မြန်မာနိုင်ငံ၏ အစိုးရဌာနဆိုင်ရာ ရာထူး အဆင့်များ

မြန်မာနိုင်ငံတွင် အစိုးရဝန်ထမ်းအားလုံးကို "နိုင်ငံ့ဝန်ထမ်း" ဟု ခေါ်ဆိုပြီး အစိုးရဌာနများနှင့် အဖွဲ့အစည်းများကို "ဝန်ထမ်းအဖွဲ့အစည်း" ဟု ခေါ်ဆိုသည်။ ၎င်းတို့၏ အဆင့်များနှင့် ခန့်အပ်မှုများကို အဓိကအားဖြင့် အမျိုးအစားနှစ်မျိုးဖြင့် အုပ်စုဖွဲ့ထားသည်။

ဝန်ထမ်းအမျိုးအစားများ

အရာထမ်း (သို့မဟုတ်) ပြန်တမ်းဝင်အရာရှိ

ရာထူးတိုးခြင်းနှင့် ခန့်အပ်ခြင်းတို့ကို မြန်မာနိုင်ငံပြန်တမ်းတွင် မှတ်တမ်းတင်ထားသည်။

အမှုထမ်း

ပြန်တမ်းဝင်အရာရှိများအောက် ရာထူးအဆင့်များ ဖြစ်သည်။

ရာထူးအဆင့်များနှင့် အခေါ်အဝေါ်များ

အစိုးရဌာနများတွင် ရာထူးအဆင့် ၁၃ ဆင့်ရှိပြီး ဌာနဆိုင်ရာ ရာထူးအဆင့်အခေါ်အဝေါ်များသည် ဌာနတစ်ခုနှင့်တစ်ခု မတူညီကြပေ။

ဝန်ဆောင်မှုပေးသည့် အစိုးရဌာနများ (ဥပမာ- လုပ်ငန်းများ၊ အင်တာပရိုက်များ၊ ကော်ပိုရေးရှင်းများ)

အရာထမ်းရာထူးအဆင့်များမှာ လက်ထောက်မန်နေဂျာ မှစပြီး ဦးဆောင်ညွှန်ကြားရေးမှူး အဆင့်အထိ ဖြစ်သည်။

မူဝါဒနှင့် ပေါ်လစီများ ထုတ်ပြန်ကြီးကြပ်ကွပ်ကဲသည့် အစိုးရဌာနများ (ဥပမာ- ဦးစီးဌာနနှင့် ညွှန်ကြားမှုဦးစီးဌာနများ)

အရာထမ်းရာထူးအဆင့်များမှာ ဦးစီးအရာရှိ မှစပြီး ညွှန်ကြားရေးမှူးချုပ် အဆင့်အထိ ဖြစ်သည်။

တက္ကသိုလ်များ

စာပေဆိုင်ရာ အဆင့်များဖြင့် ရာထူးသတ်မှတ်လေ့ရှိသည်။

ကျန်းမာရေးဌာနများ

ဆေးဘက်ဆိုင်ရာ အခေါ်အဝေါ်များဖြင့် ရာထူးသတ်မှတ်ကြသည်။

စက်/နည်းပညာ/ဆောက်လုပ်ရေးဌာနများ

အင်ဂျင်နီယာ အစရှိသော အခေါ်အဝေါ်များဖြင့် ရာထူးသတ်မှတ်ကြသည်။

ပြန်ကြားရေး၊ ပုံနှိပ်ရေး၊ ဇာနယ်ဇင်းနှင့် သတင်းဌာနများ

သက်ဆိုင်ရာ ရာထူးအခေါ်အဝေါ်များ ရှိသည်။

ရာထူးအဆင့် သတ်မှတ်မှုများ (ယေဘုယျ)

• ဦးစီးအရာရှိ/ဒုတိယမန်နေဂျာအဆင့် သည် မြို့နယ်ဌာနတာဝန်ခံ၊ ဘဏ်ခွဲတာဝန်ခံ၊ ဌာနစိတ်မှူး ဖြစ်သည်။
• လက်ထောက်ညွှန်ကြားရေးမှူး/မန်နေဂျာအဆင့် သည် ခရိုင်ဌာနတာဝန်ခံ ဖြစ်သည်။
• ဒုတိယညွှန်ကြားရေးမှူး/လက်ထောက်အထွေထွေမန်နေဂျာအဆင့် သည် တိုင်း/ပြည်နယ်ဒုတိယဌာနတာဝန်ခံ ဖြစ်သည်။
• ညွှန်ကြားရေးမှူး/ဒုတိယအထွေထွေမန်နေဂျာ သည် တိုင်း/ပြည်နယ်ဌာနတာဝန်ခံ ဖြစ်သည်။
• ဒုတိယညွှန်ကြားရေးမှူးချုပ်/အထွေထွေမန်နေဂျာအဆင့် သည် ဝန်ထမ်းအဖွဲ့အစည်း ဒုတိယအကြီးအမှူး သို့မဟုတ် ရုံးချုပ်တာဝန်ခံများ ဖြစ်ကြသည်။

စစ်ဘက်နှင့် ဌာနဆိုင်ရာ အမှုထမ်းရာထူးများ

စစ်ဘက်ရာထူးခန့်အပ်မှုများတွင် ပြန်တမ်းဝင်အရာရှိအဆင့်သည် ဒုတိယဗိုလ် (ကြည်းတပ် - Second Lieutenant၊ လေတပ် - Pilot Officer၊ ရေတပ် - Midshipman) အဆင့်မှ စတင်သည်။ ဌာနဆိုင်ရာ အမှုထမ်းရာထူးများဖြစ်သည့် မြန်မာနိုင်ငံရဲတပ်ဖွဲ့မှ ဒုတိယရဲအုပ်၊ အထူးစုံစမ်းစစ်ဆေးရေးဦးစီးဌာန၊ မီးသတ်ဦးစီးဌာန၊ အကျဉ်းဦးစီးဌာန၊ လူဝင်မှုကြီးကြပ်ရေး/ပြည်သူ့အင်အား/အမျိုးသားမှတ်ပုံတင်နှင့် နိုင်ငံသားဦးစီးဌာန၊ သစ်တောဦးစီးဌာန စသည့် ဦးစီးဌာနအချို့မှ ဒုတိယဦးစီးမှူး အဆင့်များနှင့် ၎င်းတို့၏ ဝတ်စားဆင်ယင်မှု (ကော်လာတံဆိပ်၊ ပခုံးအပွင့်) သည် ဆင်တူကြသည်။

အရေးယူပိုင်ခွင့်

ဝန်ထမ်းအဖွဲ့အစည်းများတွင် အရာထမ်းများသာ အမှုထမ်းများအား အရေးယူနိုင်သည့် အာဏာ ကို ရရှိသည်။ ပြစ်မှုကျူးလွန်သည့် အရာထမ်းများကိုမူ ၎င်းတို့ထက်မြင့်သည့် အရာထမ်းများက အရေးယူနိုင်သည်။ သို့ရာတွင် ဝန်ထမ်းအဖြစ်မှ ထုတ်ပယ်ခြင်းကိုမူ ဌာနအကြီးအမှူး (သို့မဟုတ်) ၎င်း၏အခွင့်အာဏာရ အရာထမ်းကသာ ဆောင်ရွက်နိုင်သည်။

အရာထမ်း ရာထူးအဆင့်များ

အခေါ်အဝေါ်
အမြဲတမ်းအတွင်းဝန် Permanent Secretary	သံအမတ်ကြီး Ambassador	ညွှန်ကြားရေးမှူးချုပ် Director General								ပါမောက္ခချုပ် Rector	ကျောင်းအုပ်ကြီး Principal	ဦးဆောင်ညွှန်ကြားရေးမှူး Managing Director		ဒုတိယရဲဗိုလ်ချုပ်ကြီး Police Lieutenant General
ဒုတိယအမြဲတမ်းအတွင်းဝန် Deputy Permanent Secretary	ကောင်စစ်ဝန်ချုပ် Consul General	ဌာနမှူး Head of Department	ဒုတိယညွှန်ကြားရေးမှူးချုပ် Deputy Director General				ဆေးရုံအုပ်ကြီး Medical Superintendent		ပထမအဆင့် သုတေသနမှူးချုပ် First Class Chief Researcher	ဒုတိယပါမောက္ခချုပ် Pro Rector	ဒုတိယကျောင်းအုပ်ကြီး Vice Principal	အထွေထွေမန်နေဂျာ General Manager	အင်ဂျင်နီယာချုပ် Chief Engineer	ရဲဗိုလ်ချုပ် Police Major General
														ရဲမှူးချုပ် Commissioner
လက်ထောက်အတွင်းဝန် Assistant Secretary	သံမှူးကြီး Minister Counsellor	ဒုတိယဌာနမှူး Deputy Head of Department	ညွှန်ကြားရေးမှူး Director			စာတည်းမှူးချုပ် Editor-in-Chief	ဒုတိယဆေးရုံအုပ်ကြီး Deputy Medical Superintendent		ဒုတိယအဆင့် သုတေသနမှူးချုပ် Second Class Chief Researcher	ပါမောက္ခ Professor		ဒုတိယအထွေထွေမန်နေဂျာ Deputy General Manager	ဒုတိယအင်ဂျင်နီယာချုပ် Deputy Chief Engineer	ရဲမှူးကြီး Senior Superintendent
သံမှူး Counsellor		လက်ထောက်ဌာနမှူး Assistant Head of Department	ဒုတိယညွှန်ကြားရေးမှူး Deputy Director		ခရိုင်ပညာရေးမှူး District Educational Officer	ဒုတိယစာတည်းမှူးချုပ် Vice Editor-in-Chief	အထူးကုဆရာဝန်ကြီး Senior Consultant		အကြီးတန်း သုတေသနမှူး Senior Researcher	တွဲဖက်ပါမောက္ခ Associate Professor		လက်ထောက်အထွေထွေမန်နေဂျာ Assistant General Manager	အင်ဂျင်နီယာမှူးကြီး Senior Executive Engineer	ဒုတိယရဲမှူးကြီး Deputy Senior Superintendent
ပထမအတွင်းဝန် First Secretary		ဌာနခွဲမှူး Head of Division	လက်ထောက်ညွှန်ကြားရေးမှူး Assistant Director		မြို့နယ်ပညာရေးမှူး Township Educational Officer	စာတည်းမှူး Executive Editor	အထူးကုဆရာဝန် Consultant			ကထိက Lecturer		မန်နေဂျာ Manager	ဒုတိယအင်ဂျင်နီယာမှူးကြီး Deputy Senior Executive Engineer	ရဲမှူး Superintendent
ဒုတိယအတွင်းဝန် Second Secretary		ဌာနစုမှူး (၁) Head of Section (1)	ဦးစီးအရာရှိ Staff Officer	စာရင်းစစ်မှူး Executive Auditor	ဒုတိယမြို့နယ်ပညာရေးမှူး Deputy Township Educational Officer	ဒုတိယစာတည်းမှူး Deputy Editor	လက်ထောက်အထူးပြုခွဲစိတ်ဆရာဝန် Specialist Assistant Surgeon	သူနာပြုအုပ် Head Nurse	သုတေသနမှူး Researcher	လက်ထောက်ကထိက Assistant Lecturer		ဒုတိယမန်နေဂျာ Deputy Manager	အင်ဂျင်နီယာမှူး Executive Engineer	ဒုတိယရဲမှူး Deputy Superintendent
တတိယအတွင်းဝန် Third Secretary		ဌာနစုမှူး (၂) Head of Section (2)	ဒုတိယဦးစီးအရာရှိ Deputy Staff Officer	ဒုတိယစာရင်းစစ်မှူး Deputy Executive Auditor	လက်ထောက်မြို့နယ်ပညာရေးမှူး Assistant Township Educational Officer	လက်ထောက်စာတည်း Assistant Editor	လက်ထောက်ဆရာဝန် Assistant Physician		လက်ထောက်သုတေသနမှူး Assistant Researcher	နည်းပြ Tutor		လက်ထောက်မန်နေဂျာ Assistant Manager	လက်ထောက်အင်ဂျင်နီယာ Assistant Engineer

ဆက်စပ်ဖတ်ရှုရန်

• မြန်မာနိုင်ငံ၏ စစ်ဖက်ဆိုင်ရာ ရာထူး၊ အဆင့်၊ အဆောင်အယောင်နှင့် တံဆိပ်များ