ရှင်ကဝိဓဇ

ရှင်ကဝိဓဇ (၁၁၉၂ − ၁၂၉၉) သည် သီပေါမင်းလက်ထက်တွင် ထင်ရှားသည့် ကျမ်းပြုဆရာတော် ဖြစ်သည်။

ဘဝ

ဆရာတော်ကို သက္ကရာဇ် ၁၁၉၂ ခုနှစ်တွင်၊ မိတ္ထီလာကန်တော်အောက် ခြောက်ပင်ရွာ၌ ဖွားမြင်ခဲ့သည်။ ငယ်မည်မှာ မောင်ရွှေမင်း ဖြစ်သည်။ မိဘနှစ်ပါးမှာ ဦးမြ − ဒေါ်ဖွေး ဖြစ်သည်။ ငယ်စဉ်က သိမ်ကျောင်းဆရာတော် ရှင်ပဏ္ဍိစ္စထံတွင် စာပေများ သင်ကြားခဲ့သည်။ အသက် ၂၀ အရွယ်တွင် “ရှင်ကဝိဓဇ” ဟူသည့် ဘွဲ့ဖြင့် ရဟန်းပြုခဲ့သည်။

သုံးဝါအရတွင် မန္တလေးမြို့သို့ ကြွခဲ့သည်။ ဘုရားကြီးဆရာတော်ထံတွင် ပညာဆက်လက်ဆည်းပူးကာ စာပေပို့ချခဲ့ပြီးနောက် ဇာတိ ခြောက်ပင်ရွာသို့ ပြန်ကြွခဲ့သည်။ ဆရာတော်သည် ၁၂၃၃ ခုနှစ်တွင် လူဝတ်လဲခဲ့ရာ “ဦးကဝိ” ဟုပင် တွင်ခဲ့သည်။

ကွယ်လွန်ခြင်း

ဦးကဝိသည် ၁၂၆၉ ခုနှစ်၊ သီတင်းကျွတ်လဆန်း ၁၄ ရက်နေ့တွင် ကွယ်လွန်ခဲ့သည်။

ပြုစုခဲ့သည့် ကျမ်းများ

ဦးကဝိသည် အောက်ပါကျမ်းများကို ရေးသားပြုစုခဲ့သည်။

၁။ မဏိဇောတိရယ် (ဋီကာကျော်ယောဇနာ)၊

၂။ သင်္ဂြိုဟ်ယောဇနာ၊

၃။ မိလိန္ဒပဉှာပါဠိတော်နိသျ၊

၄။ ဗုဒ္ဓဝင်ပါဠိတော်နိသျ၊ ၅။ ဘုရားကြီးနိယံအဖြေ၊

၆။ ကမ္မဝါ ၉ ခန်းနိသျ၊

၇။ နမက္ကာရနိသျ။