ ခုနှစ်တွင် ပျံလွန်တော်မူခဲ့သည်။ ဆရာတော်သည် ကျမ်းများ ပြုစုခဲ့သည်ဟု ထင်ရှားမှု မရှိပေ။