ရွန့်ဟီယန်ဗုဒ္ဓရုပ်ပွားတော်

ရုံရှင့်ဘုရားကြီးကို ထန်မင်းဆက်ကာလ ၁၈၇ ပတ်ဝန်းကျင်တွင် တည်ခဲ့သည်။^[၁] ကျောက်သားဖြင့်ပြုလုပ်ထားကာ အမြင့်ပေ ၁၂၀ (၃၆.၇ မီတာ) ရှိသည်။^[၂] လဲ့ဆန်းဘုရားကြီး၏ အရှေ့ဘက် ၉၀ ကီလိုမီတာအကွာတွင် တည်ရှိသည်။^[၃] ရုပ်ပွားတော်သည် ကျောက်နံရံကို ထွင်းထုကာ တည်ထားခြင်း ဖြစ်သည်။ ရုံရှင့်ရပ်ကွက် နှင့် စီချွင်ပြည်နယ်၏ အရှေ့ပိုင်း Rongxi မြစ်တို့၏ အရှေ့မြောက်ဘက်တွင် တည်ရှိသည်။ ရုပ်ပွားတော်သည် ပင်လယ်ရေမျက်နှာပြင်အထက် ၄၁၄ မီတာတွင် တည်ရှိသည်။ ရုံရှင့် မြို့သည် ရုပ်ပွားတော်၏ ခြေဖဝါးများအောက်တွင် ရှိနေသလို ထင်ရသည်။ လဲ့ဆန်းဘုရားကြီး ပြီးပါက ဒုတိယမြောက်အကြီးဆုံး ရုပ်ပွားတော် ဖြစ်၏။ ဘုရားကျောင်းသည် ဘုရားကြီးလမ်းမ, ရုံရှင့်ရပ်ကွက်၊ ကျီကုန်းမြို့၊ စီချွမ်ပြည်နယ်၊ တရုတ်တွင် တည်ရှိသည်။ Dàfó (大佛) သည် တရုတ်ဘာသာစကားဖြင့် ကြီးမားသည့် ဗုဒ္ဓ ဟု အဓိပ္ပာယ်ရသည်။^[၄] အနီးဆုံးမြို့တော်သည် ကျီကုန်း ဖြစ်သည်။

သမိုင်း

ရုပ်ပွားတော် တည်ဆောက်မှုအား တရုတ်ဘုန်းကြီးများက ၈၁၀ ပတ်ဝန်းကျင်တွင် စတင်ခဲ့သည်။

ထိခိုက်ပျက်စီးမှု

ရုပ်ပွားတော်သည် ဖွံ့ဖြိုးတိုးတက်လျက်ရှိသည့် ထိုဒေသရှိ ညစ်ညမ်းမှုများဒဏ်ကို ခံရလျက်ရှိသည်။ လဲ့ဆန်းဗုဒ္ဓရုပ်ပွားတော်နှင့် များစွာသော တရုတ်သဘာဝနှင့် ယဉ်ကျေးမှုအမွေအနှစ်တို့သည် ရာသီဥတု၊ လေညစ်ညမ်းမှု၊ ခရီးသွားများပြားမှု စသည်တို့ကြောင့် ထိခိုက်မှုများ ဖြစ်နေရသည်ဟု ဆင်ဟွာသတင်းအေဂျင်စီက ပြောကြားသည်။ အစိုးရကလည်း ပြန်လည်ပြုပြင်မွမ်းမံမှုတို့ လုပ်ဆောင်မည်ဟု ကတိပေးထားသည်။^[၅]

အရွယ်အစား

ရုပ်ပွားတော်သည် ၇၁ မီတာ (၂၃၃ ပေ) ရှည်သည်။ စေတီတော်သည် ဗုဒ္ဓမြတ်စွာဘုရား တရားထိုင်နေသည့်ပုံစံ ထွင်းထုထားသည်။ ဒူးခေါင်းများပေါ်တွင် လက်တို့ကို တင်ထားသည်။ ခန္ဓာကိုယ်တော်သည် ၃၆.၆၇ မီတာ အမြင့်ရှိသည်။ ပခုံးတော်သည် ၈.၇၆ မီတာ ကျယ်သည်။ ဒူးများအထိသည် ၁၂ မီတာ အမြင့် ရှိသည်။ ခြေဖဝါးတော်တို့သည် ၃.၅ မီတာ အကျယ်ရှိ၏။

ထိုဒေသတွင် တောင်သည် ဘုရား၊ ဘုရားသည် တောင် ဟူ၍ ဆိုရိုးစကား ရှိသည်။

ဘုရားကျောင်းတို့သည် ၈၀၀၀၀ စတုရန်းမီတာ အကျယ်ရှိသည့်နေရာတို့တွင် တည်ရှိကြ၏။ ရုပ်ပွားတော်ကို ကာရံထားသည့် နေရာသည် ၂၀၀၀ စတုရန်းမီတာ ကျယ်ဝန်းသည်။^[၆]