မုခ်ဝ ဆွေးနွေးချက်:သင်္ချာ

သင်္ချာဝေါဟာရနှင့် အမည်များ

ဘာသာပြန်ပြီး အသံဖလှယ်ပြီး ဝေါဟာရများပါ။ အသစ်မပြန်ခင်ရှာကြည့်ပြီး ကိုးကားဖို့၊ ပြင်ဆင်ဖို့ပါ။ ပြင်ဆင်ဆွေးနွေးချက်များကို အထူးမျှော်လင့် ကြိုဆိုပါတယ်ခင်ဗျာ။ မင်းသန့် (talk) ၀၅:၅၀၊ ၂၈ ဒီ​ဇင်​ဘာ​ ၂၀၁၄ (UTC)

အမှတ်	အင်္ဂလိပ်အမည်	အနက်တူ ၁	အနက်တူ ၂	Part of Speech	ဝါစင်္ဂ	မြန်မာအမည်	အခြားမြန်မာအမည် ၁	အခြားမြန်မာအမည် ၂	မှတ်ချက်
1	mathematics	math	maths	noun	နာမ်	သင်္ချာ
2	mathematician			noun	နာမ်	သင်္ချာပညာရှင်	သင်္ချာသမား
3	mathematical			adjective	နာမဝိသေသန	သင်္ချာဆိုင်ရာ
4	mathematical philosophy					သင်္ချာဆိုင်ရာအတွေးအခေါ်	သင်္ချာအတွေးအခေါ်
5	mathematical symbol					သင်္ချာသင်္ကေတ
6	mathematical notation					သင်္ချာအသုံးအနှုန်း
7	mathematics eduation					သင်္ချာပညာရေး			Note that in English, it's "math education", not mathematical education, so it should be "သင်္ချာပညာရေး", not "သင်္ချာဆိုင်ရာ ပညာရေး"
8	areas of mathematics					သင်္ချာပညာရပ်နယ်ပယ်များ
9	fundamental			noun	နာမ်	အခြေခံ	အုတ်မြစ်
10	fundamental			adjective	နာမဝိသေသန	အခြေခံကျသော
11	mathematical logic					သင်္ချာယုတ္တိဗေဒ
12	proof			noun	နာမ်	သက်သေပြချက်
13	Gödel			noun (proper)	နာမ် (ပုဂ္ဂလ)	ဂူဒယ်			Original German pronunciation is taken instead of a more commonplace American pronunciation. See Forvo
14	incompleteness theorem					မပြည့်စုံခြင်းသီအိုရမ်
15	model theory					မိုဒယ်သီအိုရီ			model ဆိုတဲ့စကားက သင်္ချာ logic မှာ တိကျတဲ့ အဓိပ္ပာယ်ရှိတယ်။ အဲဒီဘာသာရပ်မှာ သေချာတတ်ကျွမ်းသူ၊ မြန်မာစာနှံ့စပ်သူများရှိပါ မြန်မာပြန်ရန် ကြိုးစားကြည့်ပါ။ သို့သော် ဘာသာပြန်ရလဒ်က ကွင်းကွက်တိုတောင်း မဖြစ်ရင် ဒီအတိုင်း အသံထွက်ကိုလိုက်ပြီးရေးတာက ပိုသင့်တော်မယ်။
16	recursion			noun	နာမ်	ထပ်ကာကျော့ခြင်း	ထပ်ပြန်ကျော့ခြင်း
17	recursion theory					ထပ်ကာကျော့သီအိုရီ	ထပ်ပြန်ကျော့သီအိရီ
18	set			noun	နာမ်	အစု
19	group			noun	နာမ်	အုပ်စု			အစုမှာ structure သိပ်မရှိ။ Naive set theory အရဆိုလျှင် collection of objects ပဲ။ group မှာ structure ရှိတယ်။ ဒါကြောင့် "အုပ်" ပါတာ group ဖြစ်သင့်တယ်။
20	ring			noun	နာမ်	ကွင်း			ကွင်းက အုပ်စုထက်ပိုပြီး တည်ဆောက်ပုံရှိသွားပြီ။
21	axiom			noun	နာမ်	အက်ဆီယမ်	မူလဘူတသစ္စာ	အခြေခံယူဆချက်	အက်ဆီယမ်ကို မူလဘူတသစ္စာ၊ အခြေခံယူဆချက် စသည်ဖြင့် ပြန်မယ်ဆို ပြန်လို့ရပေမယ့် ရှည်တယ်။ ဒါကြောင့် အက်ဆီယမ်ကပဲ သင့်တော်မယ်ထင်လို့ ဒီအတိုင်းပဲ ထားထားပါတယ်။
22	naive set theory					ရိုးရိုးအစုသီအိုရီ
23	theory			noun	နာမ်	သီအိုရီ			သီအိုရီကို နိယာမတို့ ဘာတို့ ပြန်ချင် ပြန်နိုင်ပေမယ့် သီအိုရီဆိုတဲ့စကား မြန်မာစကားမှာ အတော်တွင်ကျယ်ပြီး ဖြစ်တယ်လို့ ယူဆလို့ ဒီလိုပဲ ပြန်လိုက်ပါတယ်။
24	axiomatic			adjective	နာမဝိသေသန	အက်ဆီယမ်ကျကျ
25	category			noun	နာမ်	ကတ်တဂိုရီ			သာမန်အင်္ဂလိပ်စကား category ကို အမျိုးအစားလို့ မြန်မာဝီကီမှာသုံးပေမယ့် သင်္ချာက category က တည်ဆောက်ပုံ structure တွေပါတယ်၊ ပြီးတော့ class နဲ့ရှုပ်ထွေးနိုင်တယ်။ class နဲ့ category နဲ့ သင်္ချာမှာမတူပါ။ ဒါကြောင့် category ကို အသံထွက်အတိုင်းပဲ ရေးထားပါတယ်။
26	topos			noun	နာမ်	တိုပို			topos ဆိုတဲ့စကားက သင်္ချာမှာ တိကျတဲ့ အဓိပ္ပာယ်ရှိတယ်။ အဲဒီဘာသာရပ်မှာ သေချာတတ်ကျွမ်းသူ၊ မြန်မာစာနှံ့စပ်သူများရှိပါက မြန်မာပြန်ရန် ကြိုးစားကြည့်ပါ။ သို့သော် ဘာသာပြန်ရလဒ်က ကွင်းကွက်တိုတောင်း မဖြစ်ရင် ဒီအတိုင်း အသံထွက်ကိုလိုက်ပြီးရေးတာက ပိုသင့်တော်မယ်။
27	number			noun	နာမ်	ကိန်း
28	numeral			noun	နာမ်	နံပါတ်	ဂဏန်း
29	algebra			noun	နာမ်	အက္ခရာသင်္ချာ
30	abstract algebra	modern algebra				ခေတ်သစ်အက္ခရာသင်္ချာ	အက္ခရာသင်္ချာသစ်		abstract algebra ဆိုတဲ့ အင်္ဂလိပ်အသုံးက modern algebra ဆိုတဲ့ အင်္ဂလိပ်အသုံးထက် ပိုပြီး တွင်ကျယ်တိကျတယ်၊ ဒါပေမယ့် abstract ကို မြန်မာပြန်ရတာ သိပ်အဆင်မချောလို့ modern ကိုပဲ ပြန်ထားတယ်။ You are all welcome to take a crack at it.
31	commutative			adjective	နာမဝိသေသန	ပတ်လည်ညီ			commutative ဆိုတာ ရှေ့နောက်၊ ဘယ်ညာ order စီစဉ်ပုံ နှစ်မျိုးလုံး တူညီတာကို ပြောတာ၊ ရှေ့နောက်ဘယ်ညာညီ လို့ပြန်ရမှာ ရှည်တာရယ်၊ နောက်ပြီး ပုံတွေမှာ commutative diagram တွေမှာ polygon တစ်ခု commutative ဖြစ်တယ်ဆိုတာ မြန်မာလိုဆိုရင် အဲဒီ ပုံကို ဘယ်လိုပတ်ပတ်ညီတာကို ပြောတာမို့ "ပတ်လည်ညီ"လိုက်တယ်။ ပိုကောင်းမယ်ထင်တာရှိရင် ပြင်လိုက်ပါ။ ဘက်ညီကို symmetric အတွက်သုံးမှာမို့ ဘက်ညီကို ဒီမှာ မသုံးလိုက်ပါ။
32	symmetric			adjective	နာမဝိသေသန	ဘက်ညီ
33	geometry			noun	နာမ်	ဂျီဩမေတြီ			မြန်မာစကားမှာတွင်ကျယ်ပြီး
34	number theory			noun	နာမ်	ကိန်းသီအိုရီ
35	analysis			noun	နာမ်	ခွဲခြမ်းစိတ်ဖြာသင်္ချာ
36	analytic			adjective	နာမဝိသေသန	ခွဲခြမ်းစိတ်ဖြာသင်္ချာနည်းကျ
37	arithmetic			noun	နာမ်	ဂဏန်းသင်္ချာ
38	arithmetic			adjective	နာမဝိသေသန	ဂဏန်းသင်္ချာနည်းကျ
39	natural number					သဘာဝကိန်း
40	prime number					သုဒ္ဓကိန်း
41	integer			noun	နာမ်	ကိန်းပြည့်
42	rational number					ရာရှင်နယ်ကိန်း	အပိုင်းကိန်း		ဒီနေရာမှာ အပိုင်းကိန်းကို သုံးရတာသိပ်သဘောမကျပါ။ အပိုင်းကိန်းဆိုတာ fraction ပဲ။ rational number တွေဟာ fraction တွေပဲလို့ ဆိုပေမယ့် fraction သဘောကကျယ်ပြန့်တယ်၊ rational ကတိကျတယ်။ ပြီးတော့ irrational ကလာဦးမှာဆိုတော့ ရာရှင်နယ်မဟုတ်သော ဆိုရင်ရှည်ဦးမယ်။ အဲဒီတော့ ရာရှင်နယ်/အီရာရှင်နယ်ပဲ ကောင်းမယ်ထင်တယ်။
43	irrational number					အီရာရှင်နယ်ကိန်း
44	complex number					ကိန်းရှုပ်	ကွန်ပလက်စ်ကိန်း		ကိန်းရောလို့ပြန်ချင်ပေမယ့်၊ ကိန်းရောက မြန်မာလို fraction နဲ့ပတ်သက်ပြီးရှိပြီးမို့။ ကွန်လက်စ်ကိန်းဆိုတာ သိပ်သဘောမကျပါ။ ရှည်ပြီး စ သတ် ပါမပါ အငြင်းပွားစရာရှိပါတယ်။
45	algebraic number					ကိန်းရင်း			ဒီနေရာမှာ အင်္ဂလိပ်ဘာသာကနေ တိုက်ရိုက်မပြန်တာ သတိထားမိမယ်ထင်ပါတယ်။ အနက်က ပိုလီနိုမီရယ် ကိန်းရင်း (root) အနေနဲ့ရေးရတဲ့ ကိန်းမို့ ကိန်းရင်းပေ့ါ။
46	polynomial			noun	နာမ်	ပိုလီနိုမီရယ်
47	transcendental number					ကိန်းလွန်			transcendental က ကိန်းရင်းမဟုတ်တာ ဆိုတော့ ကိန်းလွန်ပေ့ါ။
48	discrete			adjective	နာမဝိသေသန	ပိုင်းစသီးခြား			အသံထွက်အတိုင်းရေးဖို့ စိတ်ကူးပေမယ့် discreet နဲ့ရောမှာစိုးလို့ မြန်မာလိုရအောင်ဘာသာပြန်လိုက်တယ်။
49	combinatorics			noun	နာမ်	ကွန်ဘိုင်နတိုးရစ်			ရေတွက်ခြင်းဗေဒလို့ပြန်ချင်ပေမယ့် ရေတွက်တယ်ဆိုတာ combinatorics ရဲ့တစ်စိတ်တစ်ပိုင်းပဲမို့ အသံထွက်အတိုင်းပဲ ရေးလိုက်တယ်။
50	code			noun	နာမ်	ကုတ်	ကုဒ်
51	coding			noun	နာမ်	ကုတ်ဒင်း			ကုတ်ရေးခြင်းမပြန်သင့်လို့ထင်ပါတယ်။ coding theory က coding က ပိုကျယ်ပြန့်သလားလို့။
52	coding theory					ကုတ်ဒင်းသီအိုရီ
53	combinatorial			adjective	နာမဝိသေသန	ကွန်ဘိုင်နတိုးရစ်	ကွန်ဘိုင်နတိုးရစ်ဆိုင်ရာ	ကွန်ဘိုင်နတိုးရစ်ကျကျ
54	enumerative combinatorics					ရေတွက်ခြင်းဆိုင်ရာ ကွန်ဘိုင်နတိုးရစ်
55	optimization			noun	နာမ်	(ဘောင်တွင်း)အကောင်းဆုံးအဖြေရှာခြင်း			(ဘောင်တွင်း)ကို ဖြုတ်လိုက ဖြုတ်နိုင်တယ်လို့ အကြံပြုပါတယ်။ အများအားဖြင့် optimization တွေဟာ constrained optimization တွေဖြစ်ပေမယ့် unconstrained optimization ကို ဘောင်မဲ့ အကောင်းဆုံးအဖြေရှာခြင်းလို့ ပေးမလားလို့။
56	graph			noun	နာမ်	ဂရပ်			graph theory က graph ဟာ ပုံ၊ ဇယား စတာနဲ့ မပြည့်စုံပါ။ ဂရပ်ဆိုတာ အတိုဆုံးပါပဲ။
57	order theory					အဆင့်သီအိုရီ			ကြီစဉ်ငယ်လိုက်သီအိုရီ ဆိုရင် နည်းနည်း ရှုပ်ပြီး တစ်မျိုးဖြစ်မယ်၊ ပြီးတော့ ကြီးစဉ်ငယ်လိုက်ဆိုတာ ကြီးတာက ငယ်တာကိုသွားတာ၊ ငယ်စဉ်ကြီးလိုက် order တွေကျ ဘယ်လိုလုပ်မလဲ။ ဒီ order တွေဟာ အမှန်တော့ အဆင့်စီတာပဲဆိုပြီး order အဆင့်လို့ ပြန်လိုက်တယ်။
58	lattice			noun	နာမ်	ဇကာကွက်			a lattice often looks like a real ဇကာကွက်
59	calculus			noun	နာမ်	ကဲကုလပ်			It's too specific and "weird" to Burmese ears to be translated. So, let's just use "ကဲကုလပ်".
60	vector			noun	နာမ်	ဗက်တာ			vector ကို မြား လို့ဆိုရင် ကျဉ်းတယ်၊ မှားတယ်ထင်လို့ ဗက်တာလို့ပဲ ပြန်လိုက်တယ်။
61	approximation theory					နီးစပ်ခန့်မှန်းသီအိုရီ			"နီးစပ်" ပါအောင်ထည့်ဖို့ အဆိုပြုပါတယ်။ "ခန့်မှန်း" သက်သက်ဆိုရင် predict ဖြစ်သွားမှာစိုးလို့။
62	function			noun	နာမ်	ဖန်ရှင်			It's again too specific and "weird" to Burmese ears to be translated.
63	potential			noun	နာမ်	ပိုတင်ရှယ်			It's again too specific and "weird" to Burmese ears to be translated.
64	harmonic			adjective	နာမဝိသေသနာ	ဟာမောနစ်			ဟာမောနစ်က အသံထွက်မှန်နဲ့ ပိုနီးစပ်တယ်ထင်ပါတယ်။ ဟာမိုနီက တွင်ကျယ်ပြီးဖြစ်ပေမယ့် ဒါက ဟာမောနစ် ဖြစ်တဲ့အတွက် မတူပါ။
65	Fourier			noun (proper)	နာမ် (ပုဂ္ဂလ)	ဖိုးရီးယား
66	Haar			noun (proper)	နာမ် (ပုဂ္ဂလ)	ဟား
67	operator			noun	နာမ်	အော်ပရေတာ			တွက်ချက်မှုဆိုတာက ကျဉ်းလွန်းတယ်။ ဒါကြောင့် အော်ပရေတာ။ မြန်မာစာမှာ နည်းနည်းလည်း တွင်ကျယ်ပြီးလို့ ယူဆတယ်။
68	linear algebra					မျဉ်းညီချိုးကျအက္ခရာသင်္ချာ	လီနီယာအက္ခရာသင်္ချာ		Please discuss which is better.
69	universal			adjective	နာမဝိသေသန	ယူနီဗာဆယ်			It's again too specific and "weird" to Burmese ears to be translated.
70	Euclid			noun (proper)	နာမ် (ပုဂ္ဂလ)	ယူကလစ်
71	trigonometry			noun	နာမ်	တြီဂိုနိုမေတြီ			It's again too specific and "weird" to Burmese ears to be translated.
72	Non-Euclidean geometry					ယူကလစ်လွန်ဂျီဩမေတြီ	ယူကလစ်မဟုတ်သော ဂျီဩမေတြီ
73	Affine geometry					အက်ဖိုင်းဂျီဩမေတြီ			It's too specific and weird to Burmese ears to be translated.
74	Projective geometry					ပရိုဂျက်တစ်ဂျီဩမေတြီ			It's too specific and weird to Burmese ears to be translated.
75	convex			adjective	နာမဝိသေသန	ခုံးထွက်
76	concave			adjective	နာမဝိသေသန	ခုံးခွက်
77	convex geometry					ခုံးထွက်ဂျီဩမေတြီ
78	differential			noun	နာမ်	ဒစ်ဖရန်ရှယ်			ကဲကုလပ်မှ $df$ ကဲ့သို့သော နာမ်အနေဖြင့်သုံးသည့် differential ကို ဆိုလိုခြင်းဖြစ်သည်။
79	differential geometry					ဒစ်ဖရန်ရှယ်ဂျီဩမေတြီ			It's too specific and weird to Burmese ears to be translated.
80	Riemann			noun (proper)	နာမ် (ပုဂ္ဂလ)	ရီမန်
81	Riemannian geometry					ရီမန်ဂျီဩမေတြီ
82	Lie, Marius Sophus			noun (proper)	နာမ် (ပုဂ္ဂလ)	လီး၊ မားရီးရပ် ဆိုးဖတ်			အသံထွက်အတွက် Forvo ကိုကြည့်ပါ။
83	Lie group					လီးအုပ်စု			“လိုင်း” မဟုတ်ပါ၊ နော်ဝေလူမျိုး သင်္ချာပညာရှင်တစ်ဦးရဲ့ နာမည် “လီး” ကို အစွဲပြုမှည့်ခေါ်သောကြောင့်ပါ။ သင်္ချာသုံး အင်္ဂလိပ်ဝေါဟာရတွေမှာလည်း ဒီလို unfortunate and unintentional double entendre တွေရှိပါတယ်။ မတတ်နိုင်ပါ။
84	topology			noun	နာမ်	တိုပေါ်လော်ဂျီ			It's too specific and "weird to Burmese ears" to be translated.
85	general topology					အထွေထွေတိုပေါ်လော်ဂျီ
86	algebraic topology					အက္ခရာသင်္ချာနည်းကျ တိုပေါ်လော်ဂျီ
87	geometric topology					ဂျီဩမေတြီနည်းကျ တိုပေါ်လော်ဂျီ
88	differential topology					ဒစ်ဖရန်ရှယ်တိုပေါ်လော်ဂျီ
89	applied mathematics					အသုံးချသင်္ချာ			“အသုံးကျ” သင်္ချာဟု ဘာသာမပြန်ရန်၊ မရေးရန် အဆိုပြုပါသည်။ applied ကို အသုံးကျ ဟု ဆိုပါက applied မဟုတ်သော pure mathematics မှာ အသုံးမကျသော သင်္ချာဖြစ်သွားလိမ့်မည်။ အသုံးချ သင်္ချာက အသုံးချဖို့ ဦးစွာစဉ်းပြီး၊ အသုံးချရေးကို အမြဲခေါင်းထဲထည့်ကာ လုပ်သည့် သင်္ချာဖြစ်သည်။
90	pure mathematics					သင်္ချာသန့်သန့်
91	mathematical modeling					သင်္ချာမော်ဒယ်တည်ဆောက်ခြင်း			“မော်ဒယ်” မှာ မြန်မာစာ၌တွင်ကျယ်ပြီး
92	mathematical physics					သင်္ချာကဲရူပဗေဒ			သင်္ချာသုံး၊ သင်္ချာဆိုင်ရာ စသည်ဖြင့် ဘာသာပြန်ဖို့ စဉ်းစားမိသော်လည်း၊ သင်္ချာကဲ (သင်္ချာနည်းများ ပိုကဲ၍ သုံးသော၊ ပါသော) ဆိုတဲ့ အဓိပ္ပာယ်နဲ့ သင်္ချာကဲရူပဗေဒလို့ ဘာသာပြန်လိုက်တယ်။ သင်္ချာသုံး ရူပဗေဒဆိုရင် အခြားရူပဗေဒနယ်ပယ်တွေက သင်္ချာမသုံးသလိုဖြစ်မယ်၊ အဲဒီလိုမှ မဟုတ်ဘဲ။ သင်္ချာဆိုင်ရာ ဆိုရင်သိပ်မဆိုးပေမယ့် အခြားရူပဗေဒနယ်ပယ်တွေက သင်္ချာနဲ့မဆိုင်သလိုများ အဓိပ္ပာယ်သက်ရောက်နေမလားလို့ပါ။
93	differential equation					ဒစ်ဖရန်ရှယ်ညီမျှခြင်း			see differential for the same remark
94	partial differential					ပါရှယ်ဒစ်ဖရန်ရှယ်	တစ်စိတ်တစ်ပိုင်း ဒစ်ဖရန်ရှယ်		တစ်စိတ်တစ်ပိုင်း ဒစ်ဖရန်ရှယ်ဆိုတာက ရှည်တာရယ်၊ အနက်ကို မမိတာရယ်ကြောင့် ပါရှယ်လို့ပဲ အသံဖလှယ်လိုက်ပါတယ်။
95	ordinary differential equation					ရိုးရိုးဒစ်ဖရန်ရှယ် ညီမျှခြင်း
96	integral equation					အင်တီဂရယ်ညီမျှခြင်း
97	dynamical systems					ပြောင်းလဲလှုပ်ရှားစနစ်များ
98	control theory					ထိန်းချုပ်မှုသီအိုရီ
99	calculus of variations					ပြောင်းလဲမှုကဲကုလပ်
100	theoretical			adjective	နာမဝိသေသန	သဘောတရားရေးရာ	သဘောတရားဆန်ဆန်	သဘောတရားကဲ
101	computer science					ကွန်ပျူတာသိပ္ပံ
102	computability theory					တွက်ချက်နိုင်စွမ်း သီအိုရီ			ထပ်ပြန်ကျော့သီအိုရီ နှင့် အတူတူ
103	complexity theory					ရှုပ်ထွေးမှုအဆင့်သီအိုရီ
104	cryptography			noun	နာမ်	ဝှက်စာဗေဒ
105	statistics			noun	နာမ်	စာရင်းအင်းဗေဒ			ရန်ကုန်စီးပွားရေးတက္ကသိုလ်က Department of Statistics ကို စာရင်းအင်းဌာနလို့ ခေါ်ပါတယ်တဲ့။ အဲဒီလို တရားဝင်ဘာသာပြန်ထားပြီးသား ရှိတော့လည်း ရှိပြီးသားပဲ ယူသုံးလိုက်ပါတယ်။ Accounting (စာရင်းကိုင်ပညာ) နဲ့ statistics နဲ့ ဘာမှမဆိုင်ပါ၊ ဒါပေမယ့် မြန်မာလိုကတော့ နီးစပ်နေပါ၊ မတတ်နိုင်ပါ။ ဗေဒဆိုတာလေး ထည့်လိုက်တော့ နည်းနည်းတော့ ခံ့ညားသွားတာပေ့ါ။
106	stochastic process	random process				ကျပန်းဖြစ်စဉ်			အမှန်က stochastic process ဆိုတာပိုမှန်တယ်၊ ဒီ process တွေက ကျပန်းသက်သက် မဟုတ်ပါ။ ဒါပေမယ့် အင်္ဂလိပ်လိုမှာကိုက တစ်ခါတစ်ရံ random process လို့ခေါ်တော့လည်း ကျပန်းဖြစ်စဉ်လို့ပဲ ပြန်လိုက်ပါတယ်။ ပိုကောင်းတဲ့အမည်ရှိရင် အကြံပေးပါ။
107	mathematical economics					သင်္ချာဘောဂဗေဒ
108	game theory					ဂိမ်းသီအိုရီ			ဒီစာလုံးက မြန်မာစာမှာ တွင်ကျယ်ပြီး
109	mathematical finances					သင်္ချာသုံးဘဏ္ဍာရေး
110	localization					ပိုင်းခြေဖန်တီးခြင်း			ဒီဘာသာပြန်က မူရင်းစာလုံးရဲ့ ဂျီဩမေတြီ သဘောထက် အက္ခရာ သင်္ချာ သဘောကိုပဲ ပိုမိပါတယ်။ ဒါပေမယ့် နေ့စဉ်အသုံးမှာ ဂျီဩမေတြီမှာ သုံးရင်တောင်မှ အက္ခရာသင်္ချာကို အားကိုးပြီး ပိုင်းခြေဖန်တီးတာပဲဆိုတော့ လောလောဆယ် ဒီအတိုင်းပဲ ထားထားပါတယ်။ ဒေသန္တရပြုခြင်း ဆိုရင်ကော သိပ်ပြီးများ ထူးဆန်းနေမလား။ မြန်မာထဲက အဆင့်မြင့် ဂျီဩမေတြီ ပညာရှင်များရှိပါက ဆွေးနွေး အကြံပေးပါခင်ဗျား။
111	space					ရပ်ဝန်း
112	attractor					ဆွဲငင်ခြေ

Last updated: မင်းသန့် (ဆွေးနွေး) ၂၂:၀၁၊ ၄ ဧပြီ ၂၀၁၇ (UTC)

Non-Euclidean geometry ကို ယူကလစ်လွန် ဂျီဩမေထရီ ဆိုတာထက် ယူကလစ်မဟုတ်သော ဂျီဩမေထရီ ဆိုရင် ပိုကောင်းမလား။ နောက်ပြီး Linear ကို လီနီယာ လို့တိုက်ရိုက်မပြန်ဘဲ မြန်မာမှု အနီးစပ်ဆုံး ပြန်ရင် ကောင်းမယ်ထင်ပါတယ်။ သင်္ချာကတော့ ကျတော် ကျွမ်းကျင်တဲ့အပိုင်းမဟုတ်လို့ သေချာမသိပါဘူးဗျာ။ အကြံပေးကြည့်တာပါ။ Dr Lotus Black (ဆွေးနွေး) ၀၂:၂၃၊ ၃ ဧပြီ ၂၀၁၇ (UTC)

ယူကလစ်မဟုတ်သော ဂျီဩမေတြီ ကိုကျွန်တော်ထပ်ဖြည့် လိုက်ပါတယ်။ အဲဒီဘာသာရပ်နဲ့ ပတ်သက်တဲ့ ဆောင်းပါးတော့ မရှိသေးဘူး၊ နောက်တော့ ရေးကြတာပေါ့။ လီနီယာကို ကျွန်တော် မျဉ်းညီချိုးကျ လို့ ပြန်ထားပါတယ်။ ကျွန်တော်လည်း လီနီယာကို လီနီယာလို့ ရေးတာထက် မျဉ်းညီချိုးကျ လို့ ရေးတာ ပိုပြီးကြိုက်ပါတယ်။ ခက်တာက ကျွန်တော်တို့တွေ ဘာရေးရေး၊ အသုံးမှ မတွင်ကျယ်ဘဲ။ အသုံးတွင်ကျယ်ဖို့ကတော့ အများကြီး လိုသေးတယ်။ ဆွေးနွေးတဲ့အတွက် ကျေးဇူးတင်ပါတယ်ခင်ဗျာ။

အခြားဆွေးနွေးချက်များ

မြန်မာဝီကီ အားနည်းနေသေးတဲ့အတွက် သင်္ချာ portal အောက်က အချို့ portal (ဥပမာ - set theory၊ category theory စသည်) တို့ကို ဖြုတ်ထားပါတယ်။ နောင်အားကောင်းလာမှ ပြန်လုပ်ချင် လုပ်ကြတာပေ့ါ။

ဖြစ်နိုင်ရင် portal ပါ topic အကုန်လုံးအတွက် အနည်းဆုံး stub တစ်ခုတော့ ရှိပြီးဖြစ်အောင် ကြိုးစားရအောင်။ မင်းသန့် (talk)

Trigonometry နောက် topic ခေါင်းစဉ်တွေ မြန်မာလိုမပြန်ရသေးပါခင်ဗျာ။ မင်းသန့် (talk) ၀၄:၅၉၊ ၂၇ ဒီ​ဇင်​ဘာ​ ၂၀၁၄ (UTC) မင်းသန့် (talk) ၁၅:၃၇၊ ၂၉ ဒီ​ဇင်​ဘာ​ ၂၀၁၄ (UTC)